Begin typing your search above and press return to search.
proflie-avatar
Login
exit_to_app
exit_to_app
Homechevron_rightCareer & Educationchevron_rightEdu Newschevron_rightഅടുത്ത അധ്യയന വർഷം...

അടുത്ത അധ്യയന വർഷം സ്​കൂൾ വിദ്യാഭ്യാസത്തിന്​ ഒറ്റ ഡയറക്​ടറേറ്റും പരീക്ഷ ഭവനും

text_fields
bookmark_border
അടുത്ത അധ്യയന വർഷം സ്​കൂൾ വിദ്യാഭ്യാസത്തിന്​ ഒറ്റ ഡയറക്​ടറേറ്റും പരീക്ഷ ഭവനും
cancel

തിരുവനന്തപുരം: ഒരു വിഭാഗം അധ്യാപക -അനധ്യാപക സംഘടനകളുടെ പ്രതിഷേധങ്ങൾക്കിടെ ഒന്നു​ മുതൽ 12 വരെയുള്ള സ്​കൂൾ വിദ് യാഭ്യാസം ഒരു കുടക്കീഴിൽ കൊണ്ടുവരാനുള്ള തീരുമാനവുമായി സർക്കാർ മുന്നോട്ട്​. നീക്കത്തിൽ പ്രതിഷേധിച്ച്​ പ്രത ിപക്ഷ സംഘടനകളുടെ സംയുക്ത അധ്യാപക സമിതി ഒന്നടങ്കം തിങ്കളാഴ്​ച പൊതുവിദ്യാഭ്യാസ സെക്രട്ടറി വിളിച്ച യോഗം ബഹിഷ ്​കരിച്ച്​ ഇറങ്ങിപ്പോയി. സർക്കാർ ഏകപക്ഷീയമായി മുന്നോട്ടുപോവുകയാണെങ്കിൽ അടുത്ത അധ്യയന വർഷാരംഭം മുതൽ പണിമ ുടക്ക്​ ഉൾപ്പെടെ സമരപരിപാടികളിലേക്ക്​ പോകുമെന്നും സമിതി ഭാരവാഹികൾ അറിയിച്ചു.

സ്​കൂൾ വിദ്യാഭ്യാസ ലയനത് തി​​െൻറ ആദ്യഘട്ടമായി അടുത്ത അധ്യയന വർഷത്തിൽ മൂന്ന്​ പരിഷ്​കരണങ്ങൾ കൊണ്ടുവരാനാണ്​ സർക്കാർ ആഗ്രഹിക്കുന്നതെന ്ന്​ യോഗത്തിൽ പൊതുവിദ്യാഭ്യാസ സെക്രട്ടറി എ. ഷാജഹാൻ വ്യക്തമാക്കി. നിലവിലുള്ള പൊതുവിദ്യാഭ്യാസ, ഹയർ സെക്കൻഡറ ി, വി.എച്ച്​.എസ്​.ഇ ഡയറക്​ടറേറ്റുകൾ ലയിപ്പിക്കും. ഇൗ ഡയറക്​ടറേറ്റുകൾക്ക്​ കീഴിലുള്ള മൂന്ന്​ പരീക്ഷാ വിഭാഗങ്ങളെയും ഒന്നിപ്പിക്കും. സ്​കൂളി​​െൻറ ഏക മേധാവിയായി പ്രിൻസിപ്പലിനെ നിയമിക്കുന്നതും അടുത്ത അധ്യയന വർഷം നടപ്പാക്കും. എന്നാൽ, സ്​കൂൾ അധ്യാപക തസ്​തികകൾ, സ്​കൂളുകളുടെ എൽ.പി, യു.പി, ഹൈസ്​കൂൾ, ഹയർ സെക്കൻഡറി എന്നിങ്ങനെയുള്ള ഘടനയിൽ ഉടൻ മാറ്റംവരുത്തില്ല.

എ.ഇ.ഒ, ഡി.ഇ.ഒ, ഡി.ഡി.ഇ പോലുള്ള തസ്​തികകളും ഒാഫിസ്​ ഘടനയും നിലവി​െല രീതിയിൽ തുടരും. ഹൈസ്​കൂളും ഹയർ സെക്കൻഡറിയും ഒന്നിച്ച്​ പ്രവർത്തിക്കുന്നിടത്ത്​ പ്രിൻസിപ്പൽ സ്ഥാപന മേധാവിയാകു​േമ്പാൾ ഹെഡ്​മാസ്​റ്ററെ വൈസ്​ പ്രിൻസിപ്പലാക്കി മാറ്റുന്നതടക്കമുള്ള നിർദേശങ്ങളാണ്​ പരിഗണനയിലുള്ളത്​.

