1,178 എൻജിനീയറിങ് വിദ്യാർഥികൾക്ക് ഫീസിളവ്

തിരുവനന്തപുരം: സ്വാശ്രയ എൻജിനീയറിങ്, ആർക്കിടെക്ചർ കോളജുകളിലെ സാമ്പത്തികമായി പിന്നാക്കം നിൽക്കുന്ന 1,178 വിദ്യാർഥികളുടെ സ്‌പെഷൽ ഫീസ് പൂർണമായി ഒഴിവാക്കിയതായി ഉന്നതവിദ്യാഭ്യാസ മന്ത്രി ഡോ. ആർ. ബിന്ദു. ഓരോ സ്വാശ്രയ കോളജും സർക്കാറിന് നൽകിയ 50 ശതമാനം സീറ്റിൽ പ്രവേശനം ലഭിച്ച നിർധനരായ 25 ശതമാനം കുട്ടികളെയാണ് ഫീസിളവിന് പരിഗണിച്ചത്.

5000 രൂപമുതൽ 25,000 രൂപവരെയുള്ള ഫീസിളവാണ് ലഭിക്കുക. ഇവർക്ക് സ്‌കോളർഷിപ് ലഭ്യമാക്കുമെന്നും മന്ത്രി അറിയിച്ചു. 2021-22 ബാച്ചിലെ ഫീസിളവിന് അർഹരായവരുടെ പട്ടിക www.cee.kerala.gov.in ൽ പ്രസിദ്ധീകരിച്ചു.