Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightEducationchevron_rightEdu Newschevron_rightെഎ.െഎ.ടികളിൽ എം.ബി.എ...

െഎ.െഎ.ടികളിൽ എം.ബി.എ പ്രവേശനം; ഓൺലൈൻ അപേക്ഷ 31നകം

text_fields
bookmark_border
െഎ.െഎ.ടികളിൽ എം.ബി.എ പ്രവേശനം; ഓൺലൈൻ അപേക്ഷ 31നകം
cancel

ഇന്ത്യൻ ഇൻസ്​റ്റിറ്റ്യൂട്ട്​സ്​ ഓഫ്​ ടെക്​നോളജി (ഐ.ഐ.ടികൾ) 2021-23 വർഷത്തെ ഫുൾടൈം എം.ബി.എ പ്രവേശനത്തിന്​ അപേക്ഷ ക്ഷണിച്ചു. എട്ട്​ ഐ.ഐ.ടികളിലാണ്​ പ്രവേശനം. മദ്രാസ്​ (www.doms.iitm.ac.in), ബോംബെ (www.som.iitb.ac.in), ഡൽഹി (www.dms.iitd.ac.in), ഐ.എസ്​.എം ധൻബാദ്​ (www.iitism.ac.in), ജോധ്​പുർ (http://iitj.ac.in/schools/indiaphp), കാൺപുർ (IME) (www.iitk.ac.in/ime), ​െഖാരഗ്​പുർ (www.som.iitkgp.ac.in), റൂർക്കി (http://ms.iitr.ac.in). കൂടാതെ അതത്​ ഐ.ഐ.ടികളുടെ ഡിപ്പാർട്​മെൻറ്​ ഓഫ്​ മാനേജ്​മെൻറ്​ സ്​റ്റഡീസ്​/സ്​കൂൾ ഓഫ്​ മാനേജ്​മെൻറ്​ സ്​റ്റഡീസ്​ നടത്തുന്ന എം.ബി.എ, മാനേജ്​മെൻറ്​ പി.ജി പ്രോഗ്രാമുകളുടെ വിശദാംശങ്ങൾ വെബ്​സൈറ്റിൽ ലഭിക്കും.

യോഗ്യത: ഏതെങ്കിലും ഡിസിപ്ലിനിൽ ഫസ്​റ്റ്​ക്ലാസ്​ (60 ശതമാനം മാർക്കിൽ കുറയരുത്​) ബിരുദവും ഐ.ഐ.എം കാറ്റ്​-2020 സ്​കോറും. പട്ടികജാതി/വർഗക്കാർക്കും ഭിന്നശേഷിക്കാർക്കും ബിരുദതലത്തിൽ 55 ശതമാനം മാർക്ക്​ മതി. ഫൈനൽ ഡിഗ്രി വിദ്യാർഥികളെയും പരിഗണിക്കും.

ഐ.ഐ.ടിയിൽനിന്നു സി.ജി.പി.എ 8ൽ കുറയാത്ത ബിരുദമെടുത്തവർക്ക്​ കാറ്റ്​ സ്​കോർ നിർബന്ധമില്ല. ഓരോ ഐ.ഐ.ടിക്കും ആവശ്യമായ വിശദമായ യോഗ്യതാമാനദണ്ഡങ്ങൾ വെബ്​സൈറ്റിലുണ്ട്​. പ്രവാസി ഭാരതീയർക്കും വിദേശ വിദ്യാർഥികൾക്കും 'ജിമാറ്റ്​' സ്​കോർ മതി.അപേക്ഷ ഫീസ്​ ജനറൽ, ഒ.ബി.സി വിഭാഗങ്ങൾക്കും വിദേശ വിദ്യാർഥികൾക്കും എൻ.ആർ.ഐക്കാർക്കും 1600 രൂപ. എസ്​.സി/എസ്​.ടി/പി.ഡബ്ല്യു.ഡി വിഭാഗങ്ങൾക്ക്​ 800 രൂപ. ​െക്രഡിറ്റ്​/​െഡബിറ്റ്​ കാർഡ്​/ഇൻറർനെറ്റ്​​ ബാങ്കിങ്​ വഴി ഫീസ്​ അടക്കാം.

അപേക്ഷ ഓൺലൈനായി ഓരോ ഐ.ഐ.ടിക്കും പ്രത്യേകം സമർപ്പിക്കണം. ജനുവരി 31 വരെ അപേക്ഷ സ്വീകരിക്കും.ഐ.ഐ.എം-കാറ്റ്​-2020 സ്​കോർ അടിസ്​ഥാനത്തിൽ അപേക്ഷകരുടെ ചുരുക്കപ്പട്ടിക തയാറാക്കി വ്യക്തിഗത ഓൺലൈൻ അഭിമുഖം നടത്തിയാണ്​ തെരഞ്ഞെടുപ്പ്​.

Show Full Article
TAGS:mba admission IITs 
Web Title - mba admission in iits; application through online within 31st january
Next Story