ന്യൂനപക്ഷ വിദ്യാർഥികൾക്കുള്ള മൗലാനാ ആസാദ് ഫെല്ലോഷിപ്പ് നിർത്തലാക്കി കേന്ദ്രം

ന്യൂഡൽഹി: രാജ്യത്തെ ന്യൂനപക്ഷ വിഭാഗങ്ങളിൽ നിന്നുള്ള ഗവേഷകർക്ക്​ യൂനിവേഴ്​സിറ്റി ഗ്രാന്‍റ്​ കമീഷൻ (യു.ജി.സി) നൽകുന്ന മൗലാനാ ആസാദ് നാഷണൽ ഫെല്ലോഷിപ്പ് (എം.എ.എൻ.എഫ്) നിർത്തലാക്കിയെന്ന്​ കേന്ദ്രം. ലോക്സഭയിൽ ടി.എൻ. പ്രതാപൻ എം.പി ഉന്നയിച്ച ചോദ്യത്തിന്​ കേന്ദ്ര ന്യൂനപക്ഷ മന്ത്രാലയത്തിന്‍റെ ചുമതലയുള്ള മന്ത്രി സ്മൃതി ഇറാനി നൽകിയ മറുപടിയിലാണ്​ 2022-23 വർഷം മുതൽ എം.എ.എൻ.എഫ് നിർത്തലാക്കിയതായി പറയുന്നത്​.

കേന്ദ്ര സർക്കാർ നടപ്പാക്കുന്ന വിവിധ ഫെല്ലോഷിപ്പുകളിൽ ന്യൂനപക്ഷ വിഭാഗങ്ങളിൽ നിന്നുള്ള വിദ്യാർഥികൾക്ക്​ അവസരമുള്ളതിനാലും, എം.എ.എൻ.എഫ് മറ്റു ചില ഫെല്ലോഷിപ്പ് പദ്ധതികളുടെ പരിധിയിൽ വരുന്നതിനാലും 2022-23 അധ്യയന വർഷം മുതൽ ഈ ഫെല്ലോഷിപ്പ് തുടരേണ്ടതില്ലെന്ന് സർക്കാർ തീരുമാനിക്കുകയായിരുന്നെന്ന്​ മറുപടിയിൽ വിശദീകരിക്കുന്നു.

2014-15 അധ്യയന വർഷം മുതൽ 2021-22 അധ്യയന വർഷം വരെ 6722 ഗവേഷകർക്കായി 738.85 കോടി രൂപ എം.എ.എൻ.എഫ് വഴി വിതരണം ചെയ്തുവെന്നും ​മറുപടിയിലുണ്ട്​.

എം.എ.എൻ.എഫ് നിർത്തലാക്കാനുള്ള കേന്ദ്ര തീരുമാനം നിലവിൽ ഫെല്ലോഷിപ്പ് ലഭിച്ചുകൊണ്ടിരിക്കുന്ന വിദ്യാർഥികളെ ആശങ്കയിലാഴ്ത്തിയിട്ടുണ്ടെന്ന്​ ടി.എൻ. പ്രതാപൻ പറഞ്ഞു. പുതുതായി ആർക്കും നല്കുന്നില്ലെന്നാണോ അതോ ഇതുവരെ ലഭിച്ചുകൊണ്ടിരുന്നവർക്കും ഇനി ലഭിക്കില്ലെന്നാണോ എന്നൊക്കെയുള്ള സംശയങ്ങൾ നിലനിൽക്കുന്നു. ഒ.ബി.സി അല്ലാത്ത ന്യൂനപക്ഷങ്ങളിൽ നിന്നുള്ള ഗവേഷക വിദ്യാർഥികൾക്ക് ഇതോടെ വലിയ അവസരം നിഷേധിക്കുകയാണ് സർക്കാർ ചെയ്തത്. വിഷയം വരും ദിവസങ്ങളിലും പാർലമെന്റിൽ ഉന്നയിക്കുമെന്ന് എം.പി വ്യക്​തമാക്കി.

പ്രീമെട്രിക് സ്കോളർഷിപ് നിർത്തലാക്കിയത് പുനഃപരിശോധിക്കണമെന്ന് ഇ.ടി

ന്യൂ​ഡ​ൽ​ഹി: പാ​വ​ങ്ങ​ളാ​യ ല​ക്ഷ​ക്ക​ണ​ക്കി​ന് വി​ദ്യാ​ർ​ഥി​ക​ൾ​ക്ക് കാ​ല​ങ്ങ​ളാ​യി ല​ഭി​ച്ചു​കൊ​ണ്ടി​രു​ന്ന പ്രീ​മെ​ട്രി​ക്ക് സ്കോ​ള​ർ​ഷി​പ് നി​ർ​ത്ത​ലാ​ക്കി​യ കേ​ന്ദ്ര സ​ർ​ക്കാ​ർ ന​ട​പ​ടി ക്രൂ​ര​മാ​യ​തി​നാ​ൽ അ​ത് പു​നഃ​പ​രി​ശോ​ധി​ച്ച് തി​രു​ത്ത​ണ​മെ​ന്ന് മു​സ്‍ലിം ലീ​ഗ് പാ​ർ​ല​മെ​ന്റ് പാ​ർ​ട്ടി നേ​താ​വും ദേ​ശീ​യ ഓ​ർ​ഗ​നൈ​സി​ങ് സെ​ക്ര​ട്ട​റി​യു​മാ​യ ഇ.​ടി. മു​ഹ​മ്മ​ദ് ബ​ഷീ​ർ എം.​പി പാ​ർ​ല​മെ​ന്റി​ൽ ആ​വ​ശ്യ​പ്പെ​ട്ടു.

ഒ​ന്നു മു​ത​ൽ എ​ട്ടു വ​രെ​യു​ള്ള ക്ലാ​സു​ക​ളി​ൽ പ​ഠി​ക്കു​ന്ന​വ​ർ​ക്ക് ഈ ​സ്കോ​ള​ർ​ഷി​പ് ഇ​നി മു​ത​ൽ കൊ​ടു​ക്കി​ല്ലെ​ന്ന സ​ർ​ക്കാ​ർ തീ​രു​മാ​നം അ​ക്ഷ​രാ​ർ​ഥ​ത്തി​ൽ ഞെ​ട്ടി​പ്പി​ക്കു​ന്ന​താ​ണ്. ഈ ​സ്കോ​ള​ർ​ഷി​പ്പു​ക​ൾ​ക്ക് വേ​ണ്ടി​യു​ള്ള അ​പേ​ക്ഷ ഇ​ക്കൊ​ല്ല​വും എ​ല്ലാ വി​ദ്യാ​ർ​ഥി​ക​ളും സ​മ​ർ​പ്പി​ക്കു​ക​യും അ​തി​ന്റെ സൂ​ക്ഷ്മ പ​രി​ശോ​ധ​ന​യ​ട​ക്കം പൂ​ർ​ത്തി​യാ​ക്കു​ക​യും ചെ​യ്തി​രു​ന്നു. ഈ ​ആ​നു​കൂ​ല്യം ത​ട്ടി​പ്പ​റി​ച്ചെ​ടു​ത്ത​തു​കൊ​ണ്ട് ഈ ​സ​ർ​ക്കാ​റി​ന് എ​ന്തു ലാ​ഭ​മാ​ണ് കി​ട്ടാ​ൻ പോ​കു​ന്ന​തെ​ന്ന് എം.​പി ചോ​ദി​ച്ചു.