ജയവും എ പ്ലസും ഉയർത്താൻ സർക്കാറുകൾ മത്സരിച്ചു

തി​രു​വ​ന​ന്ത​പു​രം: സം​സ്ഥാ​ന​ത്ത്​ എ​സ്.​എ​സ്.​എ​ൽ.​സി പ​രീ​ക്ഷ വി​ജ​യ ശ​ത​മാ​ന​ത്തി​ലും മു​ഴു​വ​ൻ വി​ഷ​യ​ങ്ങ​ളി​ൽ എ ​പ്ല​സ്​ നേ​ടു​ന്ന​വ​രു​ടെ എ​ണ്ണ​ത്തി​ലും വ​ൻ വ​ർ​ധ​ന​യു​ണ്ടാ​യ​ത്​ ചു​രു​ങ്ങി​യ കാ​ല​യ​ള​വി​നു​ള്ളി​ൽ. കൂ​ട്ടി​വാ​യി​ക്കാ​ൻ അ​റി​യാ​ത്ത​വ​ർ​ക്കും എ ​പ്ല​സ്​ ല​ഭി​ക്കു​ന്നെ​ന്ന പൊ​തു​വി​ദ്യാ​ഭ്യാ​സ ഡ​യ​റ​ക്ട​റു​ടെ വി​മ​ർ​ശ​നം വി​വാ​ദ​മാ​യ​തോ​ടെ​യാ​ണ്​ ഇ​തു​സം​ബ​ന്ധി​ച്ച ക​ണ​ക്കു​ക​ൾ പ്ര​സ​ക്ത​മാ​കു​ന്ന​ത്. ഗു​ണ​നി​ല​വാ​രം ഉ​റ​പ്പാ​ക്കാ​തെ എ​സ്.​എ​സ്.​എ​ൽ.​സി വി​ജ​യ​ശ​ത​മാ​നം ഉ​യ​ർ​ത്തു​ന്ന​തി​ൽ മാ​റി​മാ​റി​വ​ന്ന സ​ർ​ക്കാ​റു​ക​ൾ മ​ത്സ​രി​ച്ച​തോ​ടെ​യാ​ണ് വി​ജ​യ​വും എ ​പ്ല​സു​കാ​രു​ടെ എ​ണ്ണ​വും സ​ർ​വ​കാ​ല റെ​ക്കോ​ർ​ഡി​ലെ​ത്തി​യ​ത്. 4.22 ല​ക്ഷ​ത്തോ​ളം വി​ദ്യാ​ർ​ഥി​ക​ൾ എ​ഴു​തി​യ പ​രീ​ക്ഷ​യി​ൽ 2021ൽ ​മു​ഴു​വ​ൻ വി​ഷ​യ​ങ്ങ​ളി​ലും എ ​പ്ല​സ്​ നേ​ടി​യ​വ​രു​ടെ എ​ണ്ണം 1,25,509 ആ​യി​രു​ന്നു. ആ ​വ​ർ​ഷം പ​രീ​ക്ഷ എ​ഴു​തി​യ 29 ശ​ത​മാ​ന​ത്തി​ല​ധി​കം വി​ദ്യാ​ർ​ഥി​ക​ൾ​ക്കും എ ​പ്ല​സ്​ ല​ഭി​ച്ചു. കോ​വി​ഡ്​ സാ​ഹ​ച​ര്യ​ത്തി​ൽ 40 ശ​ത​മാ​നം പാ​ഠ​ഭാ​ഗ​ങ്ങ​ൾ പ​ഠി​ച്ചാ​ൽ​ത​ന്നെ 100 ശ​ത​മാ​നം മാ​ർ​ക്കി​നു​ള്ള ഉ​ത്ത​ര​മെ​ഴു​താ​വു​ന്ന രീ​തി​യി​ൽ ഫോ​ക്ക​സ്​ ഏ​രി​യ സ​മ്പ്ര​ദാ​യം ന​ട​പ്പാ​ക്കി​യ​താ​ണ്​ 2021ൽ ​വി​ജ​യ​ശ​ത​മാ​ന​വും എ ​പ്ല​സു​കാ​രു​ടെ എ​ണ്ണ​വും കു​ത്ത​നെ ഉ​യ​രാ​നി​ട​യാ​ക്കി​യ​ത്.

