അനിശ്ചിതത്വം നീങ്ങി; വിദൂര വിദ്യാഭ്യാസ പഠനം മുടങ്ങില്ല

പാ​ല​ക്കാ​ട്: വി​ദൂ​ര വി​ദ്യാ​ഭ്യാ​സ വി​ഭാ​ഗം വ​ഴി ബി​രു​ദ-​ബി​രു​ദാ​ന​ന്ത​ര കോ​ഴ്സു​ക​ളി​ലേ​ക്ക് പ്ര​വേ​ശ​നം ന​ട​ത്താ​ൻ കാ​ലി​ക്ക​റ്റ് സ​ർ​വ​ക​ലാ​ശാ​ല സി​ൻ​ഡി​ക്കേ​റ്റ് തീ​രു​മാ​നി​ച്ച​തോ​ടെ സ​മാ​ന്ത​ര വി​ദ്യാ​ഭ്യാ​സ മേ​ഖ​ല​യെ മു​ൾ​മു​ന​യി​ൽ നി​ർ​ത്തി​യ അ​നി​ശ്ചി​ത​ത്വം നീ​ങ്ങി. പ്ര​വേ​ശ​ന​ത്തി​നു​ള്ള വി​ജ്ഞാ​പ​നം കാ​ലി​ക്ക​റ്റ് വി​ദൂ​ര വി​ദ്യാ​ഭ്യാ​സ വി​ഭാ​ഗം ഉ​ട​ൻ പ്ര​സി​ദ്ധീ​ക​രി​ക്കു​മെ​ന്നാ​ണ് സൂ​ച​ന.

ശ്രീ​നാ​രാ​യ​ണ ഗു​രു ഓ​പ​ൺ സ​ർ​വ​ക​ലാ​ശാ​ല വ​ഴി മാ​ത്ര​മേ വി​ദൂ​ര വി​ദ്യ​ഭ്യാ​സ കോ​ഴ്സു​ക​ൾ ന​ട​ത്താ​വൂ എ​ന്ന സ​ർ​ക്കാ​ർ നി​ബ​ന്ധ​ന മ​ല​ബാ​റി​ലെ ആ​യി​ര​ക്ക​ണ​ക്കി​ന് വി​ദ്യാ​ർ​ഥി​ക​ളു​ടെ ഉ​പ​രി​പ​ഠ​ന​ത്തി​ന് തി​രി​ച്ച​ടി​യാ​വു​ന്നു​വെ​ന്ന് ക​ഴി​ഞ്ഞ​ദി​വ​സം ‘മാ​ധ്യ​മം’ റി​പ്പോ​ർ​ട്ട് ചെ​യ്തി​രു​ന്നു. അ​നി​ശ്ചി​താ​വ​സ്ഥ നി​ല​നി​ൽ​ക്കു​ന്ന ഈ ​പ​ശ്ചാ​ത്ത​ല​ത്തി​ലാ​ണ് വി​ഷ​യം സി​ൻ​ഡി​ക്കേ​റ്റി​ന്റെ പ​രി​ഗ​ണ​ന​യി​ൽ വ​ന്ന​ത്. ഇ​തി​നി​ടെ ഈ ​വ​ർ​ഷം വി​ദൂ​ര വി​ദ്യാ​ഭ്യാ​സം വ​ഴി പ്ര​വേ​ശ​നം ന​ട​ത്താ​നു​ള്ള വി​ജ്ഞാ​പ​നം പ്ര​സി​ദ്ധ​പ്പെ​ടു​ത്താ​നു​ള്ള അ​വ​സാ​ന തീ​യ​തി ജൂ​ൺ 30 ആ​യി​രി​ക്കു​മെ​ന്ന് യു.​ജി.​സി സ​ർ​വ​ക​ലാ​ശാ​ല​ക​ളെ അ​റി​യി​ക്കു​ക​യും ചെ​യ്തു. ഈ ​സാ​ഹ​ച​ര്യ​ത്തി​ലാ​ണ് കാ​ലി​ക്ക​റ്റ് സ​ർ​വ​ക​ലാ​ശാ​ല​യി​ൽ പ്ര​വേ​ശ​നം ന​ട​ത്താ​ൻ സി​ൻ​ഡി​ക്കേ​റ്റ് തീ​രു​മാ​നി​ച്ച​ത്.

