Top
Begin typing your search above and press return to search.
exit_to_app
exit_to_app
Homechevron_rightEducationchevron_rightEdu Newschevron_rightവെറുതെ ഒരു ഒന്നാം...

വെറുതെ ഒരു ഒന്നാം റാങ്ക്​: കാലിക്കറ്റിൽ അധ്യാപക നിയമനത്തിലെ 'സംവരണക്കളി' തുടരുന്നു

text_fields
bookmark_border
Calicut University
cancel

കോഴിക്കോട്​: പഠനവകുപ്പുകളിലെ അധ്യാപകനിയമനത്തിൽ ഉദ്യോഗാർഥികളെ ഇളിഭ്യരാക്കുന്നത്​ തുടർന്ന്​ കാലിക്കറ്റ്​ സർവകലാശാല. സംവരണക്രമം നേരത്തേ പ്രഖ്യാപിക്കാതെയുള്ള നിയമനമാണ്​ ഉദ്യോഗാർഥികളുടെ പണവും സമയവും അധ്വാനവും നഷ്​ടമാക്കിയത്​. കഴിഞ്ഞ ദിവസം പ്രസിദ്ധീകരിച്ച കംപ്യുട്ടർ സയൻസ്​ അസിസ്​റ്റൻറ്​ പ്രഫസർ നിയമനത്തിനുള്ള റാങ്ക്​പട്ടികയാണ്​ അവസാനത്തെ പ്രഹസനപട്ടിക. 11 ​പേരടങ്ങിയ റാങ്ക്​ലിസ്​റ്റിലുള്ള ഒരാൾക്ക്​ പോലും നിയമനം കിട്ടില്ല. ഒരു ഒഴിവുള്ള കംപ്യൂട്ടർ സയൻസിൽ നിയമനം നാടാർ വിഭാഗത്തിനാണ്​ സംവരണം ചെയ്​തതെന്നാണ്​ റാങ്ക്​പട്ടികയുടെ ത​ാഴെ എഴുതിയിരിക്കുന്നത്​. ഉദ്യോഗാർഥികളെ ലഭിക്കാത്ത വിഭാഗമായി (എൻ.സി.എ) ഈ നിയമനത്തെ കണക്കാക്കുകയും ചെയ്​തു. ഇനി പുതിയ വിജ്​ഞാപനം നടത്തി നിയമനപ്രക്രിയ തുടങ്ങേണ്ടി വരും.

ഇടതുപക്ഷ സിൻഡിക്കേറ്റി​ന്‍റെ തലതിരിഞ്ഞ നയമാണ്​ നിയമന സമയത്ത്​ മാത്രം ഏത്​ തസ്​തികയിലാണ്​ സംവരണമെന്ന്​ അറിയേണ്ട ഗതികേട്​. ഹൈക്കോടതി വിധിയുടെ പേരിൽ, രാജ്യത്ത്​ ഒരിടത്തുമില്ലാത്ത ക്രൂരമായ തീരുമാനങ്ങളാണ്​ കാലിക്കറ്റ്​ സർവകലാശാല സ്വീകരിച്ചത്​.

കംപ്യുട്ടർ സയൻസ്​ തസ്​തികയിൽ ഇൻറർവ്യുവിനായി 31 പേരുടെ പട്ടികയാണുണ്ടായിരുന്നത്​. ഇതിൽ എല്ലാവരും എത്തിയിരുന്നില്ല. മുഴുവൻ സർട്ടിഫിക്കറ്റുകളുടെയും പ്രസിദ്ധീകരണങ്ങളുടെയും ആറ്​ കോപ്പി വീതം ഇൻറർവ്യുവിന്​ ഹാജരാ​ക്കേണ്ടിയിരുന്നു. കോവിഡായതിനാൽ ഇൻറർവ്യു ബോർഡിലെ ഒരോരുത്തർക്കും ഓരോ ​കോപ്പി എന്ന നിലയിലാണ്​ നൽകിയത്​. വിദേശത്ത്​ നിന്ന്​ വരെ എത്തി ഇൻറർവ്യുവിൽ പ​ങ്കെടുത്തവരുണ്ട്​.

റാങ്ക്​ പട്ടികയിൽ ഒന്നാം സ്​ഥാനം കിട്ടിയത്​ പോളിടെക്​നിക്​ കോളജ്​ അധ്യാപികയായ ടി.പി ഷബീറക്കാണ്​. മുസ്​ലിം, ഓപൺ, ലത്തീൻ, പട്ടികജാതി വിഭാഗങ്ങളിൽ നിന്നുള്ളവരെല്ലാം റാങ്ക്​ പട്ടികയിലുണ്ട്​. ഒന്നാം റാങ്ക്​കാരിക്ക്​ മാത്രമാണ്​ നിയമനം ലഭിക്കുക. എന്നാൽ, നാടാർ സംവരണമായതിനാൽ ഷബീറയുടെ റാങ്ക് വെറുതെയായി. മറ്റ്​ പല പഠനവകുപ്പുകളിലും സർവകലാശാല നിശ്​ചയിച്ച സംവരണ വിഭാഗത്തിലെ ഉദ്യോഗാർഥികളില്ലായിരുന്നു. ഇതിനിടെ, ലൈഫ്​ സയൻസിലും സുവോളജിയിലും ഭാര്യാ നിയമനത്തിന്​ നീക്കമു​ണ്ടെന്നും ആരോപണമുയർന്നിട്ടുണ്ട്​​.

Show Full Article
TAGS:Calicut University 
Next Story