2010ൽ 5182 ​പേ​ർ​ക്കാ​യി​രു​ന്നു എ​സ്.​എ​സ്.​എ​ൽ.​സി പ​രീ​ക്ഷ​യി​ൽ മു​ഴു​വ​ൻ വി​ഷ​യ​ങ്ങ​ളി​ലും എ ​പ്ല​സു​ണ്ടാ​യി​രു​ന്ന​ത്. ഇ​ത്​ 2011ൽ 5821​ഉം 2012ൽ 6995​ഉം 2013ൽ 10,073​ഉം 2014ൽ 14,802​ഉം 2015ൽ 15,430​ഉം ആ​യി ഉ​യ​ർ​ന്നു. 2016ൽ 22,879, 2017​ൽ 20,967, 2018ൽ 34,313, 2019​ൽ 37,334, 2020ൽ 41,906, 2021​ൽ 1,25,509 ഉം ​ആ​യി ഉ​യ​ർ​ന്നു. 2022ൽ 44,363 ​പേ​ർ​ക്കും 2023ൽ 68,604 ​പേ​ർ​ക്കും മു​ഴു​വ​ൻ വി​ഷ​യ​ങ്ങ​ളി​ൽ എ ​പ്ല​സ്​ ല​ഭി​ച്ചു.

ര​ണ്ടാ​യി​ര​ത്തി​ന്​ ശേ​ഷ​മാ​ണ്​ എ​സ്.​എ​സ്.​എ​ൽ.​സി വി​ജ​യ ശ​ത​മാ​നം ഗ​ണ്യ​മാ​യി ഉ​യ​ർ​ന്ന​ത്. മാ​ർ​ക്ക്​ സ​മ്പ്ര​ദാ​യം ഒ​ഴി​വാ​ക്കി ഗ്രേ​ഡി​ങ്​ സ​മ്പ്ര​ദാ​യ​വും നി​ര​ന്ത​ര മൂ​ല്യ​നി​ർ​ണ​യ രീ​തി​യും കൊ​ണ്ടു​വ​ന്ന​തോ​ടെ​യാ​ണ്​ വി​ജ​യ​ശ​ത​മാ​നം കു​തി​ച്ചു​യ​ർ​ന്ന​ത്. വാ​രി​ക്കോ​രി ഗ്രേ​സ്​ മാ​ർ​ക്ക്​ ന​ൽ​കു​ന്ന​തും വി​ജ​യ​ശ​ത​മാ​ന​വും എ ​പ്ല​സു​കാ​രു​ടെ എ​ണ്ണ​വും കു​തി​ക്കാ​ൻ കാ​ര​ണ​മാ​യി. ര​ണ്ടാ​യി​ര​ത്തി​ൽ 56.18 ശ​ത​മാ​ന​മാ​യി​രു​ന്ന വി​ജ​യ​ശ​ത​മാ​നം 2004ൽ 70.06 ​ശ​ത​മാ​ന​ത്തി​ലെ​ത്തി. 2007 മു​ത​ൽ വി​ജ​യ​ശ​ത​മാ​നം കു​ത്ത​നെ ഉ​യ​ർ​ന്നു. 2007ൽ 82.29 ​ശ​ത​മാ​ന​മാ​യി​രു​ന്ന​ത്​ 2008ൽ 92.09 ​ശ​ത​മാ​ന​ത്തി​ലെ​ത്തി. പി​ന്നീ​ടൊ​രി​ക്ക​ലും വി​ജ​യ​ത​മാ​നം 90 ശ​ത​മാ​ന​ത്തി​ന്​ താ​ഴേ​ക്ക്​ വ​ന്നി​ട്ടി​ല്ല. 2013ൽ 94.17 ​ശ​ത​മാ​ന​മു​ണ്ടാ​യി​രു​ന്ന​ത്​ 2015ൽ 98.57​ൽ എ​ത്തി. 2016ൽ 96.59​ഉം 2017ൽ 95.98​ഉം ആ​യി​രു​ന്ന വി​ജ​യം 2018 മു​ത​ൽ വീ​ണ്ടും ഉ​യ​ർ​ന്നു. 2018ൽ ​വി​ജ​യം 97.84 ശ​ത​മാ​ന​വും 2019ൽ 98.11 ​ശ​ത​മാ​ന​വും 2020ൽ 98.82 ​ശ​ത​മാ​ന​ത്തി​ലു​മെ​ത്തി. 2021ൽ ​ആ​ദ്യ​മാ​യി എ​സ്.​എ​സ്.​എ​ൽ.​സി ഫ​ലം 99 ശ​ത​മാ​ന​ത്തി​ന്​ മു​ക​ളി​ലെ​ത്തി. 99.47 ശ​ത​മാ​ന​മാ​യി​രു​ന്നു 2021ൽ ​വി​ജ​യം. 2022ൽ 99.26 ​ശ​ത​മാ​നം. 2023ൽ ​സ​ർ​വ​കാ​ല റെ​ക്കോ​ർ​ഡോ​ടെ 99.70 ശ​ത​മാ​ന​ത്തി​ലെ​ത്തി. 2023ൽ 4,19,128 ​പേ​ർ പ​രീ​ക്ഷ എ​ഴു​തി​യ​തി​ൽ 4,17,864 പേ​രും വി​ജ​യി​ച്ചു. 1264 പേ​ർ മാ​ത്ര​മാ​ണ്​ പ​രീ​ക്ഷ​യി​ൽ വി​ജ​യി​ക്കാ​തെ പോ​യ​ത്.

