കാ​ലി​ക്ക​റ്റ് സ​ര്‍വ​ക​ലാ​ശാ​ല ബി.എഡ് പഠനകേന്ദ്രങ്ങള്‍ക്ക് എന്‍.സി.ടി.ഇ അംഗീകാരം

തേ​ഞ്ഞി​പ്പ​ലം: കാ​ലി​ക്ക​റ്റ് സ​ര്‍വ​ക​ലാ​ശാ​ല ന​ട​ത്തു​ന്ന ബി.​എ​ഡ് പ​ഠ​ന​കേ​ന്ദ്ര​ങ്ങ​ള്‍ക്ക് നാ​ഷ​ന​ല്‍ കൗ​ണ്‍സി​ല്‍ ഫോ​ര്‍ ടീ​ച്ച​ര്‍ എ​ജു​ക്കേ​ഷ​ന്റെ (എ​ന്‍.​സി.​ടി.​ഇ) അം​ഗീ​കാ​രം. മ​ഞ്ചേ​രി, ക​ണി​യാ​മ്പ​റ്റ, വ​ട​ക​ര, കോ​ഴി​ക്കോ​ട്, ച​ക്കി​ട്ട​പ്പാ​റ കേ​ന്ദ്ര​ങ്ങ​ള്‍ക്കാ​ണ് തു​ട​ര്‍ച്ച അ​നു​മ​തി ല​ഭി​ച്ച​ത്. എ​ന്‍.​സി.​ടി.​ഇ ദ​ക്ഷി​ണ​മേ​ഖ​ല സ​മി​തി ജ​നു​വ​രി 10ന് ​ചേ​ര്‍ന്ന യോ​ഗ​ത്തി​ലെ തീ​രു​മാ​ന​പ്ര​കാ​ര​മാ​ണ് അം​ഗീ​കാ​രം. മ​ല​പ്പു​റം, വ​ല​പ്പാ​ട്, കൊ​ടു​വാ​യൂ​ര്‍ കേ​ന്ദ്ര​ങ്ങ​ളു​ടെ കെ​ട്ടി​ട​വും ഭൂ​മി​യും സം​ബ​ന്ധി​ച്ച വി​വ​ര​ങ്ങ​ള്‍ ഹാ​ജ​രാ​ക്കാ​ന്‍ സ​മി​തി ആ​വ​ശ്യ​പ്പെ​ട്ടി​ട്ടു​ണ്ട്. ഇ​തോ​ടൊ​പ്പം സു​ല്‍ത്താ​ന്‍ ബ​ത്തേ​രി, ചാ​ല​ക്കു​ടി, തൃ​ശൂ​ര്‍ കേ​ന്ദ്ര​ങ്ങ​ളു​ടെ അം​ഗീ​കാ​ര പ്ര​ശ്ന​ങ്ങ​ൾ അ​ടു​ത്ത യോ​ഗ​ത്തി​ല്‍ പ​രി​ഹ​രി​ക്ക​പ്പെ​ടു​മെ​ന്ന് ഡ​യ​റ​ക്ട​റേ​റ്റ് ഓ​ഫ് യൂ​നി​വേ​ഴ്സി​റ്റി സ്റ്റ​ഡി സെ​ന്റ​ര്‍ ഡ​യ​റ​ക്ട​ര്‍ ഡോ. ​എ. യൂ​സ​ഫ് പ​റ​ഞ്ഞു.

കാ​ലി​ക്ക​റ്റ് സ​ര്‍വ​ക​ലാ​ശാ​ല നേ​രി​ട്ട് ന​ട​ത്തു​ന്ന അ​ധ്യാ​പ​ക പ​രി​ശീ​ല​ന കേ​ന്ദ്ര​ങ്ങ​ളി​ലെ സൗ​ക​ര്യ​ങ്ങ​ളെ​ല്ലാം സ​മി​തി ഓ​ണ്‍ലൈ​നാ​യി വി​ല​യി​രു​ത്തി​യാ​ണ് തീ​രു​മാ​ന​മെ​ടു​ത്ത​ത്. ലാ​ബ്, ലൈ​ബ്ര​റി, ഡി​ജി​റ്റ​ല്‍ ക്ലാ​സ് മു​റി​ക​ള്‍ എ​ന്നി​വ ഉ​ള്‍പ്പെ​ടെ​യു​ള്ള സം​വി​ധാ​ന​ങ്ങ​ളെ​ല്ലാം മൂ​ന്ന് മ​ണി​ക്കൂ​റോ​ള​മെ​ടു​ത്താ​ണ് പ​രി​ശോ​ധി​ച്ച​ത്. സൗ​ക​ര്യ​ങ്ങ​ളി​ല്‍ സ​മി​തി തൃ​പ്തി രേ​ഖ​പ്പെ​ടു​ത്തി. താ​ര​ത​മ്യേ​ന കു​റ​ഞ്ഞ ഫീ​സി​ല്‍ വി​ദ്യാ​ര്‍ഥി​ക​ള്‍ക്ക് ബി.​എ​ഡ് പ​ഠ​ന​സൗ​ക​ര്യം ന​ല്‍കു​ന്ന​തി​നാ​യി വ​യ​നാ​ട്, കോ​ഴി​ക്കോ​ട്, മ​ല​പ്പു​റം, പാ​ല​ക്കാ​ട്, തൃ​ശൂ​ര്‍ ജി​ല്ല​ക​ളി​ല്‍ 11 പ​രി​ശീ​ല​ന കേ​ന്ദ്ര​ങ്ങ​ളാ​ണ് സ​ര്‍വ​ക​ലാ​ശാ​ല നേ​രി​ട്ട് ന​ട​ത്തു​ന്ന​ത്. ഇ​തി​ല്‍ നാ​ട്ടി​ക കേ​ന്ദ്ര​ത്തി​ന് ഒ​ഴി​കെ ബാ​ക്കി​യു​ള്ള​വ​ക്കെ​ല്ലാം സ്വ​ന്തം കെ​ട്ടി​ട​ങ്ങ​ളു​ണ്ട്.