ഇടമലക്കുടിയുടെ മാഷ്​ ആകാൻ ഷമീർ

അ​ടി​മാ​ലി: ഗോ​ത്ര​വ​ർ​ഗ വി​ദ്യാ​ർ​ഥി​ക​ൾ​ക്ക് അ​ക്ഷ​ര​വെ​ളി​ച്ചം പ​ക​രാ​ൻ സ്വ​യം സ​ന്ന​ദ്ധ​നാ​യി അ​ധ്യാ​പ​ക​ൻ മ​ല​ക​യ​റു​ന്നു. അ​ടി​മാ​ലി വെ​ള്ള​ത്തൂ​വ​ൽ സ്വ​ദേ​ശി​യും ബി.​ആ​ർ.​സി ട്രെ​യി​​ന​റു​മാ​യ സി.​എ. ഷ​മീ​റാ​ണ് വി​ദൂ​ര ആ​ദി​വാ​സി മേ​ഖ​ല​യാ​യ ഇ​ട​മ​ല​ക്കു​ടി​യി​ലെ​ത്തി​യ​ത്. സ​മ​ഗ്ര ശി​ക്ഷ കേ​ര​ള​യി​ലെ ഡെ​പ്യൂ​ട്ടേ​ഷ​ൻ പൂ​ർ​ത്തി​യാ​ക്കി​യാ​ണ്​ ന​വം​ബ​ർ ഒ​ന്നി​ന്​ ഗ​വ.​എ​ൽ.​പി സ്കൂ​ളി​ലെ​ത്തി​യ​ത്. കേ​ര​ള​ത്തി​ലെ ഏ​ക ആ​ദി​വാ​സി ഗ്രാ​മ​പ​ഞ്ചാ​യ​ത്താ​ണ് ഇ​ട​മ​ല​ക്കു​ടി.

മൂ​ന്നാ​റി​ൽ​നി​ന്ന്​ ഏ​താ​ണ്ട് അ​ഞ്ചു മ​ണി​ക്കൂ​റോ​ളം വ​ന​ത്തി​ലൂ​ടെ യാ​ത്ര ചെ​യ്താ​ലാ​ണ്​ ഈ ​ഗി​രി​വ​ർ​ഗ​മേ​ഖ​ല​യി​ൽ എ​ത്താ​ൻ സാ​ധി​ക്കു​ക. രാ​ജ​മ​ല, പു​ല്ലു​മേ​ട് എ​ന്നീ സ്ഥ​ല​ങ്ങ​ളി​ലൂ​ടെ 15 കി​ലോ​മീ​റ്റ​ർ ജീ​പ്പി​ൽ യാ​ത്ര ചെ​യ്ത്​ ഇ​ട​മ​ല​ക്കു​ടി​യി​ലേ​ക്കു​ള്ള ക​വാ​ട​മാ​യ പെ​ട്ടി​മു​ടി​യി​ൽ എ​ത്താം.

ഏ​താ​ണ്ട് 13 കി​ലോ​മീ​റ്റ​ർ ആ​ന, ക​ടു​വ, കാ​ട്ടു​പോ​ത്ത് എ​ന്നി​വ​യു​ടെ സാ​ന്നി​ധ്യ​മു​ണ്ട്. ജീ​പ്പി​ൽ നാ​ലു​മ​ണി​ക്കൂ​ർ യാ​ത്ര ചെ​യ്താ​ൽ ഇ​ട​മ​ല​ക്കു​ടി പ​ഞ്ചാ​യ​ത്തി​ന്റെ കേ​ന്ദ്ര​മാ​യ സൊ​സൈ​റ്റി​ക്കു​ടി​യി​ൽ എത്തും. കേ​ര​ള വ​നം വ​കു​പ്പി​ന്‍റെ അ​നു​വാ​ദം ഉ​ണ്ടെ​ങ്കി​ൽ മാ​ത്ര​മേ ഇ​ട​മ​ല​ക്കു​ടി നി​വാ​സി​യ​ല്ലാ​ത്ത​വ​ർ​ക്ക് ഇ​വി​ടെ എ​ത്തി​ച്ചേ​രാ​ൻ സാ​ധി​ക്കൂ.

ആ​ദി​വാ​സി ഗോ​ത്ര​വി​ഭാ​ഗ​ത്തി​ലെ മു​തു​വാ​ൻ വ​ർ​ഗ​ക്കാ​രാ​ണ് ഇ​വി​ടെ താ​മ​സി​ക്കു​ന്ന​ത്. പ​ഞ്ചാ​യ​ത്ത്​ ഓ​ഫി​സ്​ ഇ​വി​ടെ പൂ​ർ​ണ​തോ​തി​ൽ പ്ര​വ​ർ​ത്തി​ക്കു​ന്നി​ല്ല. ദേ​വി​കു​ള​ത്താ​ണ് ഓ​ഫി​സ് പ്ര​വ​ർ​ത്ത​നം.

സൊ​സൈ​റ്റി​ക്കു​ടി​വ​രെ വൈ​ദ്യു​തി എ​ത്തി​യി​ട്ടു​ണ്ടെ​ങ്കി​ലും മൂ​ന്ന് കു​ടി​ക​ളി​ലേ വൈ​ദ്യു​തി​യു​ള്ളു. 23 കു​ടി​ക​ളി​ൽ ഇ​ന്നും വെ​ളി​ച്ച​ത്തി​ന് പ​ര​മ്പ​രാ​ഗ​ത മാ​ർ​ഗ​ങ്ങ​ൾ മാ​ത്രം. ഫോ​ൺ സൗ​ക​ര്യ​ത്തി​ന് ബി.​എ​സ്.​എ​ൻ.​എ​ൽ ട​വ​ർ മാ​ത്ര​മാ​ണു​ള്ള​ത്. ഇ​ട​മ​ല​ക്കു​ടി​യി​ലെ ഏ​ക വി​ദ്യാ​ഭ്യാ​സ സ്ഥാ​പ​നം ഈ ​സ​ർ​ക്കാ​ർ എ​ൽ.​പി സ്കൂ​ളാ​ണ്.

ഒ​ന്നു മു​ത​ൽ നാ​ലു​വ​രെ ക്ലാ​സു​ക​ളി​ലാ​യി നൂ​റോ​ളം കു​ട്ടി​ക​ളാ​ണു​ള്ള​ത്. ഗോ​ത്ര​വി​ഭാ​ഗ​ങ്ങ​ൾ കൗ​തു​ക കാ​ഴ്ച​യ​ല്ലെ​ന്നും അ​വ​ർ​ക്കാ​യി പ്ര​തി​കൂ​ല സാ​ഹ​ച​ര്യ​ത്തി​ലും എ​ന്തെ​ങ്കി​ലും ചെ​യ്യ​ണ​മെ​ന്ന്​ ആ​ഗ്ര​ഹി​ച്ചാ​ണ് സ്ഥ​ലം മാ​റ്റ​ത്തി​ന് സ്വ​യം ത​യാ​റാ​യ​തെ​ന്നും ഷെ​മീ​ർ പ​റ​യു​ന്നു.