വൈ​ദ്യു​തി​യും ഇ​ൻ​റ​ർ​നെ​റ്റുമില്ല; പഠന സൗകര്യം നിലച്ച്​​ അ​ട്ട​പ്പാ​ടി​യി​ലെ ആ​ദി​വാ​സി ഊ​രു​കൾ

അ​ഗ​ളി (പാലക്കാട്​): സ്കൂ​ളു​ക​ൾ ഓ​ൺ​ലൈ​നാ​യി തു​റ​ന്നു പ്ര​വ​ർ​ത്തി​ക്കു​മ്പോ​ൾ അ​ട്ട​പ്പാ​ടി​യി​ലെ ആ​ദി​വാ​സി ഊ​രു​ക​ളി​ൽ പ​ഠ​ന സൗ​ക​ര്യ​മെ​ത്തി​യി​ട്ടി​ല്ല. പു​തൂ​ർ ഗ്രാ​മ​പ​ഞ്ചാ​യ​ത്തി​ൽ പ്രാ​ക്ത​ന ഗോ​ത്ര വി​ഭാ​ഗ​മാ​യ കു​റും​ബ​ർ താ​മ​സി​ച്ചു വ​രു​ന്ന മേ​ഖ​ല​ക​ളി​ലാ​ണ് പ​ഠ​ന​ത്തി​ന് പ്ര​തി​സ​ന്ധി. സ്​​കൂ​ൾ തു​റ​ക്കു​ന്ന​തി​ന് മു​മ്പാ​യി വേ​ണ്ട​ത്ര ക്ര​മീ​ക​ര​ണ​ങ്ങ​ൾ അ​ധി​കൃ​ത​ർ ന​ട​പ്പാ​ക്കാ​ത്ത​താ​ണ് ഇ​വി​ടു​ത്തെ വി​ദ്യാ​ർ​ഥി​ക​ൾ​ക്ക് പ​ഠ​നം അ​ന്യ​മാ​കാ​ൻ ഇ​ട​വ​രു​ത്തി​യ​ത്.

19 ആ​ദി​വാ​സി ഊ​രു​ക​ളാ​ണ് കു​റും​ബ മേ​ഖ​ല​യി​ലു​ള്ള​ത്. ഇ​തി​ൽ കൂ​ടു​ത​ൽ ഇ​ട​ങ്ങ​ളി​ലും ക​ഴി​ഞ്ഞ വ​ർ​ഷം സ​ന്ന​ദ്ധ സം​ഘ​ട​ന​ക​ളു​ടെ​യും ഐ.​ടി.​ഡി.​പി​യു​ടെ​യും ശ്ര​മ​ഫ​ല​മാ​യി കു​ട്ടി​ക​ളു​ടെ പ​ഠ​ന​ത്തി​നാ​യി ടെ​ലി​വി​ഷ​ൻ അ​ട​ക്ക​മു​ള​ള സം​വി​ധാ​ന​ങ്ങ​ൾ സ്ഥാ​പി​ച്ചി​രു​ന്നു. എ​ന്നാ​ൽ, നി​ല​വി​ൽ പ​ല​യി​ട​ങ്ങ​ളി​ലും ഇ​വ ത​ക​രാ​റി​ലാ​ണ്.

വൈ​ദ്യു​തി​യും ഇ​ൻ​റ​ർ​നെ​റ്റും ക​ട​ന്നു​ചെ​ല്ലാ​ത്ത മേ​ഖ​ല ആ​യ​തി​നാ​ൽ ഡി​ഷ് ആ​ൻ​റി​ന​യും സോ​ളാ​ർ പാ​ന​ലും ഒ​രു​ക്കി​യാ​ണ് ടി.​വി പ്ര​വ​ർ​ത്തി​പ്പി​ച്ചി​രു​ന്ന​ത്. ക​ഴി​ഞ്ഞ വ​ർ​ഷ​ത്തെ പാ​ഠ്യ​കാ​ലം ക​ഴി​ഞ്ഞ​തോ​ടെ റീ​ചാ​ർ​ജ് ചെ​യ്യാ​ത്ത​ത് കാ​ര​ണം നി​ല​വി​ൽ ടി.​വി​ക​ൾ പ്ര​വ​ർ​ത്തി​പ്പി​ക്കാ​ൻ ക​ഴി​യു​ന്നി​ല്ല. ഉ​പ​ക​ര​ണ​ങ്ങ​ൾ​ക്ക് സം​ഭ​വി​ച്ച കേ​ടു​പാ​ടു​ക​ൾ പ​രി​ഹ​രി​ച്ചി​ട്ടി​ല്ല.

