ആരോഗ്യ സർവകലാശാല നാളത്തെ പരീക്ഷകൾ മാറ്റി

തൃശൂർ: നബി ദിന അവധി പ്രഖ്യാപിച്ച സാഹചര്യത്തിൽ കേരള ആരോഗ്യശാസ്ത്ര സർവകലാശാല വ്യാഴാഴ്ച നടത്താനിരുന്ന അഞ്ചാം വർഷ ഫാംഡി ഡിഗ്രി സപ്ലിമെന്‍ററി, രണ്ടാം വർഷ ഫാംഡി പോസ്റ്റ് ബേസിക് ഡിഗ്രി സപ്ലിമെന്‍ററി, ഒന്നാം വർഷ ബി.എസ്സി എം.ആർ.ടി ഡിഗ്രി സപ്ലിമെന്‍ററി (2016 & 2013 സ്കീം), രണ്ടാം വർഷ ബി.എസ്സി നഴ്സിങ് ഡിഗ്രി സപ്ലിമെന്‍ററി (2016 & 2010 സ്കീം) എന്നീ തിയറി പരീക്ഷകൾ 29ലേക്കും സെക്കൻഡ് പ്രഫഷനൽ ബി.എസ്.എം.എസ് ഡിഗ്രി റെഗുലർ/സപ്ലിമെന്‍ററി (2016 സ്കീം) തിയറി പരീക്ഷ ഒക്ടോബർ 18ലേക്കും മാറ്റി. പരീക്ഷ കേന്ദ്രങ്ങള്‍ക്കും സമയത്തിനും മാറ്റമില്ല.