ഡിവിഷന്‍ നിലനിര്‍ത്താന്‍ വ്യാജ അഡ്മിഷന്‍; അധ്യാപകര്‍ക്ക് പിന്നാലെ പ്രധാനാധ്യാപികക്കും സസ്‌പെന്‍ഷന്‍

കാ​ക്ക​നാ​ട്: ഡി​വി​ഷ​ൻ നി​ല​നി​ര്‍ത്താ​ൻ മ​റ്റു സ്‌​കൂ​ളു​ക​ളി​ൽ​നി​ന്നു​ള്ള വി​ദ്യാ​ര്‍ഥി​ക​ള്‍ക്ക് വ്യാ​ജ അ​ഡ്മി​ഷ​ൻ ന​ല്‍കി ക്ലാ​സി​ലി​രു​ത്തി​യ സം​ഭ​വ​ത്തി​ൽ പ്ര​ധാ​നാ​ധ്യാ​പി​ക​ക്കും സ​സ്‌​പെ​ന്‍ഷ​ൻ. ആ​ലു​വ ഗ​വ. ഗേ​ള്‍സ് ഹൈ​സ്കൂ​ളി​ലെ പ്ര​ധാ​നാ​ധ്യാ​പി​ക മീ​ന പോ​ളി​നെ​യാ​ണ് അ​ന്വേ​ഷ​ണ വി​ധേ​യ​മാ​യി പൊ​തു​വി​ദ്യാ​ഭ്യാ​സ ഡ​യ​റ​ക്ട​ർ എ​സ്. ഷാ​ന​വാ​സ് സ​സ്‌​പെ​ന്‍ഡ് ചെ​യ്ത​ത്.

സം​ഭ​വു​മാ​യി ബ​ന്ധ​പ്പെ​ട്ട് സ്‌​കൂ​ളി​ലെ ഏ​ഴ് ബി ​ക്ലാ​സി​ലെ അ​ധ്യാ​പ​ക​ൻ എ​ൽ. ജ​യ​ലാ​ൽ, 10 ബി ​ക്ലാ​സി​ലെ അ​ധ്യാ​പി​ക ദി​വ്യ ദി​വാ​ക​ര​ൻ എ​ന്നി​വ​രെ ക​ഴി​ഞ്ഞ ദി​വ​സം ജി​ല്ല വി​ദ്യാ​ഭ്യാ​സ ഉ​പ​ഡ​യ​റ​ക്ട​ർ (ഡി.​ഡി.​ഇ) ഹ​ണി ജി. ​അ​ല​ക്സാ​ണ്ട​ർ സ​സ്പ​ൻ​ഡ് ചെ​യ്തി​രു​ന്നു. സ്‌​കൂ​ളി​ലെ ഡി​വി​ഷ​നു​ക​ൾ ന​ഷ്ട​പ്പെ​ടാ​തി​രി​ക്കാ​ൻ പ്ര​ധാ​നാ​ധ്യാ​പി​ക​യും മ​റ്റ് ര​ണ്ട് അ​ധ്യാ​പ​ക​രും ചേ​ര്‍ന്ന് ന​ട​ത്തി​യ​ത് ഗു​രു​ത​ര അ​ച്ച​ട​ക്ക​ലം​ഘ​ന​മാ​ണെ​ന്ന് പൊ​തു​വി​ദ്യാ​ഭ്യാ​സ ഡ​യ​റ​ക്ട​റു​ടെ ഉ​ത്ത​ര​വി​ൽ ചൂ​ണ്ടി​ക്കാ​ണി​ക്കു​ന്നു.