പൊതുവിദ്യാഭ്യാസ ഡയറക്ടറിൽനിന്ന്​ റിപ്പോർട്ട്​ തേടി മന്ത്രി

തി​രു​വ​ന​ന്ത​പു​രം: അ​ക്ഷ​രം കൂ​ട്ടി​വാ​യി​ക്കാ​ൻ ക​ഴി​യാ​ത്ത കു​ട്ടി​ക​ൾ​ക്ക്​ വ​രെ എ​സ്.​എ​സ്.​എ​ൽ.​സി പ​രീ​ക്ഷ​യി​ൽ എ ​പ്ല​സ്​ ല​ഭി​ക്കു​ന്നെ​ന്ന വി​മ​ർ​ശ​ന​ത്തി​ൽ മ​ന്ത്രി വി. ​ശി​വ​ൻ​കു​ട്ടി പൊ​തു​വി​ദ്യാ​ഭ്യാ​സ ഡ​യ​റ​ക്ട​ർ എ​സ്. ഷാ​ന​വാ​സി​നോ​ട്​ റി​പ്പോ​ർ​ട്ട്​ തേ​ടി. ഡ​യ​റ​ക്ട​റു​ടേ​തെ​ന്ന പേ​രി​ൽ പു​റ​ത്തു​വ​ന്ന ശ​ബ്ദ​രേ​ഖ​യു​മാ​യി ബ​ന്ധ​പ്പെ​ട്ട് റി​പ്പോ​ർ​ട്ട് ന​ൽ​കാ​ൻ ഡ​യ​റ​ക്ട​ർ​ക്ക്​ ത​ന്നെ​യാ​ണ്​ നി​ർ​ദേ​ശം ന​ൽ​കി​യ​ത്.

ആ​ന്ത​രി​ക​മാ​യി ന​ട​ക്കു​ന്ന ശി​ൽ​പ​ശാ​ല​ക​ളി​ൽ വി​മ​ർ​ശ​ന​പ​ര​മാ​യി വി​ദ്യാ​ഭ്യാ​സ​ത്തെ എ​ങ്ങ​നെ സ​മീ​പി​ക്ക​ണം എ​ന്ന് അ​ഭി​പ്രാ​യം പ​റ​യു​ന്ന​തി​നെ സ​ർ​ക്കാ​ർ നി​ല​പാ​ടാ​യി കാ​ണേ​ണ്ട​തി​ല്ലെ​ന്ന്​ മ​ന്ത്രി വ്യ​ക്​​ത​മാ​ക്കി​യി​രു​ന്നു. കു​ട്ടി​ക​ളെ പ​രാ​ജ​യ​പ്പെ​ടു​ത്തി യാ​ന്ത്രി​ക​മാ​യി ഗു​ണ​മേ​ന്മ വ​ർ​ധി​പ്പി​ക്കു​ക എ​ന്ന​ത് സ​ർ​ക്കാ​ർ ന​യ​മ​ല്ലെ​ന്നും എ​ല്ലാ കു​ട്ടി​ക​ളെ​യും ഉ​ൾ​ച്ചേ​ർ​ത്തു​കൊ​ണ്ടും ഉ​ൾ​ക്കൊ​ണ്ടു​കൊ​ണ്ടും ഗു​ണ​മേ​ന്മ വ​ർ​ധി​പ്പി​ക്കു​ക എ​ന്ന​താ​ണ് സ​ർ​ക്കാ​ർ ന​യ​മെ​ന്നും ഡ​യ​റ​ക്ട​റു​ടെ പ​രാ​മ​ർ​ശ​ത്തോ​ട്​ പ്ര​തി​ക​രി​ക്ക​വെ മ​ന്ത്രി വ്യ​ക്ത​മാ​ക്കി​യി​രു​ന്നു.

