ഡിസംബർ 13 മുതൽ സ്കൂളുകളിൽ യൂനിഫോം നിർബന്ധമാക്കും - മന്ത്രി

തിരുവനന്തപുരം: ഡിസംബർ 13 മുതൽ സ്കൂളുകളിൽ യൂനിഫോം നിർബന്ധമാക്കുമെന്ന്​ മന്ത്രി വി. ശിവൻകുട്ടി. നവംബർ ഒന്നിന്​ സ്​കൂൾ തുറന്നപ്പോൾ യൂനിഫോം നിർബന്ധമാക്കിയിരുന്നില്ല. ബസ് കൺസെഷൻ അടക്കം കാര്യങ്ങളിൽ ആശയക്കുഴപ്പം ഇല്ലാതാക്കാൻ കൂടിയാണ്​ യൂനിഫോം നിർബന്ധമാക്കുന്നത്​.

ഭിന്നശേഷി വിദ്യാർഥികൾ പഠിക്കുന്ന സ്പെഷൽ സ്കൂളുകളും ഹോസ്​റ്റലുകളും തുറക്കാം. എട്ടുമുതൽ സ്പെഷൽ സ്കൂൾ തുറക്കാം.

പൊതുവിദ്യാലയങ്ങൾക്ക് ബാധകമായ മാനദണ്ഡങ്ങൾ പാലിക്കണം. പൊതുവിദ്യാലയങ്ങളിലെ ഭിന്നശേഷിക്കാർക്കും സ്കൂളുകളിൽ എത്താമെന്ന്​ മന്ത്രി അറിയിച്ചു.