ഇന്നു​മുതൽ 'ന്യൂ നോർമൽ' സ്കൂൾ

തി​രു​വ​ന​ന്ത​പു​രം: മ​ഹാ​മാ​രി വ്യാ​പ​ന​ത്തി​ൽ പ്ര​തി​സ​ന്ധി​യി​ലാ​യ സം​സ്ഥാ​ന​ത്തെ സ്കൂ​ൾ വി​ദ്യാ​ഭ്യാ​സം 23 മാ​സ​ത്തി​നു​ശേ​ഷം തി​ങ്ക​ളാ​ഴ്ച അ​ധ്യ​യ​ന​ത്തി​ന്‍റെ പൂ​ർ​ണ​ത​യി​ലേ​ക്ക്.

2021 ന​വം​ബ​ർ 21ന്​ ​ഉ​ച്ച​വ​രെ ബാ​ച്ചു​ക​ളാ​യി തു​ട​ങ്ങി​യ സ്കൂ​ൾ അ​ധ്യ​യ​നം കോ​വി​ഡി​ന്‍റെ മൂ​ന്നാം​ത​രം​ഗ​വും ക​ട​ന്ന്​ തി​ങ്ക​ളാ​ഴ്ച 'ന്യൂ ​നോ​ർ​മ​ലി'​ലേ​ക്ക്​ മ​ട​ങ്ങു​ക​യാ​ണ്. സ്കൂ​ളു​ക​ൾ പ​ഴ​യ​തു​പോ​ലെ രാ​വി​ലെ മു​ത​ൽ വൈ​കീ​ട്ട്​ വ​രെ കു​ട്ടി​ക​ളെ ഒ​ന്നി​ച്ചി​രു​ത്തി പ്ര​വ​ർ​ത്തി​ക്കു​മെ​ങ്കി​ലും മാ​സ്​​ക്​ അ​ണി​ഞ്ഞും അ​ക​ലം പാ​ലി​ച്ചുമാകും പഠനം. തി​ങ്ക​ളാ​ഴ്ച മു​ത​ൽ 47 ല​ക്ഷം കു​ട്ടി​ക​ൾ അ​ധ്യ​യ​ന​ത്തി​നെ​ത്തു​ന്ന​ത്. എ​സ്.​എ​സ്.​എ​ൽ.​സി, പ്ല​സ്​ ടു ​വി​ദ്യാ​ർ​ഥി​ക​ളെ കാ​ത്തി​രി​ക്കു​ന്ന​ത്​ മാ​ർ​ച്ച്​ 16 മു​ത​ൽ മോ​ഡ​ൽ പ​രീ​ക്ഷ​ക​ളും മാ​ർ​ച്ച്​ 30 മു​ത​ൽ പൊ​തു​പ​രീ​ക്ഷ​ക​ളു​മാ​ണ്. ഒ​ന്ന്​ മു​ത​ൽ ഒ​മ്പ​ത്​ വ​രെ ക്ലാ​സു​ക​ൾ​ക്ക്​ മാ​ർ​ച്ച്​ അ​വ​സാ​നം വ​രെ ക്ലാ​സ്​ ന​ട​ത്തി ഏ​പ്രി​ൽ ആ​ദ്യം വാ​ർ​ഷി​ക പ​രീ​ക്ഷ ന​ട​ത്താ​നാ​ണ്​ തീ​രു​മാ​നം.

കു​ട്ടി​ക​ൾ യൂ​നി​ഫോം അ​ണി​യു​ന്ന​താ​ണ്​ ഉ​ചി​ത​മെ​ന്നാ​ണ്​ വി​ദ്യാ​ഭ്യാ​സ വ​കു​പ്പി​ന്‍റെ നി​ല​പാ​ട്. ഹാ​ജ​ർ നി​ർ​ബ​ന്ധ​മാ​ക്കി​ല്ല. പ്രീ ​പ്രൈ​മ​റി വി​ദ്യാ​ർ​ഥി​ക​ളും ഉ​ച്ച​വ​രെ ബാ​ച്ചു​ക​ളാ​യി സ്കൂ​ളി​ലെ​ത്തു​ന്ന​ത്​ തു​ട​രും. പൂ​ർ​ണ​മാ​യി പ്ര​വ​ർ​ത്തി​ക്കാ​നു​ള്ള തീ​രു​മാ​നം സി.​ബി.​എ​സ്.​ഇ, ഐ.​സി.​എ​സ്.​ഇ സ്കൂ​ളു​ക​ൾ​ക്കും ബാ​ധ​ക​മാ​ണ്.