Begin typing your search above and press return to search.
proflie-avatar
Login
exit_to_app
exit_to_app
Homechevron_rightCareer & Educationchevron_rightEdu Newschevron_rightകണ്ണൂർ വാഴ്​സിറ്റിയിൽ...

കണ്ണൂർ വാഴ്​സിറ്റിയിൽ കൂടുതൽ ഭിന്നശേഷി വിഭാഗങ്ങൾക്ക് ഗ്രേസ് മാർക്ക്

text_fields
bookmark_border
Kannur university
cancel

കണ്ണൂർ: എൻഡോസൾഫാൻ ദുരിതബാധിതരായ വിദ്യാർഥികളുൾപ്പെടെ കൂടുതൽ ഭിന്നശേഷി വിഭാഗങ്ങൾക്ക് പരീക്ഷകളിൽ ഗ്രേസ് മാർക്ക് അനുവദിക്കാൻ കണ്ണൂർ സർവകലാശാല സിൻഡിക്കേറ്റ് തീരുമാനിച്ചു. സംസ്ഥാന ഭിന്നശേഷി കമീഷണറുടെ നിർദേശത്തെ അടിസ്ഥാനമാക്കി മാനദണ്ഡങ്ങൾ തയാറാക്കാൻ പരീക്ഷാകാര്യ സ്ഥിരം സമിതിയെ ചുമതലപ്പെടുത്തി.

ബയോകെമിസ്​ട്രി, ബയോ ഇൻഫർമാറ്റിക്​സ്​ വിഷയങ്ങളിൽ പ്രത്യേകം പഠന ബോർഡുകൾ രൂപവത്​കരിക്കും. ലോക്​ഡൗൺ കാലത്ത് പഠനപ്രവർത്തനങ്ങൾ നടത്തുന്നതിന് സർക്കാർ നിയോഗിച്ച ഡോ. ബി. ഇഖ്ബാൽ കമ്മിറ്റി നിർദേശങ്ങൾ സർവകലാശാലയിൽ നടപ്പാക്കും.

സ്​റ്റുഡൻറ് പൊലീസ് കാഡറ്റുമാർക്ക് ബിരുദ പ്രവേശനത്തിന് അടുത്ത വർഷം മുതൽ വെയ്റ്റേജ് മാർക്ക് നൽകാനും തീരുമാനിച്ചു. 2014, 2015, 2016 വർഷങ്ങളിൽ ബിരുദാനന്തര ബിരുദ പ്രവേശനം നേടി പഠനം പൂർത്തിയാക്കിയ വിദ്യാർഥികളിൽ പരാജയപ്പെട്ടവർക്കായി ഒറ്റത്തവണ മേഴ്​സി ചാൻസ് പരീക്ഷ നടത്തും.

സർവകലാശാലയുടെ താവക്കര ആസ്ഥാനത്ത് കെ.എസ്.ഇ.ബിയുമായി സഹകരിച്ച് ഇലക്​ട്രിക് വാഹനങ്ങളുടെ ചാർജിങ് സ്​റ്റേഷൻ ആരംഭിക്കും.

സർവകലാശാലയിൽ അഫിലിയേഷൻ ഫീസ്, അഡ്മിനിസ്ട്രേഷൻ ഫീസ് എന്നിവക്ക്​ ചരക്ക് സേവന നികുതി (ജി.എസ്.ടി) അടക്കണമെന്ന നികുതി ഓഫിസറുടെ നോട്ടീസിനെതിരെ അപ്പീൽ സമർപ്പിക്കാൻ തീരുമാനിച്ചു. കോവിഡി​െൻറ പശ്ചാത്തലത്തിൽ, വിരമിച്ച ഗൈഡുകളുടെ കീഴിൽതന്നെ ഗവേഷണ പ്രബന്ധം സമർപ്പിക്കാനുള്ള സമയം 2021 മാർച്ച് വരെ നീട്ടിനൽകാൻ തീരുമാനിച്ചു.

ഗവേഷക വിദ്യാർഥികൾക്ക് കാമ്പസുകളിൽ ഹോസ്​റ്റൽ സൗകര്യം ഏർപ്പെടുത്തണമെന്ന സെനറ്റ് പ്രമേയത്തിൽ ശിപാർശ സമർപ്പിക്കും. രണ്ടാം സെമസ്​റ്റർ ബിരുദം, വിദൂര വിദ്യാഭ്യാസ വിഭാഗം ഒന്നും രണ്ടും വർഷ പരീക്ഷകൾ എന്നിവ നടത്തുന്നതിനെക്കുറിച്ച് ആലോചിക്കുന്നതിന് പരീക്ഷ കോഒാഡിനേഷൻ കമ്മിറ്റി യോഗം വിളിച്ചുചേർക്കും. ഓൺലൈൻ യോഗത്തിൽ വൈസ് ചാൻസലർ പ്രഫ. ഗോപിനാഥ് രവീന്ദ്രൻ അധ്യക്ഷത വഹിച്ചു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:grace markkannur universitydifferently abled
News Summary - Grace marks for more differently abled sections in Kannur University
Next Story