കാ​ല​പ്പ​ഴ​ക്ക​ത്തി​ൽ ബാ​ക്ട​റി​ക​ൾ ബൂ​സ്​​റ്റ്​ ചെ​യ്യേ​ണ്ട​തു​ണ്ട്. ഇ​തെ​ല്ലാം ചെ​യ്യേ​ണ്ട​ത് ഐ.​ടി.​ഡി.​പി ആ​ണെ​ന്നി​രി​ക്കെ അ​ധി​കൃ​ത​രു​ടെ മെ​ല്ലെ​പ്പോ​ക്കി​നെ​തി​രെ പ്ര​തി​ഷേ​ധ​മു​യ​രു​ക​യാ​ണ്. ഊ​രു​ക​ളി​ൽ കു​ട്ടി​ക​ൾ​ക്ക് സ​ഹാ​യ​ക​മാ​കേ​ണ്ട ഓ​ൺ​ലൈ​ൻ ഫെ​സി​ലി​റ്റേ​റ്റ​ർ​മാ​ർ പ​ല ഊ​രു​ക​ളി​ലും ഇ​ല്ല. ഇ​വ​രെ പു​ന​ർ​വി​ന്യ​സി​ക്കേ​ണ്ട ജോ​ലി​യും എ​ങ്ങു​മെ​ത്തി​യി​ട്ടി​ല്ല. ചി​ണ്ട​ക്കി കേ​ന്ദ്രീ​ക​രി​ച്ച് മൊ​ബൈ​ൽ ട​വ​ർ സ്ഥാ​പി​ക്ക​ണ​മെ​ന്ന ഊ​രു​വാ​സി​ക​ളു​ടെ ദീ​ർ​ഘ​കാ​ല​മാ​യു​ള്ള ആ​വ​ശ്യ​ത്തി​ന് ഇ​നി​യും പ​രി​ഹാ​ര​മാ​യി​ട്ടി​ല്ല.

മൊ​ബൈ​ൽ ട​വ​ർ സ്ഥാ​പി​ത​മാ​യാ​ൽ ആ​ന​വാ​യ്, ഗ​ല​സി, സൈ​ല​ൻ​റ്​​വാ​ലി മേ​ഖ​ല​ക​ളി​ൽ ഇ​ൻ​റ​ർ​നെ​റ്റ് സൗ​ക​ര്യം സാ​ധ്യ​മാ​കും. കു​റും​ബ മേ​ഖ​ല​ക​ളി​ലേ​ക്ക് വൈ​ദ്യു​തി എ​ത്തി​ക്കാ​നു​ള്ള ന​ട​പ​ടി​ക​ളും ഉ​ണ്ടാ​കേ​ണ്ട​തു​ണ്ട്. സൈ​ല​ൻ​റ്​​വാ​ലി ക​രു​ത​ൽ മേ​ഖ​ല ആ​യ​തി​നാ​ൽ ഭൂ​മി​ക്ക് അ​ടി​യി​ലൂ​ടെ കേ​ബി​ൾ വ​ഴി ഇ​വി​ടേ​ക്ക് വൈ​ദ്യു​തി എ​ത്തി​ക്ക​ണ​മെ​ന്നാ​ണ് ആ​വ​ശ്യ​മു​യ​രു​ന്ന​ത്. പ​ഠ​ന സൗ​ക​ര്യ​മൊ​രു​ക്ക​ണ​മെ​ന്ന് ആ​വ​ശ്യ​പ്പെ​ട്ട് ചി​ണ്ട​ക്കി​യി​ൽ വി​ദ്യാ​ർ​ഥി​ക​ൾ തി​ങ്ക​ളാ​ഴ്ച ത​ങ്ങ​ളു​ടെ ഊ​രി​നു മു​ന്നി​ൽ പ്ര​തി​ഷേ​ധ​വു​മാ​യി രം​ഗ​ത്തെ​ത്തി.