ഏ​ഴാം ക്ലാ​സി​ൽ ഏ​ഴ് കു​ട്ടി​ക​ളെ​യും പ​ത്താം ക്ലാ​സി​ൽ ഒ​രു വി​ദ്യാ​ര്‍ഥി​നി​യെ​യു​മാ​ണ് പ്ര​ധാ​നാ​ധ്യാ​പി​ക​യു​ടെ ഒ​ത്താ​ശ​യോ​ടെ വ്യാ​ജ പ്ര​വേ​ശ​ന രേ​ഖ​ക​ളു​ണ്ടാ​ക്കി ക്ലാ​സി​ലി​രു​ത്തി​യ​ത്. ചൊ​വ്വാ​ഴ്ച ഡി.​ഡി.​ഇ​യു​ടെ നേ​തൃ​ത്വ​ത്തി​ൽ സ്‌​കൂ​ളി​ൽ ന​ട​ത്തി​യ മി​ന്ന​ൽ പ​രി​ശോ​ധ​ന​യി​ലാ​ണ് വ്യാ​ജ അ​ഡ്മി​ഷ​ൻ ക​ണ്ടെ​ത്തി​യ​ത്.

സ്‌​കൂ​ൾ രേ​ഖ​ക​ൾ പ​രി​ശോ​ധി​ച്ച​തി​ൽ പ്ര​വേ​ശ​ന ര​ജി​സ്റ്റ​റു​ൾ​പ്പെ​ടെ പ​ല​തും പൂ​ര്‍ത്തി​യാ​ക്കാ​ത്ത​തി​നാ​ൽ കു​ട്ടി​ക​ളു​ടെ എ​ണ്ണം എ​ടു​ക്കു​ന്ന​ത് അ​പ്രാ​യോ​ഗി​ക​മാ​യി​രു​ന്നു. വെ​ള്ളി​യാ​ഴ്ച വെ​രി​ഫി​ക്കേ​ഷ​ൻ പൂ​ര്‍ത്തി​യാ​ക്കേ​ണ്ട​തി​നാ​ൽ രേ​ഖ​ക​ളെ​ല്ലാം ഉ​ട​ൻ ത​യാ​റാ​ക്കി ന​ല്‍ക​ണ​മെ​ന്ന് നി​ര്‍ദേ​ശി​ച്ച് മ​ട​ങ്ങി​യ ഡി.​ഡി.​ഇ, ബു​ധ​നാ​ഴ്ച ഉ​ച്ച​ക്ക് സ്‌​കൂ​ളി​ൽ വീ​ണ്ടും എ​ത്തി.

തു​ട​ര്‍ന്ന് ഏ​ഴ് ബി​യി​ലെ കു​ട്ടി​ക​ളു​ടെ എ​ണ്ണ​മെ​ടു​ത്ത​പ്പോ​ൾ ഏ​ഴ് വി​ദ്യാ​ര്‍ഥി​നി​ക​ൾ ചൊ​വ്വാ​ഴ്ച​യാ​ണ് ആ​ദ്യ​മാ​യി ക്ലാ​സി​ൽ ഹാ​ജ​രാ​വു​ന്ന​തെ​ന്ന് മ​റ്റു വി​ദ്യാ​ര്‍ഥി​ക​ൾ അ​റി​യി​ച്ചി​രു​ന്നു. രേ​ഖ​ക​ൾ പ്ര​കാ​രം ഇ​വ​ർ ജൂ​ണി​ൽ​ത​ന്നെ അ​ഡ്മി​ഷ​നെ​ടു​ക്കു​ക​യും സ​മ്പൂ​ര്‍ണ​യി​ൽ വി​വ​ര​ങ്ങ​ളു​ള്‍പ്പെ​ടു​ത്തു​ക​യും ജൂ​ൺ ഒ​ന്ന്​ മു​ത​ൽ ഇ​തു​വ​രെ​യു​ള്ള ഹാ​ജ​ർ ന​ല്‍കു​ക​യും ചെ​യ്തി​ട്ടു​ണ്ട്.

