Top
Begin typing your search above and press return to search.
exit_to_app
exit_to_app
Homechevron_rightEducationchevron_rightEdu Newschevron_right...

സി.ബി.എസ്​.ഇ/സി.ഐ.എസ്​.സി.ഇ പരീക്ഷകൾ മാറ്റിവെക്കണമെന്ന്​ മുറവിളി; എല്ലാം നിശ്ചയിച്ചതുപോലെയെന്ന്​ അധികൃതർ

text_fields
bookmark_border
സി.ബി.എസ്​.ഇ/സി.ഐ.എസ്​.സി.ഇ പരീക്ഷകൾ മാറ്റിവെക്കണമെന്ന്​ മുറവിളി; എല്ലാം നിശ്ചയിച്ചതുപോലെയെന്ന്​ അധികൃതർ
cancel

ന്യൂഡൽഹി: കോവിഡ്​ വർധിക്കുന്ന സാഹചര്യത്തിൽ പത്ത്​, പന്ത്രണ്ട്​ ക്ലാസുകളിലെ പൊതുപരീക്ഷകൾ മാറ്റിവെക്കണമെന്നാവശ്യപ്പെട്ട്​ നിവേദനവുമായി ലക്ഷത്തിലധികം വിദ്യാർഥികൾ. ബോർഡ്​ പരീക്ഷകൾ മാറ്റിവെക്കണമെന്ന ആവശ്യം​ രണ്ടു ദിവസമായി ട്വിറ്ററിൽ ട്രെൻഡിങ്ങാണ്​.

അതേസമയം, ആവശ്യമായ സുരക്ഷാ മുൻകരുതലുകൾ കൈകൊണ്ടിട്ടുണ്ടെന്നും കോവിഡ്​ മാനദണ്ഡങ്ങൾ പാലിച്ച്​ മുൻ നിശ്ചയിച്ച പ്രകാരം പരീക്ഷകൾ നടക്കുമെന്നുമാണ്​ സി.ബി.എസ്​.ഇ, സി.ഐ.എസ്​.സി.ഇ അധികൃതർ വിശദീകരിക്കുന്നത്​.

'വിദ്യാർഥികൾ സുരക്ഷിതരായിരിക്കുമെന്ന്​ ഉറപ്പു വരുത്താൻ വേണ്ട ഒരുക്കങ്ങൾ നടത്തിയിട്ടുണ്ട്​. പരീക്ഷാ കേ​ന്ദ്രങ്ങളുടെ എണ്ണം 40-50 ശതമാനം വർധിപ്പിച്ചിട്ടുണ്ട്​. എല്ലാ കോവിഡ്​ മാനദണ്ഡങ്ങളും പാലിച്ചായിരിക്കും പരീക്ഷ' - സി.ബി.എസ്​.ഇ ഉദ്യോഗസ്​ഥൻ പറഞ്ഞതായി പി.ടി.​െഎ റിപ്പോർട്ട്​ ചെയ്​തു.

പൊതു പരീക്ഷക്കായി നേരത്തെ നിശ്ചയിച്ച സമയക്രമം മാറ്റമില്ലാതെ തുടരുമെന്ന്​ സി.ഐ.എസ്​.സി.ഇ ചീഫ്​ എക്​സിക്യൂട്ടീവ്​ ജെറി ആരത്തൂൺ പറഞ്ഞു.

പരീക്ഷ മാറ്റിവെക്കുകയോ ഒാൺലൈനായി നടത്തുകയോ റദ്ദാക്കു​കയോ വേണമെന്ന ആവശ്യവുമായാണ്​ നിവേദനക്കാർ രംഗത്തെത്തിയിട്ടുള്ളത്​. ഇത്രയധികം കോവിഡ്​ കേസുകൾ ഇല്ലാതിരുന്നിട്ടും കഴിഞ്ഞ വർഷം പരീക്ഷ മാറ്റിവെച്ചിരുന്നുവെന്നും കോവിഡ്​ കേസുകൾ വർധിക്കുന്ന സാഹചര്യത്തിൽ പരീക്ഷ നടത്തുന്നത്​ ഉചിതമല്ലെന്നുമാണ്​ നിവേദനക്കാർ പറയുന്നത്​.

Show Full Article
TAGS:CBSE cisce ICSE ISC 
News Summary - Over 1 Lakh Students Want Board Exams Cancelled
Next Story