ജെ.ഇ.ഇ അഡ്വാൻസ്​ഡ്​ 2021; തീയതി ​പ്രഖ്യാപിച്ചു

ന്യൂഡൽഹി: ഇൗ വർഷത്തെ ജോയിൻറ്​ എൻട്രൻസ്​ എക്​സാമിനേഷൻ (ജെ.ഇ.ഇ) അഡ്വാൻസ്​ഡ്​, ഒക്​ടോബർ മൂന്നിന്​ നടത്തുമെന്ന്​ പ്രഖ്യാപിച്ച്​ കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാൻ. എഞ്ചിനീയറിങ്​ പ്രവേശന പരീക്ഷയുടെ എല്ലാ വിവരങ്ങളും അടങ്ങിയ ബ്രോഷർ അഡ്മിനിസ്ട്രേറ്റീവ് ബോഡിയായ ഐ.ഐ.ടി ഖരഗ്‌പൂർ ജൂൺ 26 ന് പുറത്തിറക്കിയിട്ടുണ്ട്.

രജിസ്ട്രേഷൻ, അപേക്ഷ, യോഗ്യത, പരീക്ഷ എന്നിവ സംബന്ധിച്ച വിശദാംശങ്ങൾക്കായി ഒൗദ്യോഗിക വെബ്‌സൈറ്റായ - jeeadv.ac.in സന്ദർശിച്ചാൽ മതിയാകും.