സർക്കാർ പരിശോധിക്കട്ടെ- പ്രതിപക്ഷം

തി​രു​വ​ന​ന്ത​പു​രം: ​പൊ​തു​വി​ദ്യാ​ഭ്യാ​സ ഡ​യ​റ​ക്ട​റു​ടെ പ​രാ​മ​ർ​ശം സ​ർ​ക്കാ​ർ പ​രി​ശോ​ധി​ക്ക​ട്ടെ​യെ​ന്ന്​ ​​​പ്ര​തി​പ​ക്ഷ നേ​താ​വ്​ വി.​ഡി. സ​തീ​ശ​ൻ. 99 ശ​ത​മാ​ന​മൊ​ക്ക​യാ​ണ​ല്ലോ ഇ​​പ്പോ​ൾ വി​ജ​യം. എ​ല്ലാ വി​ഷ​യ​ത്തി​നും എ ​പ്ല​സ്​ കി​ട്ടു​ന്ന കു​ട്ടി​ക​ളു​ടെ എ​ണ്ണം വ​ർ​ധി​ച്ചി​ട്ടു​ണ്ട്. പൊ​തു​വി​ദ്യാ​ഭ്യാ​സ ഡ​യ​റ​ക്ട​റ​ല്ലേ അ​ഭി​പ്രാ​യം പ​റ​ഞ്ഞ​ത്. അ​ത്​ ഗൗ​ര​വാ​യി ക​ണ്ട്​ മൂ​ല്യ​നി​ർ​ണ​യ​ത്തി​ൽ കു​ഴ​പ്പ​മു​​​​​ണ്ടെ​ങ്കി​ൽ പ​രി​ശോ​ധി​ച്ച്​ മാ​റ്റം വ​രു​ത്തു​ക​യാ​ണ്​ ചെ​യ്യേ​ണ്ട​തെ​ന്നും സ​തീ​ശ​ൻ പ​റ​ഞ്ഞു.

വിജയശതമാനം ഉയർത്തിയത്​ വിഷയ മിനിമം തിരികെ കൊണ്ടുവരാനുള്ള ശിപാർശ തള്ളിയതിനാൽ

തി​രു​വ​ന​ന്ത​പു​രം: എ​സ്.​എ​സ്.​എ​ൽ.​സി പ​രീ​ക്ഷ​യി​ലെ വി​ജ​യ​ശ​ത​മാ​നം വി​ദ്യാ​ഭ്യാ​സ വ​കു​പ്പ്​ കു​ത്ത​നെ ഉ​യ​ർ​ത്തി​യ​ത്​ വി​ഷ​യ മി​നി​മം മാ​ർ​ക്ക്​ രീ​തി തി​രി​കെ കൊ​ണ്ടു​വ​രാ​നു​ള്ള ശി​പാ​ർ​ശ ത​ള്ളി. 2016ലെ ​എ​സ്.​എ​സ്.​എ​ൽ.​സി പ​രീ​ക്ഷ ഫ​ല​ത്തി​ന്​ അം​ഗീ​കാ​രം ന​ൽ​കാ​ൻ ഏ​പ്രി​ൽ 26ന്​ ​അ​ന്ന​ത്തെ പൊ​തു​വി​ദ്യാ​ഭ്യാ​സ ഡ​യ​റ​ക്ട​ർ എം.​എ​സ്. ജ​യ​യു​ടെ അ​ധ്യ​ക്ഷ​ത​യി​ൽ ചേ​ർ​ന്ന പ​രീ​ക്ഷ പാ​സ്​ ബോ​ർ​ഡ്​ യോ​ഗ​മാ​ണ്​ വി​ഷ​യ മി​നി​മം രീ​തി തി​രി​കെ കൊ​ണ്ടു​വ​ര​ണ​മെ​ന്ന്​ ശി​പാ​ർ​ശ ചെ​യ്ത​ത്.

