വി​ദ്യാ​ല​യമു​റ്റ​ത്തു​വെ​ച്ചും കു​ട്ടി​ക​ളെ പി​ടു​ത്തം

വെ​ള്ള​മു​ണ്ട: വി​ദ്യാ​ല​യ​ങ്ങ​ളു​ടെ എ​ണ്ണം കൂ​ടി​യ​തോ​ടെ കു​ട്ടി​ക​ളെ പി​ടി​ക്കാ​നു​ള്ള മ​ത്സ​ര​വും ന​ട​ക്കു​ക​യാ​ണ്. മ​റ്റൊ​രു വി​ദ്യാ​ല​യ​ത്തി​ന്‍റെ മു​റ്റ​ത്തുനി​ന്ന​ട​ക്കം കു​ട്ടി​ക​ളെ 'ചാ​ക്കി​ട്ട് പി​ടി​ക്കു​ന്ന​ത്' വി​ദ്യാ​ല​യ​ങ്ങ​ൾ ത​മ്മി​ലു​ള്ള സം​ഘ​ർ​ഷ​ത്തി​നും ഇ​ട​യാ​ക്കു​ന്നു. എ​ൽ.​പി ത​ല​ത്തി​ലു​ള്ള കു​ട്ടി​ക​ളെ​യാ​ണ് വി​ദ്യാ​ല​യ​ങ്ങ​ൾ പ​ര​സ്പ​രം മ​ത്സ​രി​ച്ച് തേ​ടി​പ്പി​ടി​ക്കു​ന്ന​ത്.

ഗ്രാ​മ​പ്ര​ദേ​ശ​ങ്ങ​ളി​ൽ പ്രൈ​മ​റി വി​ദ്യാ​ല​യ​ങ്ങ​ൾ വ​ർ​ധി​ച്ച​തോ​ടെ​യാ​ണ് വി​ദ്യാ​ല​യ​ങ്ങ​ൾ ത​മ്മി​ലു​ള്ള മ​ത്സ​ര​വും കൂ​ടി​യ​ത്. വ​ൻ സാ​മ്പ​ത്തി​ക പ്ര​ലോ​ഭ​ന​ങ്ങ​ൾ ന​ൽ​കി​യാ​ണ് പ്ര​മു​ഖ വി​ദ്യാ​ല​യ​ങ്ങ​ൾ കു​ട്ടി​ക​ളെ സ്വാ​ധീ​നി​ക്കു​ന്ന​ത്. ര​ക്ഷി​താ​ക്ക​ളെ സാ​മ്പ​ത്തി​ക പ്ര​ലോ​ഭ​ന​ങ്ങ​ളി​ൽ സ്വാ​ധീ​നി​ക്കാ​ൻ ക​ഴി​യു​ന്ന​വ​ർ കു​ട്ടി​ക​ളു​ടെ എ​ണ്ണം വ​ർ​ധി​പ്പി​ക്കു​ക​യും സാ​മ്പ​ത്തി​ക​മാ​യി പി​ന്നാ​ക്കം നി​ൽ​ക്കു​ന്ന ചെ​റി​യ വി​ദ്യാ​ല​യ​ങ്ങ​ൾ ത​ങ്ങ​ളു​ടെ മു​റ്റ​ത്തു​ള്ള കു​ട്ടി​ക​ളെ പോ​ലും വ​ൻ​കി​ട വി​ദ്യാ​ല​ങ്ങ​ൾ കൂ​ട്ടി​ക്കൊ ണ്ട് പോ​കു​ന്ന​തോ​ടെ പി​ന്ത​ള്ള​പ്പെ​ടു​ന്ന അ​വ​സ്ഥ​യു​മു​ണ്ട്.

