കാലിക്കറ്റിൽ ബിരുദ ട്രയൽ അലോട്ട്മെന്റായി

കോഴിക്കോട്: കാലിക്കറ്റ് സർവകലാശാലയിലെ ബിരുദ ഏകജാലക പ്രവേശനത്തിനുള്ള ട്രയൽ അലോട്ട്മെന്റ് പ്രസിദ്ധീകരിച്ചു. 45914 വിദ്യാർഥികളാണ് ട്രയൽ അലോട്ട്മെന്റിലുള്ളത്. ഒന്നാം അലോട്ട്മെന്റിലും ഇത്രയും പേരുണ്ടാകും.

ആകെ 55155 പേർക്കാണ് ഏകജാലകത്തിലൂടെ പ്രവേശനം ലഭിക്കുക. മാനേജ്മെന്റ്, കമ്മ്യൂണിറ്റി , സ്പോർട്സ് ക്വാട്ടകൾ ഇതിന് പുറമേയാണ്. അപേക്ഷയിൽ ചൊവ്വാഴ്ച്ചയും തിരുത്തലുകൾ വരുത്താം.

മൊബൈൽ നമ്പർ , ഇമെയിൽ ഐ.ഡി എന്നിവ ഒഴികെ ലോഗിൻ ചെയ്ത് തിരുത്താം. തിരുത്തലിന് ശേഷം പുതുക്കിയ അപേക്ഷയുടെ പ്രിന്റ്ഔട്ട് എടുത്ത് സൂക്ഷിക്കാൻ മറക്കരുത്.