എ​സ്.​എ​സ്.​എ​ൽ.​സി പ​രീ​ക്ഷ​യു​ടെ ഗു​ണ​നി​ല​വാ​രം ഉ​യ​ർ​ത്താ​ൻ വി​ഷ​യ മി​നി​മം തി​രി​കെ കൊ​ണ്ടു​വ​ര​ണ​മെ​ന്ന്​ വി​ദ്യാ​ഭ്യാ​സ വ​കു​പ്പി​ന്​ കീ​ഴി​ലെ വി​വി​ധ ഡ​യ​റ​ക്ട​ർ​മാ​ർ ഉ​ൾ​പ്പെ​ടെ​യു​ള്ള​വ​ർ യോ​ഗ​ത്തി​ൽ നി​ർ​ദേ​ശം വെ​ച്ച​തോ​ടെ​യാ​ണ്​ ഇ​തു​സം​ബ​ന്ധി​ച്ച്​ ശി​പാ​ർ​ശ ന​ൽ​കാ​ൻ തീ​രു​മാ​നി​ച്ച​ത്. എ​ന്നാ​ൽ പി​ന്നീ​ട്​ വ​ന്ന എ​ൽ.​ഡി.​എ​ഫ്​ സ​ർ​ക്കാ​ർ ഈ ​ശി​പാ​ർ​ശ ത​ള്ളി. പി​ന്നീ​ടു​ള്ള വ​ർ​ഷ​ങ്ങ​ളി​ലും എ​സ്.​എ​സ്.​എ​ൽ.​സി വി​ജ​യ​ശ​ത​മാ​ന​വും എ ​പ്ല​സ്​ നേ​ടു​ന്ന​വ​രു​ടെ എ​ണ്ണ​വും വ​ർ​ധി​ച്ചു​കൊ​ണ്ടി​രു​ന്നു. എ​ഴു​ത്ത്​ പ​രീ​ക്ഷ​യി​ൽ ഓ​രോ വി​ഷ​യ​ത്തി​ലും നി​ശ്​​ചി​ത ശ​ത​മാ​നം മാ​ർ​ക്ക്​ വി​ദ്യാ​ർ​ഥി നേ​ടി​യി​രി​ക്ക​ണ​മെ​ന്ന​താ​ണ്​ വി​ഷ​യ മി​നി​മം മാ​ർ​ക്ക്​ രീ​തി.

നി​ല​വി​ൽ 100 മാ​ർ​ക്ക്​ പ​രീ​ക്ഷ​യി​ൽ 80 മാ​ർ​ക്കി​നാ​ണ്​ എ​ഴു​ത്തു​പ​രീ​ക്ഷ. 20 മാ​ർ​ക്കി​ന്​ നി​ര​ന്ത​ര മൂ​ല്യ​നി​ർ​ണ​യ​വും. 50 മാ​ർ​ക്ക്​ പ​രീ​ക്ഷ​ക്ക്​ 40 മാ​ർ​ക്കി​ന്​ എ​ഴു​ത്തു​പ​രീ​ക്ഷ​യും 10 മാ​ർ​ക്കി​ന്​ നി​ര​ന്ത​ര മൂ​ല്യ​നി​ർ​ണ​യ​വു​മാ​ണ്. നി​ര​ന്ത​ര മൂ​ല്യ​നി​ർ​ണ​യ​ത്തി​ന്​ കൈ​യ​യ​ച്ച്​ മാ​ർ​ക്ക്​ ന​ൽ​കു​ന്ന​തോ​ടെ വി​ജ​യി​ക്കാ​ൻ വേ​ണ്ട മാ​ർ​ക്ക്​ വി​ദ്യാ​ർ​ഥി​ക്ക്​ അ​നാ​യാ​സം നേ​ടാ​നാ​വും. ഈ ​രീ​തി മാ​റി എ​ഴു​ത്തു​പ​രീ​ക്ഷ​യി​ൽ നി​ശ്​​ചി​ത മാ​ർ​ക്ക്​ നി​ർ​ബ​ന്ധ​മാ​യും നേ​ട​ണ​മെ​ന്ന​താ​യി​രു​ന്നു ശി​പാ​ർ​ശ. ഇ​ത്​ വി​ജ​യ​ശ​ത​മാ​നം ഇ​ടി​യാ​ൻ വ​ഴി​വെ​ക്കു​മെ​ന്ന വി​ല​യി​രു​ത്ത​ലി​ലാ​ണ്​ വി​ദ്യാ​ഭ്യാ​സ വ​കു​പ്പ്​ അ​വ​ഗ​ണി​ച്ച​ത്. വി​ഷ​യ മി​നി​മം രീ​തി തി​രി​കെ കൊ​ണ്ടു​വ​ര​ണ​മെ​ന്ന ആ​വ​ശ്യം ഏ​താ​നും വ​ർ​ഷ​ങ്ങ​ളാ​യി ഉ​യ​രു​ന്നു​ണ്ടെ​ങ്കി​ലും വി​ദ്യാ​ഭ്യാ​സ വ​കു​പ്പ്​ പു​റം​തി​രി​ഞ്ഞ്​ നി​ൽ​ക്കു​ക​യാ​ണ്.