ഗാന്ധിഗ്രാം റൂറൽ ഇൻസ്റ്റിറ്റ്യൂട്ടിൽ ബിരുദ-ബിരുദാനന്തര പഠനം

കേന്ദ്ര വിദ്യാഭ്യാസ മന്ത്രാലയത്തിനു കീഴിലുള്ള കൽപിത സർവകലാശാലയായ ദ ഗാന്ധിഗ്രാം റൂറൽ ഇൻസ്​റ്റിറ്റ്യൂട്ട്​ 2021-22 വർഷത്തെ വിവിധ ഡിഗ്രി, പി.ജി പ്രോഗ്രാമുകളിലേക്കുള്ള പ്രവേശനത്തിന്​ അപേക്ഷ ക്ഷണിച്ചു. ചില പ്രഫഷനൽ ബിരുദ കോഴ്​സുകളിലും പഠനാവസരമുണ്ട്​. പ്രോസ്​പെക്​ടസ്​, പ്രവേശന വിജ്ഞാപനം www.ruraluniv.ac.inൽനിന്ന്​ ഡൗൺലോഡ്​ ചെയ്​ത്​ ഇപ്പോൾ ​അപേക്ഷിക്കാം.

വിലാസം: ഗാന്ധിഗ്രാം റൂറൽ ഇൻസ്​റ്റിറ്റ്യൂട്ട്​, ഗാന്ധിഗ്രാം-621302, ഡിൻഡിഗൽ, തമിഴ്​നാട്​. 61 കോഴ്​സുകളിലേക്കാണ്​ പ്രവേശനം. കോഴ്​സുകളിൽ ചിലത്​ ചുവടെ.

ബി.ടെക്​ (സിവിൽ) യോഗ്യത: മാത്തമാറ്റിക്​സ്​, ഫിസിക്​സ്​, കെമിസ്​ട്രി വിഷയങ്ങൾക്ക്​ മൊത്തം 45 ശതമാനം മാർക്കോടെ ഹയർ സെക്കൻഡറി/തത്തുല്യ പരീക്ഷ പാസായിരിക്കണം. എസ്​.സി/എസ്​.ടി വിഭാഗങ്ങൾക്ക്​ 40 ശതമാനം മാർക്ക്​ മതി.

ബി.ടെക്​ (സിവിൽ ലാറ്ററൽ എൻട്രി) യോഗ്യത: 45 ശതമാനം മാർക്കോടെ സിവിൽ എൻജിനീയറിങ്​ ഡിപ്ലോമ അല്ലെങ്കിൽ മാത്തമാറ്റിക്​സ്​ ഒരു വിഷയമായി ബി.എസ്​സി ബിരുദം.

ബി.എസ്​സി അഗ്രികൾച്ചർ (ഓണേഴ്​സ്​), യോഗ്യത- മാത്തമാറ്റിക്​സ്​, ഫിസിക്​സ്​, കെമിസ്​ട്രി, ബയോളജി/അനുബന്ധ വിഷയങ്ങളോടെ ഹയർ സെക്കൻഡറി/തത്തുല്യ പരീക്ഷ 50 ശതമാനം മാർക്കോടെ വിജയിച്ചിരിക്കണം.

ബി.കോം (കോഓപറേഷൻ), ബി.ബി.എ, ബി.എ ഇക്കണോമിക്​സ്​, ബി.എസ്​സി മാത്തമാറ്റിക്​സ്​, കെമിസ്​ട്രി, ഫിസിക്​സ്​, ബി.എസ്​സി ടെക്​സ്​റ്റൈൽസ്​ ആൻഡ്​ ഫാഷൻ ഡി​ൈസൻ, ജിയോളജി, കമ്പ്യൂട്ടർ സയൻസ്,​ മൈ​േ​ക്രാബയോളജി. യോഗ്യത: ബന്ധപ്പെട്ട വിഷയത്തിൽ പ്ലസ് ​ടു.

പഞ്ചവത്സര ഇൻറഗ്രേറ്റഡ്​ പ്രോഗ്രാമുകൾ: എം.എ ഡെവലപ്​മെൻറ്​ അഡ്​മിനിസ്​ട്രേഷൻ, സോഷ്യോളജി. യോഗ്യത-ഏതെങ്കിലും സ്​കീമിൽ പ്ലസ്​ ടു.

എം.എ, എം.എസ്​സി, എം.കോം, എം.സി.എ, എം.ബി.എ, ബി.എസ്​സി ബി.എഡ്​, ബി.എഡ്​, എം.എഡ്​.

ബിവോക്​ (B.Voc) ഫൂട്ട്​വെയർ ആൻഡ്​ ആക്​സസറിസ്​ ഡിസൈൻ മൾട്ടിമീഡിയ പ്രൊഡക്​ഷൻ ടെക്​നോളജി, ഫുഡ് ​പ്രോസസിങ്​, ഡെയറി പ്രൊഡക്​ഷൻ ആൻഡ്​ ടെക്​നോളജി, സോഫ്​റ്റ്​വെയർ ഡെവലപ്​മെൻറ്​ മുതലായവ.