Begin typing your search above and press return to search.
exit_to_app
exit_to_app
Homechevron_rightCareer & Educationchevron_rightEdu Newschevron_rightകാലിക്കറ്റില്‍...

കാലിക്കറ്റില്‍ എന്‍.എസ്.എസ് ഗ്രേസ് മാര്‍ക്ക് ഇനി ഓണ്‍ലൈനായി ചേര്‍ക്കാം

text_fields
bookmark_border
കാലിക്കറ്റില്‍ എന്‍.എസ്.എസ് ഗ്രേസ് മാര്‍ക്ക് ഇനി ഓണ്‍ലൈനായി ചേര്‍ക്കാം
cancel
camera_alt

എ​ന്‍.​എ​സ്.​എ​സ് ഗ്രേ​സ് മാ​ര്‍ക്ക് ഉ​ള്‍പ്പെ​ടു​ത്താ​ന്‍ കാ​ലി​ക്ക​റ്റ് സ​ര്‍വ​ക​ലാ​ശാ​ല ത​യാ​റാ​ക്കി​യ

സോ​ഫ്റ്റ് വെ​യ​ര്‍ ഉ​ദ്ഘാ​ട​നം വൈ​സ് ചാ​ന്‍സ​ല​ര്‍ ഡോ. ​എം.​കെ. ജ​യ​രാ​ജ് നി​ര്‍വ​ഹി​ക്കു​ന്നു

തേഞ്ഞിപ്പലം: എന്‍.എസ്.എസ് ഗ്രേസ് മാര്‍ക്ക് ഓണ്‍ലൈനായി ചേര്‍ക്കാന്‍ കാലിക്കറ്റ് സര്‍വകലാശാല പരീക്ഷാഭവനില്‍ ആധുനിക സംവിധാനം നിലവില്‍ വന്നു. സര്‍വകലാശാല കമ്പ്യൂട്ടര്‍ സെന്റര്‍ തയാറാക്കിയ സംവിധാനം വൈസ് ചാന്‍സലര്‍ ഡോ. എം.കെ. ജയരാജ് ഉദ്ഘാടനം ചെയ്തു.

സര്‍വകലാശാലക്ക് കീഴിലെ കോളജുകളിലെയും പഠനവകുപ്പുകളിലെയും 13,000 വിദ്യാര്‍ഥികള്‍ക്ക് ഉപകാരപ്പെടുന്ന നവീന പദ്ധതിക്കാണ് തുടക്കമായത്.ഗ്രേസ് മാര്‍ക്ക് ചേര്‍ക്കാനും ഗ്രേഡ് കാര്‍ഡ് ലഭിക്കാനുമുള്ള കാലതാമസം പുതിയ സംവിധാനം വന്നതോടെ ഇല്ലാതാകും. വിദ്യാര്‍ഥികള്‍ക്ക് സ്റ്റുഡന്റ് പോര്‍ട്ടല്‍ വഴി മാര്‍ക്ക് ചേര്‍ക്കാനാണ് സൗകര്യമൊരുക്കിയത്.

ഭാവിയില്‍ എന്‍.സി.സി കാഡറ്റുകളുടെയും കലാ-കായിക താരങ്ങളുടെയും ഗ്രേസ് മാര്‍ക്കുകളും ഇതേ രീതിയില്‍ ചേര്‍ക്കാനാകുന്ന തരത്തില്‍ സോഫ്റ്റ് വെയര്‍ വികസിപ്പിക്കും.ഉത്തരക്കടലാസുകളില്‍ ഫാള്‍സ് നമ്പറിന് പകരം ബാര്‍കോഡ് ഏര്‍പ്പെടുത്തിയും ഉത്തരക്കടലാസുകളുടെ മൂല്യനിര്‍ണയത്തിന് ശേഷം മൊബൈല്‍ ആപ് വഴി മാര്‍ക്ക് രേഖപ്പെടുത്തിയും പരീക്ഷാഭവന്‍ ഡിജിറ്റലൈസേഷന്‍ നടപടികള്‍ മാസങ്ങള്‍ക്ക് മുമ്പ് തുടങ്ങിയിരുന്നു. ചടങ്ങിൽ പ്രോ വൈസ് ചാന്‍സലര്‍ ഡോ. എം. നാസര്‍ അധ്യക്ഷത വഹിച്ചു.

രജിസ്ട്രാര്‍ ഡോ. ഇ.കെ. സതീഷ്, പരീക്ഷാ കണ്‍ട്രോളര്‍ ഡോ. ഡി.പി. ഗോഡ്‍വിന്‍ സാംരാജ്, സിന്‍ഡിക്കേറ്റ് അംഗങ്ങളായ ഡോ. ജി. റിജുലാല്‍, ഡോ. കെ.പി. വിനോദ് കുമാര്‍, ഡോ. പി. റഷീദ് അഹമ്മദ്, കമ്പ്യൂട്ടര്‍ സെന്റര്‍ ഡയറക്ടര്‍ ഡോ. വി.എല്‍. ലജിഷ്, എന്‍.എസ്.എസ് പ്രോഗ്രാം കോഓഡിനേറ്റര്‍ ഡോ. ടി.എല്‍. സോണി, ഡെപ്യൂട്ടി രജിസ്ട്രാര്‍ വി. സുരേഷ്, സിസ്റ്റം അഡിമിനിസ്‌ട്രേറ്റര്‍ കെ.പി. രജീഷ്, സിസ്റ്റം അനലിസ്റ്റ് രഞ്ജിമ, പ്രോഗ്രാമര്‍മാരായ ശ്രീശാന്ത്, ശ്രീരാജ് തുടങ്ങിയവര്‍ പങ്കെടുത്തു.

Show Full Article
TAGS:NSS Grace Mark Calicut university 
News Summary - NSS Grace Marks in Calicut university can now be added online
Next Story