ടാൻസെറ്റ്-2022' മേയ് 14, 15ന്

'

ഓൺലൈൻ രജിസ്ട്രേഷൻ ഏപ്രിൽ 18നകം

വിജി. കെ

റെഗുലർ എം.ബി.എ, എം.സി.എ, എം.ഇ/എം.ടെക്/എം.ആർക്/എം. പ്ലാൻ കോഴ്സുകളിലേക്കുള്ള തമിഴ്നാട് കോമൺ എൻട്രൻസ് ടെസ്റ്റ് (ടാൻസെറ്റ്-2022) മേയ് 14, 15 തീയതികളിൽ അണ്ണാ യൂനിവേഴ്സിറ്റിയുടെ ആഭിമുഖ്യത്തിൽ നടത്തും. തമിഴ്നാട്ടിലെ വിവിധ വാഴ്സിറ്റി ഡിപാർട്ട്മെന്റുകൾ, എൻജിനീയറിങ് കോളജുകൾ, ഗവൺമെന്റ്/എയ്ഡഡ്/സെൽഫ് ഫിനാൻസിങ് കോളജുകൾ നടത്തുന്ന കോഴ്സുകളിലാണ് പ്രവേശനം.

കേരളം ഉൾപ്പെടെ അന്യസംസ്ഥാനങ്ങളിലുള്ളവർക്കും പ്രവേശന പരീക്ഷയിൽ പ​ങ്കെടുക്കാം. വിശദവിവരങ്ങളടങ്ങിയ വിജ്ഞാപനം https://tancet.annauniv.edu/tancetൽ ലഭ്യമാണ്.

അപേക്ഷാഫീസ് 800 രൂപ. യോഗ്യതാ മാനദണ്ഡങ്ങൾ, അപേക്ഷാ സമർപ്പണത്തിനുള്ള നിർദേശങ്ങൾ, അഡ്മിഷൻ നടപടികൾ മുതലായ വിവരങ്ങൾ വിജ്ഞാപനത്തിലുണ്ട്.

താൽപര്യമുള്ളവർക്ക് ഓൺലൈനായി ഏപ്രിൽ 18 വരെ രജിസ്റ്റർ ചെയ്യാം.