Top
Begin typing your search above and press return to search.
keyboard_arrow_down
Login
exit_to_app
exit_to_app
കാലിക്കറ്റിൽ മൂന്നു​ ദിവസംകൂടി ബിരുദ അപേക്ഷ നൽകാം
cancel
Homechevron_rightEducationchevron_rightEdu Newschevron_rightകാലിക്കറ്റിൽ മൂന്നു​...

കാലിക്കറ്റിൽ മൂന്നു​ ദിവസംകൂടി ബിരുദ അപേക്ഷ നൽകാം

text_fields
bookmark_border

കോഴിക്കോട്​: കാലിക്കറ്റ്​ സർവകലാശാല ബിരുദ ഏകജാലക പ്രവേശനത്തിന്​ മൂന്ന​ു ദിവസംകൂടി അപേക്ഷിക്കാം. www.cuonline.ac.in/ug എന്ന പോർട്ടലിൽ സെപ്​റ്റംബർ ഒമ്പത്​, പത്ത്​, 11 തീയതികളിൽ അപേക്ഷിക്കാം. ഓണ്‍ലൈനായി രജിസ്​റ്റര്‍ ചെയ്യാനും ഫീസ് അടക്കാനും സെപ്​റ്റംബര്‍ 11 വൈകീട്ട്​ അഞ്ചുവരെ സൗകര്യമുണ്ടാവും. അപേക്ഷഫീസ് ജനറല്‍ 280 രൂപ, എസ്.സി/എസ്.ടി 115 രൂപ.

ഒരു അറബിക്​ കോളജിലെ അഫ്​ദലുൽ ഉലമ പരീക്ഷ ഫലം വൈകിയിരുന്നു. നാഷനൽ ഇൻസ്​റ്റിറ്റ്യൂട്ട്​ ഓഫ്​ ഓപൺ സ്​കൂളിങ്​ (എൻ.ഐ.ഒ.എസ്​) വഴി പഠിച്ച നിരവധി വിദ്യാർഥികൾ അപേക്ഷിക്കാനുണ്ടെന്ന്​ റീജനൽ ഡയറക്​ടർ കാലിക്കറ്റ്​ സർവകലാശാല പ്രവേശന വിഭാഗത്തെ അറിയിക്കുകയും ചെയ്​തു. തുടർന്നാണ്​ മൂന്ന​ു​ ദിവസംകൂടി പ്രവേശന പോർട്ടൽ വീണ്ടും തുറക്കാൻ അവസരം നൽകിയതെന്ന്​ പ്രവേശന വിഭാഗം ഡയറക്​ടർ ദിനോജ്​ സെബാസ്​റ്റ്യൻ പറഞ്ഞു. നേരത്തേ, ആഗസ്​റ്റ്​ 24 വരെയായിരുന്നു അപേക്ഷ സ്വീകരിച്ചത്​. മൂന്ന​​ു​ ദിവസത്തെ അ​േപക്ഷകൾ സ്വീകരിച്ചശേഷം ട്രയൽ ​അലോട്ട്​മെൻറ്​ തുടങ്ങും.

Show Full Article
TAGS:University of Calicut ug admission calicut university 
Next Story