Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightEducationchevron_rightEdu Newschevron_rightകർണാടകയിൽ സ്വകാര്യ...

കർണാടകയിൽ സ്വകാര്യ മെഡിക്കൽ, ഡെൻറൽ ബിരുദ കോഴ്​സുകളിൽ ഫീസ്​ വർധന

text_fields
bookmark_border
കർണാടകയിൽ സ്വകാര്യ മെഡിക്കൽ, ഡെൻറൽ ബിരുദ കോഴ്​സുകളിൽ ഫീസ്​ വർധന
cancel

ബംഗളൂരു: കർണാടകയിലെ സ്വകാര്യ കോളജുകളിൽ മെഡിക്കൽ, ഡ​െൻറൽ ബിരുദ കോഴ്​സുകളിൽ 2019-20 അധ്യയന വർഷത്തിൽ 15 ശതമാനം ഫീസ്​ വർധിപ്പിക്കാൻ സർക്കാർ തീരുമാനിച്ചു. ഫീസ്​ വർധന സംബന്ധിച്ച്​ നേരത്തെ ശിപാർശയുണ്ടായിരുന്നെങ്കിലും കഴിഞ്ഞദിവ സമാണ്​ സർക്കാർ അംഗീകാരം നൽകിയത്​.

കഴിഞ്ഞ വർഷം എട്ടു ശതമാനമായിരുന്നു വർധന. ഇതോടെ രണ്ടുവർഷത്തിനിടെ ഫീസിനത ്തിൽ 23 ശതമാനം വർധനവാണുണ്ടായത്​. സ്വകാര്യ മെഡിക്കൽ കോളജുകളിലെയും ഡ​െൻറൽ കോളജുകളിലെയും മാനേജ്​മ​െൻറ്​, സർക്ക ാർ ക്വാട്ടകൾക്ക്​ നിരക്ക്​ വർധന ഒരുപോലെ ബാധകമാണെന്ന്​ സംസ്​ഥാന മെഡിക്കൽ വിദ്യാഭ്യാസ മന്ത്രി ഇ. തുക്കാറാം പറഞ്ഞു. ന്യൂനപക്ഷ സ്​ഥാപനങ്ങളിലും പുതിയ ഫീസ്​ ഘടന ബാധകമാണ്​.

അതേസമയം, സർക്കാർ മെഡിക്കൽ കോളജുകളിലും ഡ​െൻറൽ കോളജുകളിലും ഇൗ അധ്യയനവർഷം ഫീസ്​ വർധിപ്പിക്കേണ്ടെന്നും തീരുമാനിച്ചിട്ടുണ്ട്​. പുതുക്കിയ നിരക്ക്​ പ്രകാരം, സ്വകാര്യ മെഡിക്കൽ കോളജുകളിലെ സർക്കാർ സീറ്റിന്​ 1.11 ലക്ഷവും മാനേജ്​മ​െൻറ്​ സീറ്റിന്​ 7.85 ലക്ഷവുമാണ്​ നിരക്ക്​. ഡ​െൻററൽ കോളജുകളിൽ യഥാക്രമം 72,484 രൂപയും 5.32 ലക്ഷവുമാണ്​ ഫീസ്​.

സർക്കാർ മെഡിക്കൽ കോളജുകളിലെ ബിരുദ ഫീസ്​ അരലക്ഷവും ഡ​െൻറൽ കോളജുകളിലെ ഫീസ്​ 40,000 ഉം ആയി തുടരും.
സ്വകാര്യ കോളജുകളിലെ എം.ബി.ബി​.എസ്​, ബി.ഡി.എസ്​ സീറ്റുകളിൽ ഇത്തവണ കർണാടക റിലീജ്യസ്​ ആൻറ്​ ലിംഗിസ്​റ്റിക്​ മൈനോറിറ്റി പ്രഫഷനൽ കോളജ്​ അ​േസാസിയേഷൻ 25 ശതമാനവും കർണാടക പ്രഫഷനൽ കോളജസ്​ ഫൗണ്ടേഷൻ 20 ശതമാനവും വർധനവാണ്​ സർക്കാറിനോട്​ ആവശ്യപ്പെ​ട്ടിരുന്നത്​.

51 മെഡിക്കൽ കോളജുകളിലായി 7645 മെഡിക്കൽ സീറ്റും 35 ഡ​െൻറൽ കോളജുകളിലായി 2800 ഡ​െൻറൽ സീറ്റുകളുമാണ്​ കർണാടകയിലുള്ളത്​. ഇൗ അധ്യയന വർഷം പുതിയ മെഡിക്കൽ കോളജിന്​ ഇന്ത്യൻ മെഡിക്കൽ കൗൺസിൽ അംഗീകാരം നൽകിയതായും മന്ത്രി തുക്കാറാം അറിയിച്ചു. ബംഗളൂരുവിലെ ബൗറിങ്​ ആൻറ്​ ലേഡി കഴ്​സൺ മെഡിക്കൽ കോളജ്​ ആൻറ്​ റിസർച്ച്​ ഇൻസ്​റ്റിറ്റ്യൂട്ടിനാണ്​ 150 സീറ്റുകളോടെ അനുമതി നൽകിയത്​.

Show Full Article
TAGS:education medical MBBS education news malayalam news 
Next Story