Top
Begin typing your search above and press return to search.
exit_to_app
exit_to_app
Homechevron_rightEducationchevron_rightEdu Newschevron_rightസി.ബി.എസ്​.ഇ പത്താം...

സി.ബി.എസ്​.ഇ പത്താം ക്ലാസ്​ പരീക്ഷ റദ്ദാക്കി; 12 ാം ക്ലാസ്​ പരീക്ഷ മാറ്റിവെച്ചു

text_fields
bookmark_border
സി.ബി.എസ്​.ഇ പത്താം ക്ലാസ്​ പരീക്ഷ റദ്ദാക്കി; 12 ാം ക്ലാസ്​ പരീക്ഷ മാറ്റിവെച്ചു
cancel

ന്യൂഡൽഹി: കോവിഡ്​ വ്യാപനം രൂക്ഷമായ സാഹചര്യത്തിൽ സി.ബി.എസ്​.ഇ പരീക്ഷകൾ മാറ്റാൻ കേന്ദ്ര വിദ്യാഭ്യാസ വകുപ്പ്​ തീരുമാനിച്ചു. സി.ബി.എസ്​.ഇ പത്താം ക്ലാസ്​ പരീക്ഷ റദ്ദാക്കാനും 12ാം ക്ലാസ്​ പരീക്ഷ മാറ്റിവെക്കാനുമാണ്​ തീരുമാനം. പ്രധാനമന്ത്രി നരേന്ദ്ര മോദിയുമായി വിദ്യാഭ്യാസ മന്ത്രി രമേശ് പൊക്രിയാൽ, ഉദ്യോഗസ്ഥർ എന്നിവർ നടത്തിയ ചർച്ചയിലാണ്​ പരീക്ഷകൾ മാറ്റിവെക്കാൻ തീരുമാനമായത്​.

ജൂൺ ഒന്നിന്​ സാഹചര്യം വിലയിരുത്തിയ ശേഷം പന്ത്രണ്ടാം ക്ലാസിലെ പരീക്ഷ തിയതി തീരുമാനിക്കും. 15 ദിവസം മു​െമ്പങ്കിലും പരീക്ഷ തീയതി പ്രഖ്യാപിക്കും.

പരീക്ഷ ഉപേക്ഷിച്ച പത്താംക്ലാസിൽ മൂല്യനിർണയം നടത്താൻ ബോർഡ്​ മാനദണ്ഡം ഉണ്ടാക്കും. ഇതുവരെയുള്ള പ്രവർത്തന മികവ്​ കണക്കാക്കി നൽകുന്ന മാർക്കിൽ ഏതെങ്കിലും വിദ്യർഥികൾക്ക്​ ആക്ഷേപം ഉണ്ടെങ്കിൽ അവർക്ക്​ പരീക്ഷ ഏഴുതാനുള്ള അവസരം നൽകും. സാഹചര്യം അനുകൂലമാകുന്ന മുറക്കാണ്​ അവർക്കായി പരീക്ഷ നടത്തുക. കഴിഞ്ഞ വർഷവും ഇതേ രീതിയായിരുന്നു.

നേരത്തെ, മെയ്​ നാലു മുതൽ ജൂൺ 14 വരെയുള്ള ദിവസങ്ങളിലാണ്​​ പന്ത്രണ്ടാം ക്ലാസിലെ ബോർഡ്​ പരീക്ഷ നടത്താൻ തീരുമാനിച്ചിരുന്നത്​. മെയ്​ 4 മുതൽ ജൂൺ 4 വരെയുള്ള ദിവസങ്ങളിലായി പത്താം ക്ലാസിലെ പരീക്ഷകൾ നടത്താനും തീരുമാനിച്ചിരുന്നു. പരീക്ഷാ നടത്തിപ്പിനുള്ള എല്ലാ ഒരുക്കങ്ങളും ഏറെക്കുറെ പൂർത്തിയായതാണ്​. കോവിഡ്​ മാനദണ്ഡങ്ങൾ പാലിച്ച്​ പരീക്ഷ നടത്താനുള്ള ഒരുക്കങ്ങളാണ്​ നടത്തിയിരുന്നത്​.

കോവിഡ്​ വ്യാപനം ശക്​തമായ സാഹചര്യത്തിൽ പരീക്ഷകൾ നടത്തുന്നതിനെതിരെ പ്രതിപക്ഷം ശക്​തമായി രംഗത്തെത്തിയ സാഹചര്യത്തിൽ കൂടിയാണ്​ പരീക്ഷകൾ മാറ്റാൻ തീരുമാനിച്ചത്​. പരീക്ഷ മാറ്റാൻ ആവശ്യപ്പെട്ട്​ ലക്ഷത്തിലധികം വിദ്യാർഥികൾ ഒപ്പുവെച്ച നിവേദനവും നൽകിയിരുന്നു. പരീക്ഷ മാറ്റണമെന്ന ആവശ്യം ട്വിറ്ററിലടക്കം ദിവസങ്ങളോളം ട്രെൻഡിങ്ങായിരുന്നു.





Show Full Article
TAGS:CBSE 
News Summary - CBSE Class 10th Board Exams Canceled, 12th Postponed
Next Story