Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightEducationchevron_rightEdu Newschevron_rightഡിജിറ്റൽ സർവകലാശാല:...

ഡിജിറ്റൽ സർവകലാശാല: ലക്ഷ്യം 1000 സീറ്റ്​

text_fields
bookmark_border
IITM-K Campus
cancel
camera_alt

ഐ.ഐ.ഐ.ടി.എം-കെ

തിരുവനന്തപുരം: ​ഡിജിറ്റൽ ടെക്​നോളജിയിൽ ഉന്നതപഠനവും ഗവേഷണവും ഉന്നമിട്ട്​ സംസ്​ഥാനത്താരംഭിക്കുന്ന ഡിജിറ്റൽ സർവകലാശാലയിൽ ലക്ഷ്യം​ 1000 സീറ്റ്​. ജനുവരിയിൽ പ്രവർത്തനമാരംഭിക്കും.

ആദ്യഘട്ടത്തിൽ 300ഒാളം ഗവേഷക വിദ്യാർഥികൾക്കാണ്​ പ്രവേശനം. സർവകലാശാലക്കുള്ള ഒാർഡിനൻസ്​ തയാറായതോടെയാണ്​ പ്രവർത്തനങ്ങൾ വേഗമേറുന്നത്​. വിദേശ സർവകലാശാലകളുമായി എം.ഒ.യു ഒപ്പുവെക്കുന്നതിനുള്ള ചർച്ചകളും ആരംഭിച്ചു.

അന്താരാഷ്​ട്ര നിലവാരത്തിൽ 11 ഏക്കറിൽ കാമ്പസിനായുള്ള ഒരുക്കങ്ങൾ മംഗലപുരം ടെക്​നോസിറ്റിയിൽ അവസാനഘട്ടത്തിലാണ്. അക്കാദമിക്​ ബ്ലോക്ക്​, ഹോസ്​റ്റൽ, കാൻറീൻ എന്നിവയുൾപ്പെ​െട 1.25 ലക്ഷം ചതുരശ്രയടിയിൽ കെട്ടിടങ്ങൾ പൂർത്തിയായി. ശേഷിക്കുന്ന ഒരുലക്ഷം ചതുരശ്ര അടി നിർമാണങ്ങൾ പുരോഗമിക്കുന്നു​.

ഇന്ത്യൻ ഇൻസ്​റ്റിറ്റ്യൂട്ട് ഒാഫ് ഇൻഫർമേഷൻ ടെക്നോളജി ആൻഡ് മാനേജ്മെൻറ്​ കേരളയെയാണ് (ഐ.ഐ.ഐ.ടി.എം^കെ) ഡിജിറ്റൽ സർവകലാശാലയായി ഉയർത്തുന്നത്​. പിഎച്ച്​.ഡി, മാസ്​റ്റേഴ്​സ്​ ​പ്രോഗ്രാമുകൾ മാത്രമാണ്​ ഡിജിറ്റൽ സർവകലാശാലയിലുണ്ടാവുക. പിഎച്ച്​.ഡി വിഭാഗമാണ്​ ​ആദ്യം തുടങ്ങുക.

​ഇലക്​ട്രോണിക്​ ഒാ​േട്ടാമേഷൻ, ഡിജിറ്റൽ ബയോസയൻസ്​, െഎ.ടി സാധ്യതകൾ ഉൾപ്പെടുത്തി മനുഷ്യ ഇ​ടപെടലുക​ളിലെ ഗവേഷണങ്ങൾ ഉൾപ്പെടുന്ന 'ടെക്​ ഹ്യ​ുമാനിറ്റീസ്​', കമ്പ്യൂട്ടർ സയൻസ്​ എന്നീ നാല്​ സ്​കൂളുകളായാണ്​ ​കോഴ്​സുകൾ.

രാജ്യത്ത്​ ചുരുക്കം സ്​ഥാപനങ്ങളിലാണ്​ ഇൗ കോഴ്​സുകളുള്ളത്​. ഇലക്​ട്രോണിക്​സ്​, കമ്പ്യൂട്ടർ സയൻസ്​ വിഭാഗങ്ങളിൽ ഐ.ഐ.ഐ.ടി.എം-കെയിൽ 17 ഫാക്കൽറ്റികളുണ്ട്​. മറ്റ്​ വിഭാഗങ്ങളിൽ അനുയോജ്യരായവരെ കണ്ടെത്തണമെന്നതാണ്​ ഇനിയുള്ള ​ശ്രമകരമായ ദൗത്യം. പിഎച്ച്​.ഡിയും മൂന്ന്​ വർഷത്തെ അനുഭവപരിചയവുമാണ്​ പ്രധാന മാനദണ്ഡം.

ഇതിനുപുറമേ എൻ.​െഎ.ആർ.എഫ്​ റാങ്കിങ്ങിൽ (നാഷനൽ ഇൻസ്​റ്റിറ്റ്യൂഷനൽ റാങ്കിങ്​ ഫ്രയിംവർക്ക്) 200ൽ താഴെ റാങ്കിലുള്ള സ്​ഥാപനങ്ങളിൽ പഠിക്കുക​യോ ജോലി ചെയ്യുകയോ ചെയ്​തവരുമാകണം. വി​േദശ രാജ്യങ്ങളിൽനിന്നും ഫാക്കൽറ്റികളെ ആലോചിക്കുന്നുണ്ട്​.

Show Full Article
TAGS:Digital University IITMK 
Web Title - Digital University: Target 1000 seats
Next Story