ഇനി കൊമേഴ്സിലാണ് കരിയർ; വെബിനാർ നാളെ

കോഴിക്കോട്: ഏറ്റവും കൂടുതൽ കരിയർ അവസരങ്ങളുമായി കൊമേഴ്സ് എത്തുമ്പോൾ കൃത്യമായ മാർഗനിർദേശങ്ങളുമായി മാധ്യമം-ലക്ഷ്യ സെമിനാർ ഒരുങ്ങുന്നു. കൊമേഴ്സിലെ മികച്ച ഭാവി ഉറപ്പാക്കാൻ എല്ലാ മാർഗനിർദേശങ്ങളുമായി വിദ്യാർഥികൾക്കും രക്ഷിതാക്കൾക്കും സൗജന്യമായി പ​ങ്കെടുക്കാവുന്ന വെബിനാറാണ് മാധ്യമത്തിന്റെയും ലക്ഷ്യയുടെയും നേതൃത്വത്തിൽ ഒരുങ്ങുന്നത്.

കൊമേഴ്സ് രംഗത്ത് കരിയർ ഇഷ്ടപ്പെടുന്നവർക്കായി എല്ലാ വിവരങ്ങളും വിവിധ കോഴ്സുകൾ സംബന്ധിച്ച വിശദ വിവരങ്ങളും കൊമേഴ്സ് രംഗത്തെ സാധ്യതകളും അവതരിപ്പിക്കുന്ന വെബിനാർ ജൂൺ ഒന്നിന് ഇന്ത്യൻ സമയം രാത്രി 7.30 മുതൽ നടക്കും. വിദേശത്തും സ്വദേശത്തും ഏറെ സാധ്യതകളുള്ള കൊമേഴ്സ് കരിയറുകളുമായി ബന്ധപ്പെട്ട് എല്ലാ വിവരങ്ങളും പറഞ്ഞുതരാൻ ഈ രംഗത്തെ പ്രഗത്ഭർ നയിക്കുന്ന സെഷനുകൾ വെബിനാറിലുണ്ടാകും.

മെഡിക്കൽ, എൻജിനീയറിങ് രംഗങ്ങളിൽ സാധ്യതകൾ കുറയുകയും അതേസമയം കൊമേഴ്സ് രംഗത്ത് നിരവധി സാധ്യതകൾ തുറക്കുകയും ചെയ്ത കാലത്താണ് ഇതുമായി ബന്ധപ്പെട്ട കൃത്യമായ വിവരങ്ങളും കോഴ്സുകളും വിദ്യാർഥികളിലേക്കെത്തിക്കാൻ ‘മാധ്യമ’വും ‘ലക്ഷ്യ’യും ഒരുങ്ങുന്നത്.

ഏത് കോഴ്സ് പഠിക്കണം, എവിടെ പഠിക്കണം, തുടങ്ങിയ കാര്യങ്ങൾ വിശദമായിത്തന്നെ വിദ്യാർഥികൾക്കുമുന്നിൽ അവതരിപ്പിക്കും. സയൻസ്, കൊമേഴ്സ്, ഹ്യുമാനിറ്റീസ് തുടങ്ങി ഏത് കോഴ്സ് പഠിച്ച വിദ്യാർഥികൾക്കും വെബിനാറിൽ പ​ങ്കെടുക്കാം. ഒരു കരിയർ തെരഞ്ഞെടുക്കുമ്പാൾ മനസിൽ വെക്കേണ്ട, ശ്രദ്ധിക്കേണ്ട കാര്യങ്ങളെക്കുറിച്ചും ഇന്ത്യയിലെതന്നെ പ്രമുഖ കരിയർ കോച്ചുമാർ വെബിനാറിൽ സംവദിക്കും.

വിദ്യാർഥികളും മാതാപിതാക്കളും ഉറപ്പായും പ​ങ്കെടുക്കേണ്ട വെബിനാറാണ് ഇത്. വിദ്യാർഥികളുടെയും രക്ഷിതാക്കളുടെയും സംശയ നിവാരണത്തിനായും വെബിനാറിൽ അവസരമുണ്ടാവും. ചാര്‍ട്ടേഡ് അക്കൗണ്ടന്‍സി കോഴ്സിനെകുറിച്ച് ഒട്ടേറെ അബദ്ധധാരണകള്‍ നിറഞ്ഞുനിന്ന കാലത്ത് ഈ തെറ്റിദ്ധാരണകൾ അകറ്റി കൊമേഴ്സ് രംഗത്തെ വന്‍ സാധ്യതകളെ കുറിച്ച് കൃത്യമായ ധാരണയുണ്ടാക്കാൻ വെബിനാർ വിദ്യാർഥികളെ സഹായിക്കും.

ഇന്ത്യൻ ഇൻസ്റ്റിറ്റ്യൂട്ട് ഓഫ് കൊമേഴ്സ് ലക്ഷ്യ ഫൗണ്ടറും മാനേജിങ് ഡയറക്ടറുമായ ഓർവൽ ലയണൽ, ലക്ഷ്യ ഡയറക്ടറും അപ്ഗ്രാഡ് മുൻ സി.ഇ.ഒയുമായ അർജുൻ മോഹൻ, അവിനാഷ് കുളൂർ എന്നിവർ വെബിനാറിൽ സംവദിക്കും. കേരളത്തിലെയും ജി.സി.സിയിലേയും വിദ്യാർഥികൾക്കും രക്ഷിതാക്കൾക്കും വെബിനാറിന്റെ ഭാഗമാവാം. നൽകിയിരിക്കുന്ന ക്യു.ആർ കോഡ് സ്കാൻ ചെയ്തുകയോ, https://www.madhyamam.com/webtalk വെബ്സൈറ്റ് സന്ദർശിക്കുകയോ ചെയ്യുക. കൂടുതൽ വിവരങ്ങൾക്ക് 9446235630, 9645005115 എന്നീ ഫോൺ നമ്പറിൽ ബന്ധപ്പെടാവുന്നതാണ്.