ജവഹർലാൽ നെഹ്റു സെൻററിൽ എം.എസ്.സി ഇൻറഗ്രേറ്റഡ് പിഎച്ച്.ഡി
text_fieldsകൽപിത സർവകലാശാലയായ ബംഗളൂരുവിലെ ജവഹർലാൽ നെഹ്റു സെൻറർ ഫോർ അഡ്വാൻസ്ഡ് സയൻറിഫിക് റിസർച് (ജെ.എൻ.സി.എ.എസ്.ആർ) 2018-19 വർഷം നടത്തുന്ന പോസ്റ്റ് ഗ്രാേജ്വറ്റ്, റിസർച് പ്രോഗ്രാമുകളിൽ പ്രവേശനത്തിന് അപേക്ഷകൾ ക്ഷണിച്ചു. അപേക്ഷ ഒാൺലൈനായി ഏപ്രിൽ 15 വരെ www.jncasr.ac.in/admit ൽ സമർപ്പിക്കാവുന്നതാണ്. ഇതിനുള്ള നിർദേശങ്ങൾ വെബ്സൈറ്റിൽ ലഭിക്കും.
ഇനി പറയുന്ന കോഴ്സുകളിലാണ് പ്രവേശനം.
മാസ്റ്റേഴ്സ് പ്രോഗ്രാം ഇൻ കെമിസ്ട്രി, രണ്ടുവർഷം. മെറ്റീരിയൽസ് കെമിസ്ട്രിയോ കെമിക്കൽ ബയോളജിയോ സ്പെഷലൈസ് ചെയ്ത് പഠിക്കാം.
55 ശതമാനം മാർക്കിൽ കുറയാതെ ബി.എസ്സി ബിരുദമെടുത്തവർക്കും ഫൈനൽ യോഗ്യത പരീക്ഷയെഴുതുന്നവർക്കും അപേക്ഷിക്കാം. IIT-JAM 2018ൽ യോഗ്യത നേടുന്നവർക്കാണ് പ്രവേശനം.
ഇൻറഗ്രേറ്റഡ് പിഎച്ച്.ഡി പ്രോഗ്രാമുകൾ
മെറ്റീരിയൽസ് സയൻസ്, കെമിക്കൽ സയൻസ്, ബയോളജിക്കൽ സയൻസ് വിഷയങ്ങളിലാണ് ഗവേഷണ പഠനാവസരം. ബാച്ലേഴ്സ് ഡിഗ്രി തലത്തിൽ ബന്ധപ്പെട്ട വിഷയത്തിൽ 55 ശതമാനം മാർക്കിൽ കുറയാതെ വിജയിച്ചിട്ടുള്ളവർക്കും ഫൈനൽ യോഗ്യത പരീക്ഷയെഴുതുന്നവർക്കും അപേക്ഷിക്കാം. െഎ.െഎ.ടി ജോയൻറ് അഡ്മിഷൻ ടെസ്റ്റിൽ (JAM 2018) യോഗ്യത നേടണം. അപേക്ഷകരുടെ ചുരുക്കപ്പട്ടിക തയാറാക്കി എഴുത്തുപരീക്ഷയും ഇൻറർവ്യൂവും നടത്തിയാണ് തിരഞ്ഞെടുപ്പ്. ആദ്യ രണ്ടുവർഷക്കാലം പ്രതിമാസം 15,000 രൂപ സ്കോളർഷിപ് ലഭിക്കും.
എം.എസ് എൻജിനീയറിങ്/റിസർച്/പിഎച്ച്.ഡി പ്രോഗ്രാമുകൾ
ശാസ്ത്രവിഷയങ്ങളിലും എൻജിനീയറിങ് ഡിസിപ്ലിനുകളിലുമാണ് ഗവേഷണ പഠനാവസരം. അക്കാദമിക് മികവോടെ എം.എസ്സി/ബി.ഇ/ബി.ടെക്/എം.ഇ/എം.ടെക്/എം.ബി.ബി.എസ് യോഗ്യതയും പ്രാബല്യത്തിലുള്ള സി.എസ്.െഎ.ആർ-4 യു.ജി.സി നെറ്റ്/ജെ.ആർ.എസ്/ഡി.ബി.റ്റി/െഎ.സി.എം.ആർ-ജെ.ആർ.എഫ്/ഇൻസ്പെയർ-ജെ.ആർ.എഫ്/ഗേറ്റ്/െജസ്റ്റ്/ജി.പി.എ.ടി യോഗ്യതയും ഉള്ളവർക്കാണ് പ്രവേശനത്തിന് അർഹതയുള്ളത്. വിശദമായ യോഗ്യത മാനദണ്ഡങ്ങൾ വെബ്സൈറ്റിൽ ലഭിക്കും.
പിഎച്ച്.ഡി പഠനത്തിന് 25,000 മുതൽ 28,000 രൂപവരെ സ്കോളർഷിപ് ഫെലോഷിപ്പായി നൽകും. വാർഷികഫീസ് 4000 രൂപയാണ്.
കൂടുതൽ വിവരങ്ങൾക്കും അപ്ഡേറ്റുകൾക്കും www.Jncasr.ac.in/admit സന്ദർശിക്കേണ്ടതാണ്. വിലാസം: ജവഹർലാൽ നെഹ്റു സെൻർ ഫോർ അഡ്വാൻസ്ഡ് സയൻറിഫിക് റിസർച്, ജാക്കുർ, ബംഗളൂരു, 560064.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.