മു​ൻ​വ​ർ​ഷ​ത്തെ പോ​ലെ നി​ല​വി​ൽ ഓ​പ​ൺ സ​ർ​വ​ക​ലാ​ശാ​ല​ക്ക് യു.​ജി.​സി അം​ഗീ​കാ​രം ല​ഭി​ക്കാ​ത്ത കോ​ഴ്സു​ക​ളി​ലേ​ക്ക് പ്ര​വേ​ശ​നം ന​ട​ത്താ​നാ​യി​രി​ക്കും സാ​ധ്യ​ത. അ​ങ്ങ​നെ​യാ​ണെ​ങ്കി​ൽ നാ​ല് ബി​രു​ദ കോ​ഴ്സു​ക​ളി​ലേ​ക്കും എ​ട്ട് ബി​രു​ദാ​ന​ന്ത​ര ബി​രു​ദ കോ​ഴ്സു​ക​ളി​ലേ​ക്കും ഈ ​വ​ർ​ഷം പ്ര​വേ​ശ​നം ന​ട​ത്താ​ൻ കാ​ലി​ക്ക​റ്റ് സ​ർ​വ​ക​ലാ​ശാ​ല വി​ദൂ​ര വി​ദ്യാ​ഭ്യാ​സ വി​ഭാ​ഗം ഉ​ട​ൻ ന​ട​പ​ടി സ്വീ​ക​രി​ക്കു​മെ​ന്ന് അ​റി​യു​ന്നു. ബി.​ബി.​എ, അ​ഫ്സ​ലു​ൽ ഉ​ല​മ, ബി.​എ പൊ​ളി​റ്റി​ക്ക​ൽ സ​യ​ൻ​സ്, ബി.​കോം എ​ന്നി​വ​യാ​യി​രി​ക്കും ബി​രു​ദ കോ​ഴ്സു​ക​ൾ. അ​റ​ബി​ക്, ഇ​ക്ക​ണോ​മി​ക്സ്, ഹി​ന്ദി, ഫി​ലോ​സ​ഫി, പൊ​ളി​റ്റി​ക്ക​ൽ സ​യ​ൻ​സ്, സം​സ്കൃ​തം, മാ​ത്ത​മാ​റ്റി​ക്സ്, കോ​മേ​ഴ്സ് വി​ഷ​യ​ങ്ങ​ളി​ലാ​യി​രി​ക്കും ബി​രു​ദാ​ന​ന്ത​ര ബി​രു​ദ കോ​ഴ്സു​ക​ൾ.

കാ​ലി​ക്ക​റ്റ് സ​ർ​വ​ക​ലാ​ശാ​ല വി​ദൂ​ര വി​ദ്യാ​ഭ്യാ​സ വി​ഭാ​ഗം വ​ഴി പ​ഠ​നം ന​ട​ത്താ​നാ​യി​ല്ലെ​ങ്കി​ൽ ഇ​ന്ദി​ര ഗാ​ന്ധി ഓ​പ​ൺ യൂ​നി​വേ​ഴ്സി​റ്റി (ഇ​ഗ്നോ) ഉ​ൾ​പ്പെ​ടെ കേ​ന്ദ്ര സ​ർ​വ​ക​ലാ​ശാ​ല കോ​ഴ്സു​ക​ളി​ലേ​ക്ക് ചു​വ​ടു​മാ​റു​മെ​ന്ന് പാ​ര​ല​ൽ കോ​ള​ജ്-​സ്വ​കാ​ര്യ കോ​ള​ജ് സം​ഘ​ട​ന ഭാ​ര​വാ​ഹി​ക​ൾ മു​ന്ന​റി​യി​പ്പ് ന​ൽ​കി​യി​രു​ന്നു. ഏ​താ​യാ​ലും വി​ഷ​യ​ത്തി​ലെ സി​ൻ​ഡി​ക്കേ​റ്റ് തീ​രു​മാ​ന​ത്തെ സം​ഘ​ട​ന​ക​ൾ സ്വാ​ഗ​തം ചെ​യ്തു. വി​ജ്ഞാ​പ​നം ഇ​റ​ങ്ങി​യ ശേ​ഷം കാ​ലി​ക്ക​റ്റ് വി​ദൂ​ര​വി​ദ്യ​ഭ്യാ​സ കോ​ഴ്സു​ക​ളി​ൽ തു​ട​രാ​നു​ള്ള ന​ട​പ​ടി സ്വീ​ക​രി​ക്കു​മെ​ന്ന് പാ​ര​ല​ൽ കോ​ള​ജ് അ​സോ​സി​യേ​ഷ​ൻ സം​സ്ഥാ​ന പ്ര​സി​ഡ​ന്റ് കെ. ​പ്ര​ഭാ​ക​ര​ൻ അ​റി​യി​ച്ചു.