ഇക്കാര്യങ്ങളിൽ അധ്യാപക, അനധ്യാപക സംഘടനകൾ കൂടി മുന്നോട്ടുവെക്കുന്ന നിർദേശങ്ങൾ പരിഗണിച്ചായിരിക്കും തുടർനടപടികളെന്ന്​ യോഗത്തിൽ സെക്രട്ടറി അറിയിച്ചു. നിതി ആയോഗി​​െൻറ കണക്കു​പ്രകാരം സ്​കൂൾ വിദ്യാഭ്യാസത്തിൽ കേരളം ഏറെ മുന്നിലാണെന്നും ന്യൂനതകൾ കണ്ടെത്തിയ മേഖലകളിലെ പ്രശ്​നങ്ങൾ പരിഹരിക്കുന്നതി​​െൻറ ഭാഗം കൂടിയായാണ്​ പരിഷ്​കരണം കൊണ്ടുവരുന്നതെന്നും​ സെക്രട്ടറി പിന്നീട്​ മാധ്യമങ്ങളോട്​ വിശദീകരിച്ചു.

അജണ്ട നിശ്ചയിക്കാത്തതും വിദ്യാഭ്യാസ മന്ത്രി പ​െങ്കടുക്കാത്തതുമായ ​േയാഗം മാറ്റിവെക്കണമെന്ന്​ യോഗം തുടങ്ങിയ ഉടൻ പ്രതിപക്ഷ അധ്യാപക, അനധ്യാപക സംഘടനകൾ ആവശ്യപ്പെട്ടു. മന്ത്രിതല ചർച്ച പിന്നീട്​ നടത്തുമെന്നും ആദ്യഘട്ട ചർച്ച മാത്രമാണിതെന്നും സെക്രട്ടറി വിശദീകരിച്ചെങ്കിലും സംഘടനാ നേതാക്കൾ സർക്കാറിനെതിരെ മുദ്രാവാക്യം വിളിച്ച്​ ഇറങ്ങിപ്പോകുകയായിരുന്നു.

എം.എ. ഖാദർ കമ്മിറ്റി സമർപ്പിച്ച അപൂർണ റിപ്പോർട്ടുമായാണ്​ സർക്കാർ നടപടികളിലേക്ക്​ പോകുന്നതെന്നും ഇതു പൊതുവിദ്യാഭ്യാസ മേഖലയെ തകർക്കുമെന്നും ബഹിഷ്​ക്കരിച്ചിറങ്ങിയ സംയുക്ത അധ്യാപക സംഘടനാ ഭാരവാഹികൾ പറഞ്ഞു. എന്നാൽ, ഖാദർ കമ്മിറ്റി റിപ്പോർട്ടിലെ ഗുണപരമായ വശങ്ങൾ അടുത്ത അധ്യയന വർഷം മുതൽ നടപ്പാക്കണമെന്ന്​ കെ.എസ്​.ടി.എ, ​എ.കെ.എസ്​.ടി.യു ഉൾ​െപ്പടെ ഭരണപക്ഷ സംഘടനകൾ ആവശ്യപ്പെട്ടു.


സംഘടനകളെ 28ന്​ വിദ്യാഭ്യാസമന്ത്രി ചർച്ചക്ക്​ വിളിച്ചു
തിരുവനന്തപുരം: സ്​കൂൾ വിദ്യാഭ്യാസ ലയനവുമായി ബന്ധപ്പെട്ട്​ വിദ്യാഭ്യാസ മന്ത്രി സി. രവീന്ദ്രനാഥ്​ ​സംഘടനാ പ്രതിനിധികളുടെ യോഗം വിളിച്ചു. 28ന്​ രാവിലെ 11ന്​ അധ്യാപക, അനധ്യാപക സംഘടനാ പ്രതിനിധികളുമായി മന്ത്രി ചർച്ച നടത്തും. ഉച്ചക്കു​ ശേഷം മാനേജ്​മ​െൻറ്​ പ്രതിനിധികളുമായും വിദ്യാർഥി സംഘടനാ പ്രതിനിധികളുമായും മന്ത്രി ചർച്ച നടത്തും.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:higher secondarymalayalam newsCareer And Education NewsSchool CombineHigh School
News Summary - High School and Secondary Combines-Career And Education
Next Story