നീറ്റ് പി.ജി പരീക്ഷ ജൂലൈ ആദ്യവാരം

ന്യൂഡൽഹി: നീറ്റ് പി.ജി പരീക്ഷ 2024 ജൂലൈ ആദ്യ വാരം നടന്നേക്കുമെന്ന് റിപ്പോർട്ട്. ആഗസ്റ്റ് ആദ്യവാരമായിരിക്കും കൗൺസലിങ്. നാഷനൽ എക്സിറ്റ് ടെസ്റ്റ്(NExT) ഈ വർഷം നടക്കാൻ സാധ്യതയില്ലെന്നും അധികൃതർ പറഞ്ഞു. വിവിധ മെഡിക്കൽ പി.ജി/ഡിപ്ലോമ കോഴ്സുകളിലേക്കുള്ള പ്രവേശന പരീക്ഷയാണ് നീറ്റ് പി.ജി.

2018 ലെ ബിരുദാനന്തര മെഡിക്കൽ വിദ്യാഭ്യാസ (ഭേദഗതി) ചട്ടങ്ങൾക്ക് പകരമായി ഈയിടെ വിജ്ഞാപനം ചെയ്ത പോസ്റ്റ്-ഗ്രാജ്വേറ്റ് മെഡിക്കൽ എജ്യുക്കേഷൻ റെഗുലേഷൻസ് 2023 അനുസരിച്ച്, പി.ജി പ്രവേശനത്തിനായി നിർദിഷ്ട നെക്സ്റ്റ് (NEXT) പ്രവർത്തനക്ഷമമാകുന്നതുവരെ നിലവിലുള്ള നീറ്റ് പി.ജി പരീക്ഷ തുടരും.