Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightEducationchevron_rightEdu Newschevron_rightകാലിക്കറ്റ്...

കാലിക്കറ്റ് സര്‍വകലാശാല ബി.എഡ്, എം.എഡ് അപേക്ഷ തീയതി നീട്ടി

text_fields
bookmark_border
University of Calicut
cancel

തേഞ്ഞിപ്പലം: കാലിക്കറ്റ് സര്‍വകലാശാല 2020-21 അധ്യയനവര്‍ഷത്തെ ബി.എഡ്, ബി.എഡ് സ്‌പെഷല്‍ എജുക്കേഷന്‍ (ഹിയറിങ്​ ഇംപയേഡ്), എം.എഡ് കോഴ്‌സുകള്‍ക്ക് ഓണ്‍ലൈന്‍ അപേക്ഷ സമര്‍പ്പിക്കുന്നതിനുള്ള അവസാന തീയതി ഒക്‌ടോബര്‍ 17ന് വൈകീട്ട് അഞ്ചുവരെ ദീര്‍ഘിപ്പിച്ചു.

നിലവില്‍ രജിസ്‌ട്രേഷന്‍ പൂര്‍ത്തിയാക്കിയവർക്ക്​ അപേക്ഷ തിരുത്തല്‍ വരുത്താനും പുതിയ കോളജ് ഓപ്ഷനുകള്‍ കൂട്ടിച്ചേര്‍ക്കാനുമുള്ള സൗകര്യം ഒക്‌ടോബര്‍ 17 വരെ ലഭ്യമാണ്. തിരുത്തല്‍ വരുത്തിയതിനുശേഷമുള്ള അപേക്ഷയുടെ പ്രിൻറൗട്ട് സൂക്ഷിക്കണം.

എൻ.സി.ടി.ഇ അംഗീകാരമില്ലാത്തതിനാൽ രണ്ടു കോളജുകളെ പ്രവേശനപ്രക്രിയയിൽനിന്ന് ഒഴിവാക്കി. കൽപകഞ്ചേരി ബാഫഖി യതീംഖാന ബി.എഡ് ട്രെയിനിങ് കോളജ്, കോട്ടക്കൽ ഫാറൂഖ്​ ബി.എഡ് കോളജ് എന്നിവയെയാണ്​ ഒഴിവാക്കിയത്. നാലു കോളജുകളെ പ്രവേശനപ്രക്രിയയിൽ ചേർത്തു.

ആലത്തൂർ ബി.എസ്.എസ് ബി.എഡ് കോളജ്, അരീക്കോട് സുലമുസ്സലാം കോളജ് ഓഫ് ടീച്ചർ എജുക്കേഷൻ, ഇരിങ്ങാലക്കുട കാട്ടൂർ ട്രെയിനിങ് കോളജ് ഫോർ വിമൻ, കോഴിക്കോട് മലാപ്പറമ്പ് പ്രൊവിഡൻസ് കോളജ് ഓഫ് ടീച്ചർ എജുക്കേഷൻ ഫോർ വിമൻ എന്നീ കോളജുക​െളയാണ് കോടതിവിധിയെ തുടർന്ന് ചേർത്തത്. പുതിയ കോളജുകളെ ചേർത്തതിനാൽ ഈ മാസം 14 മുതൽ 17ന് വൈകീട്ട് അഞ്ചുവരെ ഓപ്ഷനിൽ തിരുത്തൽ വരുത്താം.

Show Full Article
TAGS:calicut university B.ed 
Web Title - Calicut University extends B.Ed and M.Ed application date
Next Story