രണ്ട് വർഷം കൊണ്ട് ബിരുദം ​തീർക്കാം; പരിഷ്‍കാരവുമായി യു.ജി.സി

ന്യൂഡൽഹി: ബിരുദ കാലയളവിൽ മാറ്റംവരുത്താൻ വിദ്യാര്‍ഥികള്‍ക്ക് അവസരം നല്‍കുന്ന പദ്ധതിക്ക് അംഗീകാരം നല്‍കി യൂനിവേഴ്‌സിറ്റി ഗ്രാന്റ് കമിഷന്‍ (യു.ജി.സി). 2025-26 അധ്യയന വർഷം മുതലാണ് പരിഷ്കാരം നടപ്പാക്കുക. ഇതനുസരിച്ച് ബിരുദ കാലയളവ് വെട്ടിക്കുറക്കാനും ദീര്‍ഘിപ്പിക്കാനും വിദ്യാര്‍ഥികള്‍ക്ക് അവസരം ലഭിക്കും. അതായത് പുതിയ സംവിധാനത്തിന് കീഴിൽ, വിദ്യാർഥികൾക്ക് രണ്ടര വർഷത്തിനുള്ളിൽ മൂന്ന് വർഷത്തെ ബിരുദം അല്ലെങ്കിൽ മൂന്ന് വർഷത്തിനുള്ളിൽ നാല് വർഷത്തെ ബിരുദം പൂർത്തിയാക്കാൻ കഴിയും. യു.ജി.സി മേധാവി എം. ജഗദേഷ് കുമാറാണ് ഈ പുതിയ പരിഷ്കരണം പ്രഖ്യാപിച്ചത്. വിദ്യാർഥികൾക്ക് ഏറെ പ്രയോജനം ചെയ്യുന്നതാണ് പുതിയ പരിഷ്‍കാരമെന്നും അദ്ദേഹം വ്യക്തമാക്കി.

വിദ്യാര്‍ഥിയുടെ പഠന ശേഷി അനുസരിച്ച് മൂന്നു വര്‍ഷ ബിരുദം രണ്ടു വര്‍ഷം കൊണ്ട് തീര്‍ക്കാനാവും. പഠനകാലയളവ് മൂന്നു വര്‍ഷത്തില്‍ കൂടുതല്‍ ദീര്‍ഘിപ്പിക്കാനും വിദ്യാര്‍ഥികള്‍ക്ക് അവസരം ലഭിക്കും. കോഴ്‌സ് നേരത്തേ പൂര്‍ത്തിയാക്കിയാലും സമയമെടുത്ത് ചെയ്താലും സാധാരണ ബിരുദത്തിന് തുല്യമായിരിക്കും.

തുടര്‍ പഠനത്തിനും ജോലിക്കും സാധാരണ ബിരുദമായിത്തന്നെയാവും ഇവ പരിഗണിക്കുക. ഓരോ സെമസ്റ്ററിലും കൂടുതല്‍ ക്രെഡിറ്റ് നേടിയാണ് ബിരുദം വേഗത്തില്‍ പൂര്‍ത്തിയാക്കാനാവുക.

നിശ്ചിത ക്രെഡിറ്റിലും കുറവു നേടി കോഴ്‌സ് കാലയളവ് ദീര്‍ഘിപ്പിക്കാനും സാധിക്കും. വിദ്യാര്‍ഥികള്‍ക്ക് അവരുടെ പഠന ശേഷിക്കനുസരിച്ചും സാമ്പത്തികമോ അക്കാദമികമോ ആയ വെല്ലുവിളികൾക്കനുസരിച്ചും ഇക്കാര്യത്തില്‍ തീരുമാനമെടുക്കാം.

യു.​ജി.​സി​ ബി​രു​ദ പ​രി​ഷ്‍കാ​ര​ങ്ങ​ൾ

● ബി​രു​ദം പെ​​ട്ടെ​ന്ന് നേ​ടാ​ൻ ആ​ക്സി​ല​റേ​റ്റ​ഡ്

ഡി​ഗ്രി പ്രോ​ഗ്രാം (എ.​ഡി.​പി)

● പ​ഠ​നം നീ​ട്ടാൻ എ​ക്സ്റ്റ​ൻ​ഡ​ഡ് ഡി​ഗ്രി പ്രോ​ഗ്രാം (ഇ.​ഡി.​പി)

