സർവകലാശാല വാർത്തകൾ
text_fieldsഎം.ജി
ബിരുദം; ഓണ്ലൈന് രജിസ്ട്രേഷന് തുടങ്ങി
കോട്ടയം: ബിരുദ, ഇന്റഗ്രേറ്റഡ് ബിരുദ പ്രോഗ്രാമുകളില് പ്രവേശനത്തിന് ഓണ്ലൈന് രജിസ്ട്രേഷന് തുടങ്ങി. cap.mgu.ac.in വഴി മെയ് 31ന് വൈകീട്ട് അഞ്ചുവരെ അപേക്ഷിക്കാം.
മാനേജ്മെന്റ്, ലക്ഷദ്വീപ്, വികലാംഗ, സ്പോര്ട്സ്, കള്ച്ചറല് ക്വാട്ടകളില് പ്രവേശനത്തിനും ഓണ്ലൈൻ അപേക്ഷ നല്കണം. ലക്ഷദ്വീപ് വിദ്യാര്ഥികള്ക്ക് കോളജുകളിൽ സംവരണമുണ്ട്.
സംവരണാനുകൂല്യത്തിന് ഓണ്ലൈന് അപേക്ഷക്കൊപ്പം കമ്യൂണിറ്റി അല്ലെങ്കില് ജാതി സര്ട്ടിഫിക്കറ്റ് അപ് ലോഡ് ചെയ്യണം. വിമുക്തഭടന്, ജവാന്, എന്.സി.സി, എന്എസ്.എസ് വിഭാഗങ്ങളിലെ ബോണസ് മാര്ക്ക് ലഭിക്കുന്നതിന് പ്രോസ്പെക്ടസില് നിര്ദേശിച്ച സാക്ഷ്യപത്രങ്ങളുടെ ഡിജിറ്റല് പതിപ്പ് അപ് ലോഡ് ചെയ്യണം. മുന്നാക്ക വിഭാഗങ്ങളിലെ സംവരണ സീറ്റുകളിലേക്ക് റവന്യു അധികൃതരുടെ സാക്ഷ്യപത്രത്തിന്റെ ഡിജിറ്റല് പതിപ്പാണ് അപ് ലോഡ് ചെയ്യേണ്ടത്.
എയ്ഡഡ് കോളജുകളില് കമ്യൂണിറ്റി മെറിറ്റ് സീറ്റുകളില് പ്രവേശനം തേടുന്നവരും ഓണ്ലൈനില് അപേക്ഷിക്കണം. ഈ സീറ്റുകളിലേക്ക് മെറിറ്റ് അടിസ്ഥാനത്തിലുള്ള അലോട്ട്മെന്റ് സര്വകലാശാല നേരിട്ട് നടത്തും. ഈ സീറ്റുകളിലേക്ക് അപേക്ഷിക്കുന്നവര് കമ്മ്യൂണിറ്റി സര്ട്ടിഫിക്കറ്റിന്റെ ഡിജിറ്റല് പകര്പ്പ് അപ് ലോഡ് ചെയ്യണം.സാക്ഷ്യപത്രങ്ങളുടെ അസ്സല്, പ്രവേശന സമയത്ത് പ്രിന്സിപ്പല് മുമ്പാകെ ഹാജരാക്കണം.
ഫീസ് വിവരങ്ങൾ വെബ്സൈറ്റില്(cap.mgu.ac.in ).
വിശദ വിവരങ്ങളും ഹെല്പ്പ് ഡെസ്ക്കുകളുടെ നമ്പരുകളും വെബ് സൈറ്റില്.
പരീക്ഷാ തീയതി
മോഡല് ഒന്ന് ആനുവല് സ്കീം ബി.എ, ബി.എസ്സി, ബി.കോം പാര്ട്ട് മൂന്ന് മെയിന് പേപ്പര് (പ്രൈവറ്റ് രജിസ്ട്രേഷന്- അവസാന സ്പെഷ്യല് മെഴ്സി ചാന്സ്) പരീക്ഷകള് ജൂണ് 20 മുതല് നടക്കും.
പരീക്ഷാ ഫലം
ഒന്നാം സെമസ്റ്റര് (പി.ജി.സി.എസ്.എസ്) എം.എസ്സി എന്വയോണ്മെന്റ് സയന്സ് ആന്റ് മാനേജ്മെന്റ് (2024 അഡ്മിഷന് റഗുലര്, 2023 അഡ്മിഷന് ഇംപ്രൂവ്മെന്റ്, 2019 മുതല് 2023 വരെ അഡ്മിഷനുകള് റീഅപ്പിയറന്സ് ഡിസംബര് 2024) പരീക്ഷയുടെ ഫലം പ്രസിദ്ധീകരിച്ചു. പുനര് മൂല്യനിര്ണയത്തിനും സൂക്ഷ്മപരിശോധനക്കും ജൂണ് അഞ്ച് വരെ ഓണ്ലൈനില് അപേക്ഷിക്കാം.
വിവരങ്ങള് studentportal.mgu.ac.in എന്ന ലിങ്കില്.
പ്രാക്ടിക്കല്
നാലാം സെമസ്റ്റര് ബി.എസ്സി ഐ.ടി മോഡല് 3 സി.ബി.സി.എസ് (പുതിയ സ്കീം-2023 അഡ്മിഷന് റഗുലര്, 2022 അഡ്മിഷന് ഇംപ്രൂവ്മെന്റ്, 2018 മുതല് 2022 വരെ അഡ്മിഷനുകള് സപ്ലിമെന്ററി, 2017 അഡ്മിഷന് ആദ്യ മെഴ്സി ചാന്സ് മാര്ച്ച് 2025) പരീക്ഷയുടെ പ്രാക്ടിക്കല് പരീക്ഷകള് ജൂണ് 11 മുതല് നടക്കും. ടൈംടേബിള് വെബ്സൈറ്റില്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

