Begin typing your search above and press return to search.
proflie-avatar
Login
exit_to_app
exit_to_app
Homechevron_rightCareer & Educationchevron_rightEdu Newschevron_rightമെഡിക്കൽ പ്രവേശനം;...

മെഡിക്കൽ പ്രവേശനം; സംസ്ഥാന അലോട്ട്മെൻറ്​ വൈകിയത്​ അഖിലേന്ത്യ​ ക്വോട്ട വിദ്യാർഥികൾക്ക്​ കുരുക്കായി

text_fields
bookmark_border
mbbs exam
cancel

തിരുവനന്തപുരം: സംസ്ഥാനത്തെ മെഡിക്കൽ, അനുബന്ധ കോഴ്​സുകളിലെ ആദ്യ അലോട്ട്​മെൻറ്​ വൈകിയത്​ അഖിലേന്ത്യ ക്വോട്ടയിൽ കേരളത്തിന്​ പുറത്ത്​ അലോട്ട്​മെൻറ്​ ലഭിച്ചവർക്ക്​ കുരുക്കായി. അഖിലേന്ത്യ ക്വോട്ടക്ക്​ പുറമെ വെള്ളിയാഴ്​ച പ്രസിദ്ധീകരിച്ച സംസ്ഥാന അലോട്ട്​മെൻറിലും ഇടംപിടിച്ചവരാണ്​ പ്രതിസന്ധിയിലായത്​.

കേരളത്തിലെ മെഡിക്കൽ കോളജുകളിൽ അലോട്ട്​മെൻറ്​ ലഭിച്ചവർക്ക്​ അഖിലേന്ത്യ ക്വോട്ടയിലെ സീറ്റ്​ ഉപേക്ഷിക്കാനുള്ള സമയം കഴിഞ്ഞ 19ന്​ അവസാനിച്ചിരുന്നു. സംസ്ഥാനത്തിന്​ പുറത്തെ മെഡിക്കൽ കോളജുകളിൽ പ്രവേശനം ലഭിച്ച ഒ​േട്ടറെ പേർക്ക്​ സംസ്ഥാന അലോട്ട്​മെൻറിലും ഇടം ലഭിച്ചിട്ടുണ്ട്​. 19ന്​ മുമ്പ്​ സംസ്ഥാന അലോട്ട്​മെൻറ്​ പ്രസിദ്ധീകരിക്കാത്തതുകാരണമാണ്​ ഇൗ വിദ്യാർഥികൾക്ക്​ സംസ്ഥാനത്തെ കോളജുകളിലെ അലോട്ട്​മെൻറ്​ സ്വീകരിക്കാൻ കഴിയാത്തത്​.

സർട്ടിഫിക്കറ്റുകളും രേഖകളും ആദ്യം പ്രവേശനം നേടിയ കോളജുകളിൽനിന്ന്​ വിട്ടുകിട്ടിയിട്ടില്ല. നേര​േത്ത കഴിഞ്ഞ 16ന്​ പ്രസിദ്ധീകരിക്കാനിരുന്ന ആദ്യ അലോട്ട്​മെൻറ്​ മുന്നാക്കസംവരണ സീറ്റ്​ വിഹിതം തീരുമാനിക്കാനാകാതെ 20ലേക്ക്​ നീട്ടുകയായിരുന്നു. അ​േതസമയം, അഖിലേന്ത്യ ക്വോട്ട അലോട്ട്​മെൻറ്​ കാരണം പ്രവേശനം നേടാൻ കഴിയാത്ത വിദ്യാർഥികൾക്ക്​ രേഖകൾ ഹാജരാക്കാൻ ഡിസംബർ ഒന്ന്​ വരെ സമയം നൽകാൻ പ്രവേശനപരീക്ഷ കമീഷണർ കോളജുകൾക്ക്​ നിർദേശം നൽകിയിട്ടുണ്ട്​. അതുവരെ ഇൗ വിദ്യാർഥികൾക്ക്​ താൽക്കാലിക പ്രവേശനം നൽകാനുമാണ്​ നിർദേശം.

അഖിലേന്ത്യ ക്വോട്ടയിലെ രണ്ടാം അലോട്ട്​മെൻറ്​ പ്രസിദ്ധീകരിക്കു​േമ്പാൾ പ്രവേശനം ​സ്ഥിരപ്പെടുത്താതെ ഇത്തരം വിദ്യാർഥികൾക്ക്​ മടങ്ങാനുള്ള അവസരമുണ്ട്​. വിദ്യാർഥികളുടെ പ്രശ്​നം അഖിലേന്ത്യ ക്വോട്ട അലോട്ട്​മെൻറ്​ നടത്തുന്ന കേന്ദ്ര ആരോഗ്യമന്ത്രാലയത്തിന്​ കീഴിലെ ഡയറക്​ടർ​ ജനറൽ ഒാഫ്​ ഹെൽത്ത്​ സർവിസസി​െൻറ ശ്രദ്ധയിൽപെടുത്തിയതായും അധികൃതർ അറിയിച്ചു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:mbbs admissionmbbs quota
Next Story