Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightEducationchevron_rightEdu Newschevron_rightകാലിക്കറ്റ്​ ബിരുദം:...

കാലിക്കറ്റ്​ ബിരുദം: അപേക്ഷ ​പ്രവാഹം; സീറ്റുകൾ ആവശ്യത്തിനില്ല

text_fields
bookmark_border
കാലിക്കറ്റ്​ ബിരുദം: അപേക്ഷ ​പ്രവാഹം; സീറ്റുകൾ ആവശ്യത്തിനില്ല
cancel

കോഴിക്കോട്​: കാലിക്കറ്റ്​ സർവകലാശാല ബിരുദപ്രവേശനത്തിനുള്ള ഓൺലൈൻ അപേക്ഷ സമർപ്പിക്കാനുള്ള അവസാന തീയതിക്ക്​ ഇനിയും ദിവസങ്ങൾ ബാക്കിനിൽക്കെ അപേക്ഷകൾ പ്രവഹിക്കുന്നു. ബുധനാഴ്​ച വൈകീട്ടുള്ള കണക്ക്​ പ്രഹാരം 85,000 വിദ്യാർഥികൾ അ​േപക്ഷ നടപടികൾ പൂർത്തിയാക്കി.

ഇതിനു​ പുറമെ, 10,000ത്തോളം വിദ്യാർഥികൾ അപേക്ഷയുടെ വിവിധ ഘട്ടങ്ങളിലാണ്​. ഈ വർഷത്തെ വർധനയടക്കം 90,000ത്തിലേറെ സീറ്റുകളാണ്​ ഇത്തവണ കോളജുകളിലുണ്ടാവുക. രണ്ടര ലക്ഷത്തിലേറെ അപേക്ഷകളുണ്ടാകുമെന്നാണ്​ പ്രതീക്ഷിക്കുന്നത്​.പകുതിയിലേറെ അപേക്ഷകർക്കും പ്രവേശനം കടമ്പയാകും. സ്വാശ്രയ കോളജുകൾ സീറ്റ്​ വർധനക്കായി ഫീസടച്ച്​ അപേക്ഷ നൽകിയിട്ടുണ്ട്​. ഇവ പരിശോധിച്ച്​ സീറ്റുകൾ അനുവദിക്കും. 196 സ്വാശ്രയ കോളജുകളും 35 സർക്കാർ കോളജുകളും 51 എയ്​ഡഡ്​ കോളജുകളിലേക്കുമാണ്​ പ്രവേശനം. ഓൺലൈൻ അപേക്ഷകൾ തിരുത്തുന്നതിനുള്ള സംവിധാനം തുടങ്ങിയിട്ടുണ്ട്​.

പേര്, ഫോൺ നമ്പർ, പ്ലസ്​ ടു രജിസ്​റ്റർ നമ്പർ എന്നിവ ഒഴികെയുള്ള എല്ലാ കാര്യങ്ങളിലും തിരുത്തൽ വരുത്തുന്നതിന് അടുത്തുള്ള നോഡൽ ഓഫിസർമാരെ ബന്ധപ്പെട്ടാൽ മതിയെന്ന്​ പ്രവേശന വിഭാഗം ഡയറക്​ടർ ഡോ. ദിനോജ്​ സെബാസ്​റ്റ്യൻ പറഞ്ഞു. തിരുത്തലുകൾക്കു ശേഷം ആപ്ലിക്കേഷനുകൾ ഫൈനലൈസ് ചെയ്യണം. നോഡൽ ഓഫിസർമാരുടെ ജില്ല അടിസ്ഥാനത്തിൽ ഉള്ള ലിസ്​റ്റും മറ്റു വിവരങ്ങളും http://cuonline.ac.in/ug/nodalofficer എന്ന ലിങ്കിൽ ലഭ്യമാണ്.

Show Full Article
TAGS:calicut univercity 
Next Story