പ​ഴ​യ​കാ​ല​ത്തു​നി​ന്നും വ്യ​ത്യ​സ്ത​മാ​യി ഇ​പ്പോ​ൾ ഒ​രോ വീ​ടു​ക​ളി​ലു​മു​ള്ള കു​ട്ടി​ക​ളു​ടെ എ​ണ്ണം ഗ​ണ്യ​മാ​യി കു​റ​ഞ്ഞ​തോ​ടെ എ​യ്ഡ​ഡ് വി​ദ്യാ​ല​യ​ങ്ങ​ളാ​ണ് ഏ​റെ​യും പ്ര​തി​സ​ന്ധി​യി​ലാ​യ​ത്. അ​ധ്യാ​പ​ക​രു​ടെ പോ​സ്റ്റ് നി​ല​നി​ർ​ത്തു​ന്ന​തി​നും പു​തി​യ നി​യ​മ​നം ന​ട​ത്തു​ന്ന​തി​നു​മാ​യി കൂ​ടു​ത​ൽ കു​ട്ടി​ക​ളെ എ​ത്തി​ക്കു​ക​യും നി​ല​വി​ലെ കു​ട്ടി​ക​ളെ നി​ല​നി​ർ​ത്തു​ക​യും ചെ​യ്യു​ക എ​ന്ന ല​ക്ഷ്യ​ത്തോ​ടെ​യാ​ണ് പ്ര​വ​ർ​ത്ത​ന​ങ്ങ​ൾ ന​ട​ക്കു​ന്ന​ത്. മു​മ്പ് പ​ര​സ്പ​ര ബ​ഹു​മാ​ന​ത്തോ​ടു​കൂ​ടി​യാ​ണ് വി​ദ്യാ​ല​യ​ങ്ങ​ൾ കു​ട്ടി​ക​ളെ ചേ​ർ​ത്തി​രു​ന്ന​തെ​ങ്കി​ൽ ഇ​ന്ന് ഒ​രുവി​ധ ധാ​ർ​മി​ക​ത​യും കാ​ണി​ക്കാ​തെ​യാ​ണ് കു​ട്ടി​ക​ളെ പി​ടി​ക്കാ​നോ​ടു​ന്ന​ത്. സ്കൂ​ൾ ബ​സും യൂ​നി​ഫോ​മും പു​സ്ത​ക​വു​മ​ട​ക്കം പ്ര​ലോ​ഭ​ന​ങ്ങ​ൾ ന​ൽ​കി​യാ​ണ് സ​ർ​ക്കാ​ർ വി​ദ്യാ​ല​യ​ങ്ങ​ളി​ൽ നി​ന്ന​ട​ക്കം വി​ദ്യാ​ർ​ഥി​ക​ളെ മാ​റ്റു​ന്ന​ത്. ഇ​തോ​ടെ പല വി​ദ്യാ​ല​യ​ങ്ങ​ളു​ടെയും നി​ല​നി​ൽ​പ് തന്നെ ചോ​ദ്യം ചെ​യ്യ​പ്പെ​ടു​ക​യാ​ണ്. സ്കൂ​ൾ ബ​സ് സം​വി​ധാ​നം ഇ​ല്ലാ​ത്ത വി​ദ്യാ​ല​യ​ങ്ങ​ൾ അ​ട​ച്ചു​പൂ​ട്ട​ൽ ഭീ​ഷ​ണി​യി​ലാ​ണ്.

മ​റ്റു വി​ദ്യാ​ല​യ​ങ്ങ​ളി​ലെ വി​ദ്യാ​ർ​ഥി​ക​ളെ സൗ​ജ​ന്യ യാ​ത്ര​യും സൗ​ജ​ന്യ യൂ​നിഫോ​മും അ​ട​ക്കം ന​ൽ​കി വ​ലി​യ വി​ദ്യാ​ല​യ​ങ്ങ​ൾ ഏ​റ്റെ​ടു​ക്കു​ന്ന സം​വി​ധാ​നം ചെ​റു​കി​ട വി​ദ്യാ​ല​യ​ങ്ങ​ളെ ബാ​ധി​ക്കു​ന്നു​ണ്ട്. തൊ​ട്ട​ടു​ത്ത പ​ഞ്ചാ​യ​ത്തു​ക​ളി​ൽ നി​ന്നുപോ​ലും കു​ട്ടി​ക​ളെ ചേ​ർ​ക്കു​ന്ന​ത് പ​തി​വാ​ണ്.

തൊ​ണ്ട​ർ​നാ​ട് പ​ഞ്ചാ​യ​ത്തി​ൽനി​ന്നും നി​ര​വ​ധി വി​ദ്യാ​ർ​ഥി​ക​ൾ വെ​ള്ള​മു​ണ്ട​യി​ലെ പ്ര​മു​ഖ വി​ദ്യാ​ല​യ​ത്തി​ലെ​ത്തു​ന്നു​ണ്ട്. നി​ര​വ​ധി സ​ർ​ക്കാ​ർ വി​ദ്യാ​ല​യ​ങ്ങ​ൾ മ​റി​ക​ട​ന്നാ​ണ് ഇ​ത്ത​രം കു​ട്ടി​ക​ൾ എ​ത്തു​ന്ന​ത്. എ​ൽ.​പി, യു.​പി ത​ല​ങ്ങ​ളി​ൽ ദീ​ർ​ഘ​ദൂ​ര യാ​ത്ര ചെ​യ്ത് പ​ഠ​ന​ത്തി​നെ​ത്തു​ന്ന വി​ദ്യാ​ർ​ഥി​ക​ൾ വ​ലി​യ സ​മ​യ​ന​ഷ്ട​വും മാ​ന​സി​ക പീ​ഡന​വു​മാ​ണ് അ​നു​ഭ​വി​ക്കു​ന്ന​ത്.

(തു​ട​രും)