ജെ.ഇ.ഇ മെയിൻ: അഡ്മിറ്റ് കാർഡുകൾ വെബ്സൈറ്റിൽ

​നാ​ഷ​ന​ൽ ടെ​സ്റ്റി​ങ് ഏ​ജ​ൻ​സി​യു​ടെ ആ​ഭി​മു​ഖ്യ​ത്തി​ൽ ഈ​മാ​സം 22, 23, 24 തീ​യ​തി​ക​ളി​ലാ​യി ന​ട​ത്തു​ന്ന ജെ.​ഇ.​ഇ മെ​യി​ൻ -2025 ആ​ദ്യ സെ​ഷ​ൻ പ​രീ​ക്ഷ​ക്കു​ള്ള അ​ഡ്മി​റ്റ് കാ​ർ​ഡു​ക​ൾ പ​രീ​ക്ഷാ​ർ​ഥി​ക​ൾ​ക്ക് https://jeemain.nta.nic.inൽ ​നി​ന്ന് ഡൗ​ൺ​ലോ​ഡ് ചെ​യ്യാം. ഈ ​തീ​യ​തി​ക​ളി​ൽ ബി.​ഇ/​ബി.​ടെ​ക് പ്ര​വേ​ശ​ന​ത്തി​നാ​യു​ള്ള ഒ​ന്നാ​മ​ത്തെ പേ​പ്പ​ർ രാ​വി​ലെ ഒ​മ്പ​ത് മു​ത​ൽ 12 മ​ണി​വ​രെ​യും ഉ​ച്ച​ക്കു​ശേ​ഷം മൂ​ന്നു മു​ത​ൽ ആ​റു​മ​ണി വ​രെ​യു​മാ​ണ് ക്ര​മീ​ക​രി​ച്ചി​ട്ടു​ള്ള​ത്.

ജ​നു​വ​രി 28, 29, 30 തീ​യ​തി​ക​ളി​ൽ ന​ട​ത്തു​ന്ന ജെ.​ഇ.​ഇ മെ​യി​ൻ പേ​പ്പ​ർ ഒ​ന്ന് (ബി.​ഇ/​ബി.​ടെ​ക്), പേ​പ്പ​ർ 2 എ (​ബി.​ആ​ർ​ക്) പേ​പ്പ​ർ 2-ബി (​ബി പ്ലാ​നി​ങ്) പ​രീ​ക്ഷ​ക്കു​ള്ള അ​ഡ്മി​റ്റ് കാ​ർ​ഡു​ക​ൾ പി​ന്നീ​ട് വെ​ബ്സൈ​റ്റി​ൽ ല​ഭ്യ​മാ​കും. ര​ണ്ട് ഷി​ഫ്റ്റു​ക​ളാ​യാ​ണ് പ​രീ​ക്ഷ. ആ​ദ്യ ഷി​ഫ്റ്റ് രാ​വി​ലെ ഒ​മ്പ​ത് മു​ത​ൽ 12 വ​രെ​യും ര​ണ്ടാ​മ​ത്തെ ഷി​ഫ്റ്റ് ഉ​ച്ച​ക്കു​ശേ​ഷം മൂ​ന്നു​മു​ത​ൽ ആ​റു​മ​ണി വ​രെ​യു​മാ​ണ് ന​ട​ത്തു​ക. ഇ​തു​സം​ബ​ന്ധി​ച്ച അ​റി​യി​പ്പ് വെ​ബ്സൈ​റ്റി​ലു​ണ്ട്.

എ​ൻ.​ഐ.​ടി​ക​ൾ, ഐ.​ഐ.​ടി​ക​ൾ അ​ട​ക്ക​മു​ള്ള മു​ൻ​നി​ര സ്ഥാ​പ​ന​ങ്ങ​ളി​ൽ എ​ൻ​ജി​നീ​യ​റി​ങ്, ആ​ർ​ക്കി​ടെ​ക്ച​ർ മു​ത​ലാ​യ ബി​രു​ദ പ്ര​വേ​ശ​നം ​ജെ.​ഇ.​ഇ മെ​യി​ൻ റാ​ങ്ക​ടി​സ്ഥാ​ന​ത്തി​ലാ​ണ്. ഉ​യ​ർ​ന്ന റാ​ങ്ക് നേ​ടു​ന്ന ര​ണ്ട​ര ല​ക്ഷം പേ​ർ​ക്ക് ഐ.​ഐ.​ടി​ക​ളി​ലേ​ക്കു പ്ര​വേ​ശ​ന പ​രീ​ക്ഷ​യാ​യ ജെ.​ഇ.​ഇ അ​ഡ്വാ​ൻ​സ്ഡ് 2025 പ​രീ​ക്ഷ​യി​ൽ പ​​ങ്കെ​ടു​ക്കാ​ൻ അ​ർ​ഹ​ത​യു​ണ്ടാ​വും.

വി​ശ​ദ​വി​വ​ര​ങ്ങ​ൾ​ക്ക് വെ​ബ്സൈ​റ്റ് സ​ന്ദ​ർ​ശി​ക്കു​ക.