പി.എസ്​.സിയിൽ ഇനി ഡിജിലോക്കർ സർട്ടിഫിക്കറ്റ്​ പരിശോധനയും

തിരുവനന്തപുരം: കേന്ദ്രസർക്കാറിന്‍റെ നിയന്ത്രണത്തിലുള്ള ഡിജിലോക്കർ സംവിധാനം വഴി വിവിധ സ്​ഥാപനങ്ങൾ ഔദ്യോഗികമായി ലഭ്യമാക്കുന്ന സർട്ടിഫിക്കറ്റുകൾ ഉദ്യോഗാർഥികൾക്ക്​ പ്രൊ​ൈഫൽ വഴി അപ്​ലോഡ്​ ചെയ്യാൻ സംവിധാനമൊരുക്കി പി.എസ്​.സി. നവംബർ 11ന്​ രാവിലെ 11ന്​ പി.എസ്​.സി ആസ്​ഥാനത്ത്​ നടക്കുന്ന ചടങ്ങ്​ ചെയർമാൻ അഡ്വ. എം.കെ സക്കീർ ഉദ്​ഘാടനം നിർവഹിക്കും.

ഡിജിലോക്കർ സർട്ടിഫിക്കറ്റ് പരിശോധന ഏർപ്പെടുത്തുന്ന ആദ്യ പി.എസ്.സി.യാണ് കേരള പബ്ലിക് സർവീസ് കമിഷൻ. സുപ്രധാന രേഖകളും സർട്ടിഫിക്കറ്റുകളും ഡിജിറ്റൽ രൂപത്തിൽ സൂക്ഷിക്കുന്നതിനും ആധാർ നമ്പർ ഉപയോഗിച്ച്​ ഇവ ഓൺലൈനായി ഉപയോഗിക്കുന്നതിനും സൗകര്യം ഒരുക്കുന്ന സംവിധാനമാണ്​ ഡിജിലോക്കർ.