അവസാന സെമസ്റ്റർ ബി.ടെക്, ബി.ആർക്ക് ഫലം പ്രസിദ്ധീകരിച്ചു

തിരുവനന്തപുരം: സാങ്കേതിക സര്‍വകലാശാല 2022 ജൂണില്‍ നടത്തിയ 2015 സ്‌കീം അവസാന സെമസ്റ്റര്‍ ബി.ടെക് എട്ടാം സെമസ്റ്റര്‍ റഗുലര്‍, സപ്ലിമെന്ററി പരീക്ഷകളുടെയും ബി.ആര്‍ക്ക് പത്താം സെമസ്റ്റർ റെഗുലർ, സപ്ലിമെന്ററി പരീക്ഷകളുടെയും ഫലം പ്രസിദ്ധീകരിച്ചു.

വിശദമായ ഫലം സർവകലാശല വെബ്സൈറ്റിന്റെ റിസൽറ്റ് ടാബിലും വിദ്യാർഥികളുടെയും കോളജുകളുടെയും ലോഗിനിലും ലഭ്യമാണ്.

ബി.ടെക് വിദ്യാർഥികൾക്ക് ഉത്തരക്കടലാസിന്റെ പകർപ്പിനും പുനർമൂല്യനിർണയത്തിനും ആഗസ്റ്റ് അഞ്ചു വരെ അപേക്ഷിക്കാം. കൂടുതൽ വിവരങ്ങൾക്ക് www.ktu.edu.in സന്ദർശിക്കുക.

ബി.ടെക് അഞ്ചാം സെമസ്റ്റര്‍ സപ്ലിമെന്ററി, എഫ്.ഇ പരീക്ഷകളുടെ (2015 സ്‌കീം) പുനര്‍മൂല്യനിര്‍ണയത്തിനും ഉത്തര സ്‌ക്രിപ്റ്റിനും ആഗസ്റ്റ് 10 വരെ അപേക്ഷിക്കാം. ഉത്തരക്കടലാസ് കോപ്പിയുടെ ഫീസ് 500 രൂപയും പുനര്‍മൂല്യനിര്‍ണയത്തിനുള്ള ഫീസ് 600 രൂപയുമാണ്.