എം.ബി.ബി.എസ് പഠന സാധ്യത: മാധ്യമം വെബിനാർ ഇന്ന്

മലപ്പുറം: ഇന്ത്യയിലെ വിവിധ സംസ്ഥാനങ്ങളിലും വിദേശ രാജ്യങ്ങളിലും മെഡിക്കൽ പഠനത്തിനുള്ള സാധ്യതകളും അവസരങ്ങളും വിശദീകരിക്കുന്ന മാധ്യമം വെബിനാർ ഇന്ന്. ഉന്നത പഠനത്തിനായി കേരളം, കർണാടക, തമിഴ്നാട് സംസ്ഥാനങ്ങളിലെയും ജോർജിയ, ഉസ്ബെകിസ്താൻ, ഈജിപ്ത്, പോളണ്ട്, റഷ്യ, മാൽദോവ, ഫിലിപ്പീൻസ്, അർമേനിയ, ഖസാകിസ്താൻ, കിർഗിസ്താൻ, അസർബൈജാൻ, ന്യൂസിലാൻഡ്, മലേഷ്യ, കാനഡ, നെതർലാൻഡ്സ് തുടങ്ങിയ രാജ്യങ്ങളിലെയും പ്രശസ്ത യൂണിവേഴ്സിറ്റികളിൽ എം.ബി.ബി.എസ് പഠനം ആഗ്രഹിക്കുന്നവർക്കായാണ് 'മാധ്യമ'ത്തിന്റെ നേതൃത്വത്തിൽ വെബിനാർ സംഘടിപ്പിക്കുന്നത്.

വിദ്യാഭ്യാസ മേഖലയിൽ പ്രവൃത്തി പരിചയമുള്ള ഹെൽപ്പ് അബ്രോഡ് എന്ന സ്ഥാപനവുമായി ചേർന്നാണ് ഇന്ന് വെബിനാർ നടത്തുന്നത്.

ഉന്നത പഠന സാധ്യതകളെ കുറിച്ച സമഗ്രമായ വിവരം വെബിനാർ നൽകും. വിവിധ യൂണിവേഴ്സിറ്റികളിലെ പ്രതിനിധികളുമായി നേരിട്ട് സംവദിക്കാനും സംശയനിവാരണത്തിനും അവസരം ഉണ്ടാകും.

വിദേശത്ത് പഠനത്തിനായി യൂണിവേഴ്സിറ്റികൾ തിരഞ്ഞെടുക്കാനുള്ള മാർഗനിർദേശവും യൂണിവേഴ്സിറ്റികളിൽ ലഭ്യമാകുന്ന സ്കോളർഷിപ്പ് വിവരങ്ങളും വെബിനാറിലൂടെ അറിയാം. കോഴ്സുകളുടെ വിവരങ്ങൾ, പ്രവേശന രീതി, കോഴ്സുകളുടെ ദൈർഘ്യം, പാർട്ട് ടൈം ജോലി, കോഴ്സ് പൂർത്തിയായ ശേഷമുള്ള കാര്യങ്ങൾ തുടങ്ങിയ വിവരങ്ങൾ വിദഗ്‌ധർ പങ്കുവെക്കും. സൗജന്യ രജിസ്ട്രേഷന് ക്യു ആർ കോഡ് സ്കാൻ ചെയ്യുക. ഫോൺ:9188001003.