പ്ലസ്ടു ഫലം പ്രഖ്യാപിച്ചു: 83.87 ശതമാനം വിജയം; വിജയശതമാനം കൂടുതൽ കോഴിക്കോട്, കൂടുതൽ എ പ്ലസ് മലപ്പുറത്ത്

തിരുവനന്തപുരം: രണ്ടാം വർഷ ഹയർ സെക്കൻഡറി പരീക്ഷയിൽ 83.87 ശതമാനം വിജയം. കഴിഞ്ഞവർഷത്തെ (87.94 ശതമാനം) അപേക്ഷിച്ച്​ 4.07 ശതമാനത്തിന്‍റെ കുറവ്​. വൊക്കേഷനൽ ഹയർ സെക്കൻഡറി പരീക്ഷയിൽ 78.26 ശതമാനമാണ്​ വിജയം. കഴിഞ്ഞ വർഷത്തെ (80.36) അപേക്ഷിച്ച്​ 2.1 ശതമാനത്തിന്‍റെ കുറവ്​. സ്​കോൾ കേരള (ഓപൺ സ്കൂൾ)ക്ക്​ കീഴിൽ 47.19 ശതമാനമാണ്​ (കഴിഞ്ഞവർഷം 53 ശതമാനം) വിജയം.

ഫോക്കസ്​ ഏരിയയിലും അതിനനുസൃതമായി ചോദ്യപേപ്പറിലും വരുത്തിയ ക്രമീകരണങ്ങളാണ്​ വിജയശതമാനത്തിൽ കുറവ്​ വരാനിടയാക്കിയത്​. കഴിഞ്ഞവർഷം 48,383 പേർക്ക്​ മുഴുവൻ വിഷയത്തിനും എ പ്ലസ്​ ലഭിച്ചപ്പോൾ ഇത്തവണ​ 28,450 ആയി (19,933 പേരുടെ കുറവ്​) കുറഞ്ഞു. 100​ ശതമാനം വിജയം നേടിയ സ്കൂളുകളുടെ എണ്ണം 136ൽനിന്ന്​ 78 ആയി കുറഞ്ഞു. ഹയർ സെക്കൻഡറിയിൽ 2028 സ്കൂളുകളിലായി റെഗുലർ വിഭാഗത്തിൽ പരീക്ഷയെഴുതിയ 3,61,091 പേരിൽ 3,02,865 പേർ ഉപരിപഠന യോഗ്യത നേടി. ഇതിൽ 1,69,095 പേർ പെൺകുട്ടികളും 1,34,871 പേർ ആൺകുട്ടികളുമാണ്​.

സർക്കാർ സ്​കൂളുകളിൽ 81.72 ശതമാനവും എയ്​ഡഡിൽ 86.02 ശതമാനവും അൺഎയ്​ഡഡിൽ 81.12 ശതമാനവുമാണ്​ വിജയം. സയൻസിൽ 86.14 ശതമാനവും ഹ്യുമാനിറ്റീസിൽ 75.61 ശതമാനവും കോമേഴ്​സിൽ 85.69 ശതമാനവും പേർ വിജയിച്ചു. ഉയർന്ന വിജയം കോഴിക്കോട്​ ജില്ലയിലും (87.79 ശതമാനം) കുറവ്​ വയനാട്ടിലും (75.07) ആണ്​. കൂടുതൽ പേർ എ പ്ലസ്​ നേടിയത്​ മലപ്പുറം ജില്ലയിലാണ്​-4283. കഴിഞ്ഞ വർഷത്തെ (3,28,702 പേർ) അപേക്ഷിച്ച്​ ഉപരിപഠന യോഗ്യത നേടിയവരുടെ എണ്ണത്തിൽ 25,837 പേരുടെ കുറവുണ്ട്​.

വി.എച്ച്​.എസ്​.ഇയിൽ പരീക്ഷയെഴുതിയ 29,711 പേരിൽ 23,251 പേർ വിജയിച്ചു. ഇതിൽ 9747 പേർ പെൺകുട്ടികളും 13,504 പേർ ആൺകുട്ടികളുമാണ്​. 178 പേർക്ക്​ മുഴുവൻ വിഷയത്തിലും എ പ്ലസ്​ ലഭിച്ചു. പൊതുവിദ്യാഭ്യാസ മന്ത്രി വി. ശിവൻകുട്ടിയാണ്​ ഫലം പ്രഖ്യാപിച്ചത്​. പൊതുവിദ്യാഭ്യാസ പ്രിൻസിപ്പൽ സെക്രട്ടറി എ.പി.എം മുഹമ്മദ്​ ഹനീഷ്​, ഡയറക്​ടർ കെ. ജീവൻബാബു എന്നിവർ പ​ങ്കെടുത്തു.

ഏറ്റവും കൂടുതല്‍ വിജയശതമാനം കോഴിക്കോട്; കൂടുതൽ വിദ്യാർഥികൾ എ പ്ലസ് നേടിയത് മലപ്പുറത്ത്

ഏറ്റവും കൂടുതല്‍ വിജയശതമാനം കോഴിക്കോട് (87.79%) ജില്ലയിലാണ്. വിജയശതമാനം കുറഞ്ഞ ജില്ല വയനാടാണ് (75.07%). മലപ്പുറം ജില്ലയിലാണ് ഏറ്റവും കൂടുതൽ കുട്ടികൾ വിജയം കൈവരിച്ചത്. കൂടുതൽ വിദ്യാർഥികൾ എ പ്ലസ് നേടിയതും മലപ്പുറം ജില്ലയിൽ തന്നെയാണ്.

ഈ ​​വ​​ർ​​ഷം ആകെ 4,22,890 പേ​​രാ​​ണ്​ ഹ​​യ​​ർ സെ​​ക്ക​​ൻ​​ഡ​​റി പ​​രീ​​ക്ഷ എ​​ഴു​​തി​​യ​​ത്. 44,890 പേ​​ർ സ്​​​കോ​​ൾ കേ​​ര​​ള​​ക്ക്​ കീ​​ഴി​​ലും 15,324 പേ​​ർ പ്രൈ​​വ​​റ്റ് ക​​മ്പാ​​ർ​​ട്ടു​​മെ​​ന്‍റ​​ൽ​ വി​​ഭാ​​ഗ​​ത്തി​​ലു​​മാ​​ണ്. 29,711 പേ​​രാ​​ണ്​ വി.​​എ​​ച്ച്.​​എ​​സ്.​​ഇ പ​​രീ​​ക്ഷ എ​​ഴു​​തി​​യ​​ത്.

ഫ​​ലം ല​​ഭി​​ക്കു​​ന്ന വെ​​ബ്​​​സൈ​​റ്റു​​ക​​ൾ:

www.results.kite.kerala.gov.in, www.dhsekerala.gov.in . www.keralaresults.nic.in , www.prd.kerala.gov.in , www.results.kerala.gov.in , www.examresults.kerala.gov.in . മൊ​​ബൈ​​ൽ ആ​​പ്പു​​ക​​ൾ: SAPHALAM 2022, iExaMs-Kerala, PRD Live