എം.ജി വാഴ്സിറ്റിയിൽ 'യു.ജി-പി.ജി'പൊതുപ്രവേശന പരീക്ഷ മേയിൽ

കോട്ടയം: മഹാത്മാഗാന്ധി (എം.ജി) സർവകലാശാലയുടെ വിവിധ പഠനവകുപ്പുകളിലും ഇന്റർ സ്കൂൾ സെന്ററിലും 2022-23 വർഷം നടത്തുന്ന ഇനി പറയുന്ന ബിരുദ-ബിരുദാനന്തര ബിരുദ കോഴ്സുകളിലേക്കുള്ള പൊതുപ്രവേശന പരീക്ഷ (CAT-MGU 2022) മേയ് 28, 29 തീയതികളിൽ.

ഓൺലൈൻ രജിസ്ട്രേഷൻ ഏപ്രിൽ ഏഴിനകം. 'കാറ്റ്-എം.ജി.യു 2022-23' വിജ്ഞാപനവും വിശദവിവരങ്ങളടങ്ങിയ പ്രോസ്‍പെക്ടസും www.cat.mgu.ac.inൽ. സീറ്റുകൾ, പ്രവേശനയോഗ്യത, സെലക്ഷൻ നടപടികൾ, സംവരണം ഉൾപ്പെടെയുള്ള വിവരങ്ങൾ പ്രോസ്‍പെക്ടസിലുണ്ട്.

പ്രവേശന പരീക്ഷാഫലം ജൂൺ 21ന് പ്രസിദ്ധീകരിക്കും.