സർക്കാർ സ്കൂളുകളിലെ താൽക്കാലിക അധ്യാപക നിയമനത്തിനും കെ ടെറ്റ് നിർബന്ധം

തിരുവന്തപുരം: സംസ്ഥാനത്തെ സർക്കാർ സ്കൂളുകളിലെ താൽക്കാലിക അധ്യാപക നിയമനത്തിനും കെ ടെറ്റ് കർശനമാക്കി വിദ്യാഭ്യാസ വകുപ്പ്. എല്ലാ അധ്യാപകരും അധ്യാപന യോഗ്യതാ പരീക്ഷയായ കെ-ടെറ്റ് പാസായിരിക്കണമെന്ന സുപ്രീം കോടതി വിധിയുടെ പശ്ചാത്തലത്തിലാണ് ഉത്തരവ്.

താൽക്കാലിക നിയമനങ്ങളിൽ 1:1 അനുപാതത്തിൽ രണ്ടാമത്തെ ഒഴിവ് പട്ടിക വിഭാഗങ്ങൾക്കും പിന്നാക്ക വിഭാഗങ്ങൾക്കും നൽകണമെന്നും നിർദേശമുണ്ട്. സംവരണ വിഭാഗത്തിൽ അര്‍ഹരായവരില്ലെങ്കിൽ മാത്രം പൊതു വിഭാത്തിൽ നിന്ന് നിയമനം നടത്താം.