നാഷനൽ ടാലൻറ് സെർച്​ പരീക്ഷക്ക്​ അപേക്ഷിക്കാം

തിരുവനന്തപുരം: സ്കൂൾ കുട്ടികൾക്ക് ഉന്നത പഠനം വരെ സ്കോളർഷിപ്​ ലഭ്യമാക്കുന്ന നാഷനൽ ടാലൻറ് സെർച് എക്സാമിനേഷൻ നടത്തും.

സംസ്ഥാനത്തെ സർക്കാർ, സർക്കാർ എയ്ഡഡ്, കേന്ദ്രീയ വിദ്യാലയ, നവോദയ വിദ്യാലയ, സി.ബി.എസ്.ഇ, ഐ.സി.എസ്.ഇ തുടങ്ങിയ മറ്റ് അംഗീകൃത സ്കൂളിലെ പത്താം ക്ലാസ് വിദ്യാർഥികൾക്ക് അപേക്ഷിക്കാം.

ഓപൺ ഡിസ്​റ്റൻസ് ലേണിങ് വഴി രജിസ്​റ്റർ ചെയ്തിട്ടുള്ള 18 വയസ്സിന്​ താഴെയുള്ള പത്താംക്ലാസിൽ ആദ്യ തവണ പരീക്ഷ എഴുതുന്ന വിദ്യാർഥികൾക്കും അപേക്ഷിക്കാം. അപേക്ഷകർക്ക് ഒക്ടോബർ മുതൽ എസ്.സി.ഇ.ആർ.ടി വെബ്സൈറ്റിൽ (www.scertkerala.gov.i) അപേക്ഷകൾ ഓൺലൈനായി ലഭ്യമാകും. വിശദവിവരങ്ങൾ എസ്​.സി.ഇ.ആർ.ടി വെബ്സൈറ്റിൽ ലഭിക്കും.