ആദരവും അറിവും പകർന്ന്​ 'മാധ്യമം'; കൊച്ചിയിൽ രജിസ്​ട്രേഷൻ തുടരുന്നു

കൊച്ചി: ഉന്നത വിജയികൾക്കുള്ള ആദരവും അറിവും പകരാനുള്ള 'മാധ്യമം' ടോപ്പേഴ്​സ്​ മീറ്റിലേക്കുള്ള രജിസ്​ട്രേഷൻ തുടരുന്നു. 'സീക്കോ' ഇന്‍റർ നാഷണലുമായി കൈ കോർത്താണ്​ പ്ലസ്​ ടു പരീക്ഷകളിൽ ഉന്നത വിജയം കരസ്ഥമാക്കിയവരെ ആദരിക്കുന്ന 'ടോപ്പേഴ്​സ്​ മീറ്റ്​' എറണാകുളത്ത്​ സംഘടിപ്പിക്കുന്നത്​.

ആഗസ്റ്റ്​ 24ന്​ എറണാകുളം ടൗൺ ഹാളിൽ ഉച്ച രണ്ടിനാണ് പരിപാടി. പ്ലസ്​ ടു പരീക്ഷയിൽ മുഴുവൻ വിഷയങ്ങളിലും എ പ്ലസ്​ നേടിയവർ, പ്ലസ്​ ടു സി.ബി.എസ്​.ഇ പരീക്ഷയിൽ 85 ശതമാനത്തിന്​ മുകളിൽ മാർക്ക്​ നേടിയവർ എന്നിവരെയാണ്​ ചടങ്ങിൽ ആദരിക്കുക.

പരിപാടിയിൽ പ​ങ്കെടുക്കുന്നവർക്ക്​ വിദേശത്തെ​ എം.ബി.ബി.എസ്​ പഠനാവസരത്തെ കുറിച്ച്​ മനസില്ലാക്കാനും കഴിയും. പരിപാടി ഹൈബി ഈഡൻ എം.പി ഉദ്​ഘാടനം ചെയ്യും. പ്രശസ്ത മോട്ടിവേഷൻ സ്പീക്കർ നിസാം അഹമ്മദ്​ കുട്ടികൾക്കായി ക്ലാസെടുക്കും. വാർത്തയോടൊപ്പം നൽകിയ ക്യൂ.ആർ കോഡ്​ സ്കാൻ ചെയ്ത്​ അർഹരായ വിദ്യാർഥികൾക്ക്​ രജിസ്റ്റർ ചെയ്യാം. ഹെൽപ്പ്​ലൈൻ നമ്പർ: 9645006106.