സ്കൂൾ പഠന മികവ്; ചണ്ഡിഗഢ് മുന്നിൽ

ന്യൂ​ഡ​ൽ​ഹി: സ്കൂ​ൾ വി​ദ്യാ​ഭ്യാ​സ നി​ല​വാ​രം വി​ല​യി​രു​ത്തി​യു​ള്ള കേ​ന്ദ്ര വി​ദ്യാ​ഭ്യാ​സ മ​ന്ത്രാ​ല​യ​ത്തി​ന്റെ പെ​ർ​ഫോ​മ​ൻ​സ് ഗ്രേ​ഡി​ങ് ഇ​ൻ​ഡ​ക്സി​ൽ(​പി.​ജി.​ഐ) ച​ണ്ഡി​ഗ​ഢും പ​ഞ്ചാ​ബ്,ഡ​ൽ​ഹി​യും മു​ന്നി​ൽ. മു​ൻ​നി​ര സം​സ്ഥാ​ന​ങ്ങ​ളു​ടെ പ​ട്ടി​ക​യി​ൽ ഉ​ൾ​പ്പെ​ട്ടെ​ങ്കി​ലും ഏ​റ്റ​വും ഉ​യ​ർ​ന്ന ഗ്രേ​ഡു​ക​ൾ നേ​ടാ​ൻ കേ​ര​ള​ത്തി​നാ​യി​ല്ല.

പ​ഠ​ന​നി​ല​വാ​രം, അ​ടി​സ്ഥാ​ന സൗ​ക​ര്യം, ഭ​ര​ണ നി​ർ​വ​ഹ​ണം, അ​ധ്യാ​പ​ക​രു​ടെ വി​ദ്യാ​ഭ്യാ​സം, പ​രി​ശീ​ല​നം, തു​ല്യ​ത എ​ന്നി​ങ്ങ​നെ ആ​റ് മേ​ഖ​ല​ക​ൾ വി​ല​യി​രു​ത്തി​യാ​ണ് പി.​ജി.​ഐ ത​യാ​റാ​ക്കി​യി​ട്ടു​ള്ള​ത്. 1,000 പോ​യ​ന്റി​ൽ 703 പോ​യ​ന്റ് നേ​ടി​യ ച​ണ്ഡി​ഗ​ഢ് ‘പ്ര​ചേ​സ്ത-​ഒ​ന്ന്’ ഗ്രേ​ഡ് സ്വ​ന്ത​മാ​ക്കി​യാ​ണ് ഏ​റ്റ​വും ഉ​യ​ർ​ന്ന സ്കോ​ർ നേ​ടി​യ​ത്.

641നും 700 ​ഇ​ട​യി​ൽ പോ​യ​ന്റു​ള്ള പ്ര​ചേ​സ്ത-​ര​ണ്ട് വി​ഭാ​ഗ​ത്തി​ൽ ആ​രും ഇ​ടം പി​ടി​ച്ചി​ല്ല. 581 മു​ത​ൽ 640 പോ​യ​ന്റ് വ​രെ​യു​ള്ള പ്ര​ചേ​സ്ത-​മൂ​ന്ന് വി​ഭാ​ഗ​ത്തി​ലാ​ണ് കേ​ര​ളം. പ​ഞ്ചാ​ബ്, ഡ​ൽ​ഹി, കേ​ര​ളം ഗു​ജ​റാ​ത്ത്, ഒ​ഡി​ഷ, ഹ​രി​യാ​ന, ഗോ​വ, മ​ഹാ​രാ​ഷ്ട്ര, രാ​ജ​സ്ഥാ​ൻ സം​സ്ഥാ​ന​ങ്ങ​ളാ​ണ് പ്ര​ചേ​സ്ത-​മൂ​ന്നി​ലു​ള്ള​ത്. ഇ​തി​ൽ മു​ൻ​നി​ര​യി​ലു​ള്ള പ​ഞ്ചാ​ബ് (631.1), ഡ​ൽ​ഹി (623.7) പോ​യ​ന്റു​ക​ൾ നേ​ടി. കേ​ര​ള​ത്തി​ന് ക​ഴി​ഞ്ഞ വ​ർ​ഷ​ത്തെ അ​പേ​ക്ഷി​ച്ച് എ​ട്ടു​പോ​യ​ന്റ് കു​റ​ഞ്ഞ് 594 പോ​യ​ന്റാ​ണ് ഇ​ത്ത​വ​ണ ല​ഭി​ച്ച​ത്.

അ​തേ​സ​മ​യം, ജി​ല്ല അ​ടി​സ്ഥാ​ന​ത്തി​ൽ പെ​ർ​ഫോ​മ​ൻ​സ് ഗ്രേ​ഡി​ങ് ഇ​ൻ​ഡ​ക്സ് ഫോ​ർ ഡി​സ്ട്രി​ക്ടി​ൽ (പി.​ജി.​ഐ-​ഡി) രാ​ജ്യ​ത്തെ മു​ൻ​നി​ര​യി​ലു​ള്ള 41 ജി​ല്ല​ക​ളി​ൽ 13 എ​ണ്ണം കേ​ര​ള​ത്തി​ൽ​നി​ന്നാ​ണ്. കേ​ര​ള​ത്തി​ൽ കോ​ഴി​ക്കോ​ട് ഒ​ഴി​കെ​യു​ള്ള എ​ല്ലാ ജി​ല്ല​ക​ളും ഉ​ത്തം-​മൂ​ന്ന് എ​ന്ന വി​ഭാ​ഗ​ത്തി​ലാ​ണ്. കേ​ര​ള​ത്തി​ൽ മു​ന്നി​ൽ കൊ​ല്ല​മാ​ണ്- 403 പോ​യ​ന്റ്. എ​റ​ണാ​കു​ളം 401 പോ​യ​ന്റു​മാ​യി ര​ണ്ടാ​മ​തും തി​രു​വ​ന​ന്ത​പു​രം 399 പോ​യ​ന്റു​മാ​യി മൂ​ന്നാ​മ​തു​മെ​ത്തി.