കു​ട്ടി​ക​ള്‍ക്ക് ഇ​വി​ടെ അ​ഡ്മി​ഷ​നെ​ടു​ത്തെ​ങ്കി​ലും വീ​ടു​ക​ളു​ടെ സ​മീ​പ​ത്തേ​ക്ക് സ്‌​കൂ​ൾ ബ​സ് പോ​കാ​ത്ത​തി​നാ​ൽ വീ​ടി​ന​ടു​ത്തു​ള്ള സ​ര്‍ക്കാ​ർ അം​ഗീ​കാ​ര​മി​ല്ലാ​ത്ത സ്‌​കൂ​ളി​ൽ ചേ​ര്‍ത്ത് പ​ഠ​നം തു​ട​രു​ക​യും സ്‌​കൂ​ളി​ൽ ഇ​ന്‍സ്പെ​ക്ഷ​ൻ ന​ട​ന്ന​പ്പോ​ൾ ര​ക്ഷി​താ​ക്ക​ളു​ടെ അ​നു​മ​തി​യോ​ടെ സ്‌​കൂ​ളി​ൽ കൊ​ണ്ടു​വ​രു​ക​യു​മാ​യി​രു​ന്നു​വെ​ന്നാ​ണ് ക്ലാ​സ് അ​ധ്യാ​പ​ക​ൻ ഇ​തു​സം​ബ​ന്ധി​ച്ച് ന​ല്‍കി​യ വി​ശ​ദീ​ക​ര​ണം. പ​ത്ത് ബി​യി​ലും ഇ​ത്ത​ര​ത്തി​ലൊ​രു വി​ദ്യാ​ര്‍ഥി​നി​യു​ണ്ടാ​യി​രു​ന്നു.

എ​ന്നു മു​ത​ലാ​ണ് ഈ ​സ്‌​കൂ​ളി​ൽ പ​ഠി​ക്കു​ന്ന​തെ​ന്ന് അ​ന്വേ​ഷി​ച്ച​പ്പോ​ൾ താ​ൻ കു​ഞ്ഞു​ണ്ണി​ക്ക​ര​യി​ലെ സ്‌​കൂ​ളി​ലാ​ണ് പ​ഠി​ക്കു​ന്ന​തെ​ന്നും അ​വി​ട​ത്തെ അ​ധ്യാ​പ​ക​രോ​ട് മാ​താ​വ് സം​സാ​രി​ച്ച​തി​ന്റെ അ​ടി​സ്ഥാ​ന​ത്തി​ലാ​ണ് ആ​ദ്യ​മാ​യി ഈ ​സ്‌​കൂ​ളി​ൽ വ​ന്ന​തെ​ന്നും വ്യ​ക്ത​മാ​ക്കി.

ഈ ​കു​ട്ടി​ക്കും ജൂ​ണി​ൽ​ത​ന്നെ അ​ഡ്മി​ഷ​ൻ എ​ടു​ത്ത​താ​ണെ​ന്നും ഇ​തേ സ്‌​കൂ​ളി​ൽ​ത​ന്നെ എ​സ്.​എ​സ്.​എ​ൽ.​സി പ​രീ​ക്ഷ എ​ഴു​തു​മെ​ന്ന് അ​റി​യി​ച്ച​തി​നാ​ൽ കു​ട്ടി​യെ സ​ഹാ​യി​ച്ച​താ​ണെ​ന്നു​മാ​യി​രു​ന്നു ക്ലാ​സ് അ​ധ്യാ​പി​ക​യു​ടെ വി​ശ​ദീ​ക​ര​ണം. എ​ന്നാ​ൽ, ഡി​വി​ഷ​ൻ നി​ല​നി​ര്‍ത്താ​ൻ മ​റ്റൊ​രു സ്‌​കൂ​ളി​ലെ കു​ട്ടി​ക​ളെ​യും ര​ക്ഷി​താ​ക്ക​ളെ​യും തെ​റ്റി​ദ്ധ​രി​പ്പി​ച്ച് ഈ ​സ്‌​കൂ​ളി​ൽ ചേ​ര്‍ത്ത​തി​ലൂ​ടെ ച​ട്ട​ലം​ഘ​ന​വും ഗു​രു​ത​ര വീ​ഴ്ച​യു​മാ​ണ് ന​ട​ന്നി​ട്ടു​ള്ള​തെ​ന്നു ഡി.​ഡി.​ഇ​യു​ടെ അ​ന്വേ​ഷ​ണ​ത്തി​ൽ ക​ണ്ടെ​ത്തി.