അഞ്ച്​ സ്വാശ്രയ മെഡിക്കൽ കോളജുകളിൽ ഫീസ്​ ഘടനയിൽ മാറ്റമില്ല

തിരുവനന്തപുരം: അഞ്ച്​ സ്വകാര്യ സ്വാശ്രയ മെഡിക്കൽ കോളജുകളിലെ അന്തിമ ഫീസ്​ ഘടന നിശ്ചയിച്ച്​ പ്രവേശന, ഫീസ്​ മേൽനോട്ടസമിതി ഉത്തരവിറക്കി. ക്രിസ്​ത്യൻ പ്രഫഷനൽ കോളജ് മാനേജ്‌മെൻറ്​ ഫെഡറേഷന്​ കീഴിലുള്ള തൃശൂർ അമല, ജൂബിലി, കോലഞ്ചേരി, പുഷ്​പഗിരി മെഡിക്കൽ കോളജുകളിലെയും തിരുവനന്തപുരം വെഞ്ഞാറമൂട്​ ശ്രീഗോകുലം മെഡിക്കൽ കോളജ്​ എന്നിവിടങ്ങളിലെയും ഫീസാണ്​ നിശ്ചയിച്ചത്​.

2017-18 മുതൽ 2020-21 വർഷം വരെ പ്രവേശനം നേടിയവർക്കുള്ള ട്യൂഷൻ, സ്​പെഷൽ, ഹോസ്​റ്റൽ ഫീസുകളിലാണ്​ തീരുമാനമായത്​. അഞ്ച്​ കോളജുകളിലും നേര​േത്ത നിശ്ചയിച്ച ഫീസ്​ തന്നെ പുനർനിർണയത്തിലും അനുവദിച്ചു​.2020-21ൽ ട്യൂഷൻഫീസ് 6,55,500 രൂപയാണ്. 2017-18 ൽ 4.85 ലക്ഷവും 2018-19ൽ 5.6 ലക്ഷവും 2019 -20ൽ 6.16 ലക്ഷം രൂപയുമാണ്​ ട്യൂഷൻ ഫീസ്​. 46,583 മുതൽ 86,600 വരെ ആദ്യവർഷം സ്പെഷൽഫീസും നിശ്ചയിച്ചിട്ടുണ്ട്. തുടർവർഷങ്ങളിൽ നൽകേണ്ട സ്പെഷൽഫീസും ഹോസ്​റ്റൽഫീസും സമിതി തീരുമാനിച്ചിട്ടുണ്ടെങ്കിലും ഇത്​ കോളജ്​ അടിസ്ഥാനത്തിൽ വ്യത്യസ്​ത നിരക്കാണ്​​.

രണ്ട്​ തവണ നിശ്ചയിച്ച ഫീസ്​ ഘടനക്കെതിരെ മാനേജ്​മെൻറുകൾ ഹൈ​േകാടതിയെ സമീപിച്ചതോടെയാണ്​ ഫീസ്​ ഘടന പുനർനിർണയിക്കേണ്ടിവന്നത്​. മാനേജ്​മെൻറുകൾ സമർപ്പിക്കുന്ന ഒാഡിറ്റ്​ ചെയ്യാത്ത കണക്കുകളും കോളജുകളുടെ ചെലവിനത്തിൽ ഉൾപ്പെടുത്തണമെന്ന്​ ഹൈകോടതി ഉത്തവി​െട്ടങ്കിലും ഇതിനെതിരെ സർക്കാറും വിദ്യാർഥികളും സുപ്രീംകോടതിയെ സമീപിച്ചു. ഒാഡിറ്റ്​ ചെയ്​ത കണക്കുകൾ പരിശോധിച്ച്​ ഫീസ്​ ഘടന പുനർനിർണയിക്കാൻ നിർദേശിച്ച സുപ്രീംകോടതി ഫീസ്​ നിർണയസമിതി ആവശ്യപ്പെടുന്ന രേഖകൾ ഹാജരാക്കാൻ മാനേജ്​മെൻറുകൾക്ക്​ നിർദേശം നൽകുകയും ചെയ്​തു.

നേര​േത്ത 2020 നവംബർ നാലിനാണ്​ രണ്ടാം തവണ ഫീസ്​ ഘടന നിശ്ചയിച്ച്​ സമിതി ഉത്തരവിറക്കിയത്​. ഇൗ ഉത്തരവിൽ കാര്യമായ മാറ്റങ്ങളില്ലാതെയാണ്​ അഞ്ച്​ കോളജുകളിലെയും ഫീസ്​ ഇപ്പോഴും നിർണയിച്ചത്​. അഞ്ച്​ കോളജുകളിലും ട്യൂഷൻ ഫീസ്​ 2020-21ലേക്ക്​ നേര​േത്ത നിശ്ചയിച്ചതും 6.55 ലക്ഷം രൂപയായിരുന്നു. അവശേഷിക്കുന്ന 14 സ്വാശ്രയ മെഡിക്കൽ കോളജുകളിലെ ഫീസ്​ നിർണയ നടപടികൾ പുരോഗമിക്കുകയാണെന്ന്​ സമിതി അധ്യക്ഷൻ റിട്ട. ജസ്​റ്റിസ്​ ആർ. രാജേന്ദ്രബാബു പറഞ്ഞു. പത്ത്​ ലക്ഷം മുതൽ 21 ലക്ഷം രൂപ വരെയാണ്​ വിവിധ മാനേജ്​മെൻറുകൾ ട്യൂഷൻ ഫീസായി ആവശ്യപ്പെട്ടിരുന്നത്​.