എൻജി.​ റാങ്ക്​ പട്ടികയിൽ ഇടംപിടിച്ചവരുടെ എണ്ണത്തിൽ റെക്കോഡ്​ വർധന

തി​രു​വ​ന​ന്ത​പു​രം:​ കേ​ര​ള എ​ൻ​ജി​നീ​യ​റി​ങ്​ റാ​ങ്ക്​ പ​ട്ടി​ക​യി​ൽ ഇ​ടം​പി​ടി​ച്ച​വ​രു​ടെ എ​ണ്ണ​ത്തി​ൽ ഇ​ത്ത​വ​ണ റൊ​ക്കോ​ഡ്​ വ​ർ​ധ​ന. ക​ഴി​ഞ്ഞ വ​ർ​ഷ​ത്തെ അ​പേ​ക്ഷി​ച്ച്​​ 15,005 പേ​രാ​ണ്​ ഇ​ത്ത​വ​ണ അ​ധി​ക​മാ​യി റാ​ങ്ക്​ പ​ട്ടി​ക​യി​ലെ​ത്തി​യ​ത്. ക​ഴി​ഞ്ഞ വ​ർ​ഷം 52,500 പേ​രാ​ണ്​ റാ​ങ്ക്​ പ​ട്ടി​ക​യി​ൽ ഉ​ൾ​പ്പെ​ട്ട​തെ​ങ്കി​ൽ ഇ​ത്ത​വ​ണ 67,505 പേ​രു​ണ്ട്. പ​ട്ടി​ക​യു​ടെ വ​ലി​പ്പം കൂ​ടി​യ​ത്​ എ​ൻ​ജി​നീ​യ​റി​ങ്​ പ്ര​വേ​ശ​ന​ത്തി​നു​ള്ള ഡി​മാ​ന്‍റ്​ വ​ർ​ധി​പ്പി​ക്കും. സ്വാ​​ശ്ര​യ എ​ൻ​ജി​നീ​യ​റി​ങ്​ കോ​ള​ജു​ക​ളി​ലെ സീ​റ്റൊ​ഴി​വി​ന്‍റെ എ​ണ്ണം കു​റ​യാ​നും ഇ​ത്​ സ​ഹാ​യി​ക്കും.

ഇ​ത്ത​വ​ണ പ​രീ​ക്ഷ എ​ഴു​തി​യ​വ​രു​ടെ എ​ണ്ണ​ത്തി​ലും വ​ർ​ധ​ന​യു​ണ്ട്. 86,549 പേ​രാ​ണ്​ പ​രീ​ക്ഷ​യെ​ഴു​തി​യ​ത്. ക​ഴി​ഞ്ഞ വ​ർ​ഷം ഇ​ത്​ 79,044 പേ​രാ​യി​രു​ന്നു. ഈ ​വ​ർ​ഷം 76,230 പേ​ർ യോ​ഗ്യ​ത നേ​ടി. പ്ല​സ്​ ടു ​മാ​ർ​ക്ക്​ സ​മ​ർ​പ്പി​ച്ച്​ റാ​ങ്ക്​ പ​ട്ടി​ക​യി​ൽ ഇ​ടം​പി​ടി​ച്ച​ത്​ 67505 പേ​രാ​ണ്. ക​ഴി​ഞ്ഞ വ​ർ​ഷം 58,340 ​പേ​ർ​ പ്ര​വേ​ശ​ന പ​രീ​ക്ഷ​യി​ൽ യോ​ഗ്യ​ത നേ​ടി​യ​പ്പോ​ൾ റാ​ങ്ക്​ പ​ട്ടി​ക​യി​ൽ ഉ​ൾ​പ്പെ​ട്ട​ത്​ 52,500 പേ​രാ​യി​രു​ന്നു. 2023ൽ 49,671 ​പേ​രാ​യി​രു​ന്നു റാ​ങ്ക്​ പ​ട്ടി​ക​യി​ലു​ണ്ടാ​യി​രു​ന്ന​ത്.

പ്ര​വേ​ശ​ന​പ​രീ​ക്ഷ​ ക​മീ​ഷ​ണ​റു​ടെ അ​ലോ​ട്ട്​​മെ​ന്‍റി​നു​ശേ​ഷം സ്വാ​ശ്ര​യ കോ​ള​ജു​ക​ളി​ൽ ഒ​ഴി​വു​വ​രു​ന്ന എ​ൻ​ജി​നീ​യ​റി​ങ്​ സീ​റ്റു​ക​ളി​ൽ പ്ര​വേ​ശ​ന പ​രീ​ക്ഷ യോ​ഗ്യ​ത നേ​ടാ​ത്ത​വ​ർ​ക്കും പ്ര​വേ​ശ​നം ന​ൽ​കാ​ൻ ര​ണ്ടു വ​ർ​ഷം മു​മ്പ്​ അ​നു​മ​തി ന​ൽ​കി​യി​രു​ന്നു. ഇ​തി​ന്​ പി​ന്നാ​ലെ, എ​ൻ​ജി​നീ​യ​റി​ങ്​ പ്ര​വേ​ശ​നം നേ​ടു​ന്ന​വ​രു​ടെ എ​ണ്ണ​ത്തി​ൽ നേ​രി​യ വ​ർ​ധ​ന​യു​ണ്ടാ​യി​രു​ന്നു. ഇ​ത്ത​വ​ണ റാ​ങ്ക്​ പ​ട്ടി​ക​യി​ൽ ഉ​ൾ​പ്പെ​ട്ട​വ​രു​ടെ എ​ണ്ണ​ത്തി​ൽ ത​ന്നെ വ​ലി​യ വ​ർ​ധ​ന​യു​ണ്ടാ​യ​ത്​ എ​ൻ​ജി​നീ​യ​റി​ങ്​ പ്ര​വേ​ശ​നം വ​ർ​ധി​ക്കാ​ൻ സാ​ധ്യ​ത​ തു​റ​ക്കും.