എൻജിനീയറിങ് പ്രവേശനം: മാർക്കുകൾ പരിശോധിക്കാൻ അവസരം

തിരുവനന്തപുരം: 2022 വർഷത്തെ എൻജിനീയറിങ് റാങ്ക് ലിസ്റ്റ് തയാറാക്കുന്നതിന് പ്രവേശന പരീക്ഷാ കമീഷണറുടെ വെബ്സൈറ്റ് (www.cee.kerala.gov.in) മുഖേന മാർക്ക് വിവരങ്ങൾ ഓൺലൈനായി സമർപ്പിച്ച വിദ്യാർഥികൾക്ക് അവ പരിശോധിക്കുന്നതിനും ഇംപ്രൂവ്മെന്റ് പരീക്ഷയുടെ മാർക്ക് ഉൾപ്പെടെ സമർപ്പിക്കുന്നതിനും ആഗസ്റ്റ് 30ന് വൈകീട്ട് അഞ്ചുവരെ അവസരമുണ്ടായിരിക്കും.

മാർക്ക് വിവരങ്ങൾ ഓൺലൈനായി പരിശോധിച്ച് ഉറപ്പുവരുത്താത്തവരുടെയും തിരുത്തലുകൾ ആവശ്യമുണ്ടെങ്കിൽ അവ വരുത്താത്തവരുടെയും നിലവിലെ മാർക്ക് അതേപടി റാങ്ക് ലിസ്റ്റ് തയാറാക്കുന്നതിന് പരിഗണിക്കും. ഹെൽപ് ലൈൻ നമ്പർ : 04712525300