● പ​ര​മാ​വ​ധി നീ​ട്ടാ​ൻ പ​റ്റു​ന്ന​ത് ര​ണ്ട് സെ​മ​സ്റ്റ​റു​ക​ൾ

● നേ​ര​ത്തേ കോ​ഴ്സ് പൂ​ർ​ത്തി​യാ​യാ​ൽ ഉ​ട​ൻ ബി​രു​ദ​ദാ​നം

● സാ​ധാ​ര​ണ ബി​രു​ദ​ കാ​ല​യ​ള​വി​ലെ അ​തേ ക്രെ​ഡി​റ്റു​ക​ൾ

● പു​തി​യ പ്രോ​ഗ്രാ​മു​ക​ൾ​ക്ക് അ​പേ​ക്ഷ ഒ​ന്നും

ര​ണ്ടും സെ​മ​സ്റ്റ​റി​ന്റെ അ​വ​സാ​നം

● മൂ​ന്നാം സെ​മ​സ്റ്റ​ർ മു​ത​ൽ അ​പേ​ക്ഷി​ക്കാ​നാ​വി​ല്ല

● യോ​ഗ്യ​ത വി​ല​യി​രു​ത്തു​ന്ന​തി​ന് വി​ദ​ഗ്ധ സ​മി​തി​ക​ൾ

● വി​ദ​ഗ്ധ സ​മി​തി​ക​ൾ അ​പേ​ക്ഷ​ക​ൾ പ​രി​ഗ​ണി​ക്കും

● ആ​കെ​ വി​ദ്യാ​ർ​ഥി​ക​ളു​ടെ 10 % വ​രെ എ.​ഡി.​പി​യി​ൽ ​ചേ​ർ​ക്കാം

● എ.​ഡി.​പി​ക്കാർക്ക് ഓ​രോ സെ​മ​സ്റ്റ​റി​നും അ​ധി​ക ക്രെ​ഡി​റ്റ്

● ഇ.​ഡി.​പി​യി​ൽ ഓ​രോ സെ​മ​സ്റ്റ​റി​ലും ക്രെ​ഡി​റ്റു​ക​ളു​ടെ

എ​ണ്ണം കു​റ​വാ​യി​രി​ക്കും

● ഇ.​ഡി.​പി​യി​ൽ സെ​മ​സ്റ്റ​റു​ക​ൾ കൂ​ടും

ബിരുദം നേരത്തേ പൂർത്തിയാക്കൽ; മുന്നിൽ നടന്ന്​ കേരളം

തി​രു​വ​ന​ന്ത​പു​രം: മി​ടു​ക്ക​രാ​യ വി​ദ്യാ​ർ​ഥി​ക​ൾ​ക്ക്​ ബി​രു​ദ​പ​ഠ​നം നേ​ര​ത്തേ പൂ​ർ​ത്തി​യാ​ക്കാ​നു​ള്ള അ​വ​സ​രം നേ​ര​ത്തേ പ്ര​ഖ്യാ​പി​ച്ച്​ കേ​ര​ളം.

സം​സ്ഥാ​ന​ത്ത് ഈ ​വ​ർ​ഷം ആ​രം​ഭി​ച്ച നാ​ല്​ വ​ർ​ഷ ബി​രു​ദ കോ​ഴ്​​സ്​ പൂ​ർ​ത്തി​യാ​ക്കാ​ൻ വി​ദ്യാ​ർ​ഥി നേ​ടേ​ണ്ട​ത്​ 177 ക്രെ​ഡി​റ്റാ​ണ്. എ​ട്ട്​ സെ​മ​സ്റ്റ​ർ അ​ട​ങ്ങി​യ നാ​ല്​ വ​ർ​ഷ കോ​ഴ്​​സി​ൽ മൂ​ന്ന​ര​വ​ർ​ഷം കൊ​ണ്ട്​ ത​ന്നെ​ വി​ദ്യാ​ർ​ഥി​ക്ക്​ 177 ക്രെ​ഡി​റ്റ്​ ആ​ർ​ജി​ച്ച്​ ബി​രു​ദം നേ​ടി പു​റ​ത്തി​റ​ങ്ങാ​നു​ള്ള സൗ​ക​ര്യ​മാ​ണ്​ ​സം​സ്ഥാ​ന​ത്തൊ​രു​ക്കി​യ​ത്.

മൂ​ന്ന്​ വ​ർ​ഷ ബി​രു​ദം നേ​ടാ​ൻ വി​ദ്യാ​ർ​ഥി ആ​ർ​ജി​ക്കേ​ണ്ട​ത്​ 133 ക്രെ​ഡി​റ്റാ​ണ്. ര​ണ്ട​ര​വ​ർ​ഷം കൊ​ണ്ട്​ 133 ക്രെ​ഡി​റ്റ്​ ആ​ർ​ജി​ച്ച്​ ത്രി​വ​ത്സ​ര ബി​രു​ദം സ്വ​ന്ത​മാ​ക്കാ​നു​മാ​കും. നാ​ല്​ വ​ർ​ഷ ബി​രു​ദ കോ​ഴ്​​സ്​ ന​ട​പ്പാ​ക്കു​ന്ന​തി​ന്​ മു​ന്നോ​ടി​യാ​യി ഉ​ന്ന​ത വി​ദ്യാ​ഭ്യാ​സ കൗ​ൺ​സി​ലി​ന്‍റെ മേ​ൽ​നോ​ട്ട​ത്തി​ൽ രൂ​പ​പ്പെ​ടു​ത്തി​യ ഉ​ന്ന​ത വി​ദ്യാ​ഭ്യാ​സ പാ​ഠ്യ​പ​ദ്ധ​തി ച​ട്ട​ക്കൂ​ടി​ലും കോ​ഴ്​​സ്​ റെ​ഗു​ലേ​ഷ​നി​ലും ഇ​തി​നു​ള്ള വ്യ​വ​സ്ഥ ഉ​ൾ​പ്പെ​ടു​ത്തി​യി​ട്ടു​ണ്ട്. സെ​മ​സ്റ്റ​റി​നി​ട​യി​ൽ നി​ശ്​​ചി​ത കാ​ല​ത്തേ​ക്ക്​ വി​ദ്യാ​ർ​ഥി​ക്ക്​ ഇ​ട​വേ​ള​യെ​ടു​ക്കാ​നും പാ​ഠ്യ​പ​ദ്ധ​തി ച​ട്ട​ക്കൂ​ടി​ൽ വ്യ​വ​സ്ഥ​യു​ണ്ട്. ഇ​തു​പ്ര​കാ​രം നാ​ല്​ വ​ർ​ഷ കോ​ഴ്​​സ്​ പൂ​ർ​ത്തി​യാ​ക്കാ​ൻ പ​ര​മാ​വ​ധി ഏ​ഴ്​ വ​ർ​ഷം​വ​രെ സ​മ​യം അ​നു​വ​ദി​ക്കും.