Top
Begin typing your search above and press return to search.
exit_to_app
exit_to_app
Homechevron_rightEducationchevron_rightEdu Newschevron_rightഭാരതീദാസൻ...

ഭാരതീദാസൻ മാനേജ്​മെൻറ്​ ഇൻസ്​റ്റിറ്റ്യൂട്ടിൽ എം.ബി.എ

text_fields
bookmark_border
MBA from Bharathidasan Management Institute
cancel

തിരുച്ചിറപ്പള്ളിയിലെ ഭാരതീദാസൻ ഇൻസ്​റ്റിറ്റ്യൂട്ട്​ ഓഫ്​ മാനേജ്​മെൻറ്​ (ബി.ഐ.എം) 2021 വർഷം നടത്തുന്ന ദ്വിവത്സര ഫുൾടൈം ​െറസിഡൻഷ്യൽ എം.ബി.എ പ്രോഗ്രാം പ്രവേശനത്തിന്​ അപേക്ഷ ഓൺലൈനായി ജനുവരി 31 വരെ സമർപ്പിക്കാം. ഭാരതീദാസൻ സർവകലാശാലയുമായി അഫിലിയേറ്റ്​ ചെയ്​താണ്​ കോഴ്​സ്​ നടത്തുന്നത്​.

ഐ.ഐ.എം കാറ്റ്​ 2020 സ്​കോർ നേടിയിട്ടുള്ളവർക്കാണ്​​ അവസരം. എം.ബി.എ പ്രോഗ്രാമിൽ ആകെ 120 സീറ്റുണ്ട്​. മാർക്കറ്റിങ്​, ഫിനാൻസ്​, സിസ്​റ്റംസ്​, ഹ്യൂമൻ റിസോഴ്​സ്​, ഓപറേഷൻസ്​ മാനേജ്​മെൻറ്​ എന്നിവയാണ്​ സ്​പെഷലൈസേഷനുകൾ. പ്രവേശന വിജ്​ഞാപനവും ഇൻഫർമേഷൻ ബ്രോഷറും www.bim.edu ൽനിന്ന്​ ഡൗൺലോഡ്​​ ചെയ്​ത്​ നിർദേശാനുസരണം അപേക്ഷിക്കേണ്ടതാണ്​.

യോഗ്യത: ആർട്​സ്​, സയൻസ്​, കോ​മേഴ്​സ്​, എൻജിനീയറിങ്​, സോഷ്യൽ സയൻസ്​ ഉൾപ്പെടെ ഏതെങ്കിലും വിഷയത്തിൽ അംഗീകൃത ബാച്​ലേഴ്​സ്​ ഡിഗ്രി/ മാസ്​റ്റേഴ്​സ്​ ഡിഗ്രി 50 ശതമാനം മാർക്കിൽ കുറയാതെ വിജയിച്ചിട്ടുള്ളവരാകണം. ACA/ ACWA/ ACS യോഗ്യതയുള്ളവരെയും പരിഗണിക്കണം. ​ൈഫനൽ ഡിഗ്രി പരീക്ഷയെഴുതുന്നവർക്കും അപേക്ഷിക്കാം. കാറ്റ്​ സ്​കോർ നേടിയിരിക്കണം.

സെലക്​ഷൻ: ഐ​.ഐ.എം -കാറ്റ്​ 2020 സ്​കോർ അടിസ്ഥാനത്തിൽ അപേക്ഷകരുടെ ചുരുക്കപ്പട്ടിക തയാറാക്കി ഗ്രൂപ് ചർച്ചയും വ്യക്തിഗത അഭിമുഖവും നടത്തി മെറിറ്റ്​ ലിസ്​റ്റ്​ തയാറാക്കിയാണ്​ അഡ്​മിഷൻ. കൊച്ചി, തിരുച്ചിറപ്പള്ളി, ചെന്നൈ, ബംഗളൂരു, ഹൈദരാബാദ്​, മു​ംബൈ, ന്യൂഡൽഹി, കൊൽക്കത്ത കേന്ദ്രങ്ങളിലായാണ്​ ഗ്രൂപ് ചർച്ചയും അഭിമുഖവും നടത്തുക.10​, 12​ ക്ലാസ്​ പരീക്ഷകളിലെയും ബിരുദ തലത്തിലെയും അക്കാദമിക്​ മികവും വർക്ക്​ എക്​സ്​പീരിയൻസുമെല്ലാം പരിഗണിച്ച്​ വെയിറ്റേജ്​ നൽകി അന്തിമ റാങ്ക്​ ലിസ്​റ്റ്​ തയാറാക്കും.

എം.ബി.എ പഠനം വിജയകരമായി പൂർത്തിയാക്കുന്നർക്ക്​ പ്ലേസ്​മെൻറ്​ സഹായം ലഭിക്കും. ആറ്​ ലക്ഷം മുതൽ 13.5 ലക്ഷം രൂപവരെ വാർഷിക ശമ്പളം നൽകിയാണ്​ കമ്പനികൾ കഴിഞ്ഞവർഷം കാമ്പസ്​ റിക്രൂട്ട്​മെൻറ്​ നടത്തിയത്​. കൂടുതൽ വിവരങ്ങൾ: www.bim.edu ൽ ലഭിക്കും. വിലാസം Bharathidasa Institute of management, MHD campus, BHEL complex, Tiruchirappalli 620014, Tamilnadu, phone 0431 2521227.

Show Full Article
TAGS:mba bharatidasan 
News Summary - MBA from Bharathidasan Management Institute
Next Story