ശ്രീനാരായണ ഗുരു സർവകലാശാലയിൽ വിദൂര വിദ്യാഭ്യാസം: അനുമതി വിദഗ്​ധ പരിശോധനക്ക്​ ശേഷമെന്ന്​ യു.ജി.സി

കൊ​ച്ചി: വി​ദൂ​ര വി​ദ്യാ​ഭ്യാ​സ കോ​ഴ്സു​ക​ൾ ന​ട​ത്താ​ൻ ശ്രീ​നാ​രാ​യ​ണ ഗു​രു ഓ​പ​ൺ സ​ർ​വ​ക​ലാ​ശാ​ല​ക്ക് അ​നു​മ​തി ന​ൽ​കു​ന്ന​ത്​ സം​ബ​ന്ധി​ച്ച്​ വി​ദ​ഗ്​​ധ സ​മി​തി പ​രി​ശോ​ധ​ന​ക്ക്​ ശേ​ഷം മാ​ത്ര​മേ തീ​രു​മാ​ന​മാ​കൂ​വെ​ന്ന്​ യു.​ജി.​സി ഹൈ​കോ​ട​തി​യി​ൽ.

വി​ദൂ​ര വി​ദ്യാ​ഭ്യാ​സ അ​നു​മ​തി ല​ഭി​ച്ചി​ട്ടു​ള്ള ഉ​ന്ന​ത വി​ദ്യാ​ഭ്യാ​സ സ്ഥാ​പ​ന​ങ്ങ​ളു​ടെ പ​ട്ടി​ക​യി​ൽ ഈ ​ഓ​പ​ൺ സ​ർ​വ​ക​ലാ​ശാ​ല​യു​ടെ പേ​രി​ല്ല. എ​ന്നാ​ൽ, കോ​ഴ്​​സു​ക​ൾ ന​ട​ത്താ​ൻ അ​നു​മ​തി തേ​ടി സ​ർ​വ​ക​ലാ​ശാ​ല അ​പേ​ക്ഷ ന​ൽ​കി​യി​ട്ടു​ണ്ടെ​ന്നും വി​ദ​ഗ്​​ധ സ​മി​തി സ്ഥാ​പ​നം സ​ന്ദ​ർ​ശി​ച്ച്​ പ​രി​ശോ​ധി​ച്ച്​ തീ​രു​മാ​ന​മെ​ടു​ക്കു​മെ​ന്നും യു.​ജി.​സി​യു​ടെ അ​ഭി​ഭാ​ഷ​ക​ൻ വ്യ​ക്​​ത​മാ​ക്കി. വി​ദ​ഗ്​​ധ സ​മി​തി പ​രി​ശോ​ധ​ന സം​ബ​ന്ധി​ച്ച റി​പ്പോ​ർ​ട്ട്​ ഹാ​ജ​രാ​ക്കാ​ൻ യു.​ജി.​സി​ക്ക്​ നി​ർ​ദേ​ശം ന​ൽ​കി​യ ജ​സ്റ്റി​സ്​ ദേ​വ​ൻ രാ​മ​ച​ന്ദ്ര​ൻ ഹ​ര​ജി സെ​പ്​​റ്റം​ബ​ർ 16ന്​ ​പ​രി​ഗ​ണി​ക്കാ​ൻ മാ​റ്റി.

ശ്രീ​നാ​രാ​യ​ണ ഗു​രു ഓ​പ​ൺ സ​ർ​വ​ക​ലാ​ശാ​ല​യ​ല്ലാ​തെ മ​റ്റ് സ​ർ​വ​ക​ലാ​ശാ​ല​ക​ൾ വി​ദൂ​ര വി​ദ്യാ​ഭ്യാ​സ കോ​ഴ്സു​ക​ൾ ന​ട​ത്തു​ന്ന​ത് ത​ട​ഞ്ഞ് ജൂ​ൺ ഒ​മ്പ​തി​ന് സ​ർ​ക്കാ​ർ പു​റ​പ്പെ​ടു​വി​ച്ച ഉ​ത്ത​ര​വ് ചോ​ദ്യം ചെ​യ്ത് വി​ദ്യാ​ർ​ഥി​ക​ൾ ന​ൽ​കി​യ ഹ​ര​ജി​യാ​ണ് കോ​ട​തി​യു​ടെ പ​രി​ഗ​ണ​ന​യി​ലു​ള്ള​ത്. വി​ദൂ​ര വി​ദ്യാ​ഭ്യാ​സ കോ​ഴ്സു​ക​ൾ ന​ട​ത്താ​ൻ മ​റ്റ് സ​ർ​വ​ക​ലാ​ശാ​ല​ക​ളെ വി​ല​ക്കി​യ​തോ​ടെ വി​ദ്യാ​ർ​ഥി​ക​ൾ​ക്ക് സൗ​ക​ര്യ​പ്ര​ദ​മാ​യ രീ​തി​യി​ൽ പ​ഠ​നം തു​ട​രാ​നു​ള്ള അ​വ​സ​രം നി​ഷേ​ധി​ക്ക​പ്പെ​ട്ട​താ​യി ചൂ​ണ്ടി​ക്കാ​ട്ടി​യാ​യി​രു​ന്നു ഹ​ര​ജി.

യു.​ജി.​സി അ​നു​മ​തി​യി​ല്ലാ​ത്ത​തി​നാ​ൽ ഓ​പ​ൺ സ​ർ​വ​ക​ലാ​ശാ​ല കോ​ഴ്സു​ക​ളി​ൽ ചേ​രാ​നു​മാ​കി​ല്ല. അ​തി​നാ​ൽ ഉ​ത്ത​ര​വ് റ​ദ്ദാ​ക്കി എ​ല്ലാ സ​ർ​വ​ക​ലാ​ശാ​ല​ക​ളെ​യും കോ​ഴ്സു​ക​ൾ ന​ട​ത്താ​ൻ അ​നു​വ​ദി​ക്ക​ണ​മെ​ന്നാ​യി​രു​ന്നു ഹ​ര​ജി​ക്കാ​രു​ടെ ആ​വ​ശ്യം.