വാഴ്​സിറ്റികൾക്ക്​ ആശ്വാസം: വിദൂര വിദ്യാഭ്യാസ ചട്ടങ്ങളിൽ യു.ജി.സി ഇളവ്​

കോഴിക്കോട്​: കോവിഡ്​ പശ്ചാതലത്തിൽ വിദൂര വിദ്യാഭ്യാസ ചട്ടങ്ങളിൽ കാര്യമായ മാറ്റംവരുത്തി യു.ജി.സി. പുതിയ ചട്ടപ്രകാരം വിദൂര വിദ്യാഭ്യാസ കോഴ്​സ്​ നടത്തിപ്പിന്​ സർവകലാശാലകൾക്കുള്ള യോഗ്യതയിൽ ഇളവ്​ അനുവദിച്ചു. നേരത്തേ എ-പ്ലസ്​ ഗ്രേഡ്​ നാക്​ അക്രഡിറ്റേഷൻ ഉള്ളവർക്കാണ്​ വിദൂര വിദ്യാഭ്യാസ കോഴ്​സ്​ അനുവദിച്ചിരുന്നത്​. 3.26 ഉം അതിന്​ മുകളിലുമാണ്​ ​ആണ്​ എ-പ്ലസ്​ ഗ്രേഡ്​​. പുതിയ ചട്ടപ്രകാരം എ-ഗ്രേഡ്​ (3.01) ഉള്ളവർക്ക്​ ഓപൺ ആൻഡ്​ ഡിസ്​റ്റൻസ്​ ലേണിങ്​ പ്രോഗ്രാംസ്​ എന്ന പേരിലുള്ള കോഴ്​സ്​ നടത്താ​ം.

പുതിയ ചട്ടങ്ങൾ അസാധാരണ ഗസറ്റ്​ വിജ്ഞാപനമായി പുറത്തിറക്കി. ദേശീയ സ്ഥാപന റാങ്കിങ്​ ചട്ടക്കൂടിൽ​ (എൻ.​െഎ.ആർ.എഫ്) ആദ്യ 100ൽ​ വരുന്ന സർവകലാശാലകൾക്ക്​ വിദൂര വിദ്യാഭ്യാസ കോഴ്​സ്​ നടത്താം. ഓൺ​ൈലൻ കോഴ്​സുകൾക്ക്​ പ്രാധാന്യം നൽകുന്നതാണ് പുതുക്കിയ ചട്ടം. കർശന നിബന്ധന കാരണം പല സർവകലാശാലകൾക്കും വിദൂര വിദ്യാഭ്യാസ കോഴ്​സ്​ നടത്താൻ കഴിഞ്ഞിരുന്നില്ല. ഇതുകാരണം 2018ൽ സർവകലാശാലകൾക്ക്​ രണ്ട​ു​ വർഷത്തേക്ക്​ താൽക്കാലിക അംഗീകാരം നൽകുകയായിരുന്നു.

പുതിയ ചട്ട​പ്രകാരം കാലിക്കറ്റ്​, കേരള, എം.ജി, കുസാറ്റ്​​ തുടങ്ങിയ സർവകലാശാലകൾക്കെല്ലാം വിദൂര വിദ്യാഭ്യാസ കോഴ്​സ്​ നടത്താം. കേരള സർവകലാശാലക്ക്​ 3.03 നാക്​ സ്​കോറുണ്ട്​. കാലിക്കറ്റിന്​ 3.13 ആണ്​ നാക്​ സ്​കോർ.

പുതിയ ചട്ടപ്രകാരം എൻ.​െഎ.ആർ.എഫ് പട്ടികയിലെ ആദ്യ 100​ റാങ്ക്​ അടിസ്ഥാനമാക്കിയാലും കാലിക്കറ്റിനും കേരളക്കും കോഴ്​സുകൾ നടത്താം. പട്ടികയിൽ കേരള 23ഉം കാലിക്കറ്റ്​ 54ഉം കുസാറ്റ്​ 62മാണ്​. എം.ജിയുടെ നാക്​ സ്​കോർ 3.24 ആയതിനാൽ അവർക്കും​ കോഴ്​സ്​ അനുവദിക്കാം. നിലവിൽ കാലിക്കറ്റ്​, കണ്ണൂർ, കേരള സർവകലാശാലകളിൽ മാ​ത്രമാണ്​ കോഴ്​സുണ്ടായിരുന്നത്​.

അതേസമയം, ചട്ടങ്ങളിൽ ഇളവുണ്ടെങ്കിലും കോഴ്​സ്​ നടത്താൻ സംസ്ഥാന സർക്കാർ കനിയണം. മറ്റ​ു സർവകലാശാലകൾക്ക്​ യു.ജി.സി ചട്ടപ്രകാരം വിദൂര വിദ്യാഭ്യാസ കോഴ്​സുകൾ നടത്താനാവില്ലെന്നതായിരുന്നു പുതുതായി തുടങ്ങുന്ന ശ്രീനാരായണഗുരു ഓപൺ സർവകലാശാലയുടെ പ്രധാന ആവശ്യകതയായി സർക്കാർ പറഞ്ഞിരുന്നത്​. മറ്റു സർവകലാശാലകളിൽ വിദൂര വിദ്യാഭ്യാസ കോഴ്​സുകൾക്ക്​ പ്രവേശനം അനുവദിക്കില്ലെന്നായിരുന്നു നിലപാട്​.